HIBRU 3

I Jisas u lakua karakara sileti i Mosis

1Rabelagu. I God u kwarekamu ba, vae hikani tulu kokona, i kamu a bulana tangaloi. Vae huri na leo hinea nu vitia ba, tulu domidomi lui Jisas hi hinea tau matangwasarakinia ba kwara tau hauhuri luna. Aia u kwareki a noda Kaihora* Kokona vake u kwareki a noda Hugwe na Tangaloi* Lingilingi. #Hib 4.14; 6.20; 7.26; 8.1; 9.11 2I Jisas u vai u bakoto koro na nako i God hinea mo mataia huri na bolokiana hikani, hokinia hinea tuai, i Mosis mo vai u bakoto lo nona bolokiana hinea mo tagahuri na tangaloi noi God. #Nam 12.7 3A tangaloi hinea mo tabe na ingwa, a hinana u lakua sileti na ingwa hi mo tabea. Vae lo hala hokinia hi, u taritarisa kwara i God ne tabe hakeki i Jisas sileti i Mosis. 4Io kareaki, vataha na ingwa, a tangaloiki eia hinea ramo kihira, vae i God u kihi savi na kinau. 5I Mosis u vai u bakoto lo nona bolokiana lakwa na tangaloi noi God. Aia a tangaloi boloki noi God u tuku viti huri savi na kinau ki tomuaki hinea vunu vaki takuni i God mote vitira tivarea lalahi na nona tangaloi* duruduruki ratuaki. 6Vae i Kraes* u vai u bakoto lo nona bolokiana. Aia i Natu i God hinea u tuku tagahuri raranatu i Tamana. Vae diko a domida u eno u madi, vake tau tuku hauhuri kwara tana lavi na kinau hinea tau tau na domida tilui God huri kina domi bua, i kita i raranatu i God. #Kol 1.23; Hib 3.14

A tangaloi noi God vae rana mabu

7Vae huri hi ne hoki na Tanungwe Kokona mo viti lo Uliuli* Kokona kwara,

“Hika karagwa diko tulu rongo na leo i God, #Sam 95.7-11

8vae tulu hatu vai gwatu madi

hoki i ratubumiu

hinea tuai ramo toko vai,

ramo maraka ramo tu vovohi God.

Vae tulu hatu vai na doridori

hinea i ratubumiu ramo vai,

lolona hi tuai lo vanua vuroki

ramo toko vaivai rongohia.” #Eks 17.7; Nam 20.2-5

9I God u viti kwara,

“Lo vanua vuroki hi

i ratubumiu ramo toko tagai na bohianagu

a hukao ngavu kaivati.

Vae rau galo lo leogu

kwara rana vai rongohiau.

10Vae huri hi

nu lologutekinira haburu.

Vunu nomo viti kwara,

‘Tigwaravu rau vano rerarera,

rau bega kwara rana rongohuri na leogu.’

11Nomo lologute

vae nomo hahariki kwara,

‘Ranahe soro lai te vohoki

vaki lo vanua hinea kwara vae

nana bete na mabuana lakwara eia.’ ” #Nam 14.21-23

12Rabelagu, tulu tagahuri ne karea kwara vae hete kwara te katukwale tikamu a domina ne kukwere kina hatiki, vae nehe hauhuri tea lui God Tatoka vunu ne maraka ne halebohi tiua. 13Tulu hatu vai hokinia hi. Aia vatavataha na rani hoki na leo hinea mo viti kwara “Hika karagwa” hi u eno luda radu nga, vae tulu kwahabibikamu muleki kwara tulu ne rakati na domimiu. Lo hala hokinia hi a vaivai hati nehe sina lavikamu tea kwara te katukwale, a gwatuna ne madi. 14A noda hauhuriana lui Kraes hinea tamo kwiribibia lo tinatinakakiki, u taritarisa kwara tana kwiribibia ne madi vaki lo gwereki. Diko tana vai kwehini, vae i kita vunu tana bulu maia lo nona bolokiana. #Hib 3.6 15A leo lo Uliuli Kokona u viti hikwe kwara,

“Hika karagwa diko tulu rongo na leo i God,

vae tulu hatu vai gwatu madi

hoki i ratubumiu

hinea tuai ramo toko vai,

ramo maraka

ramo tu vovohi God.” #a Sam 95.7-8; b Hib 3.7-8

16?Ihe tangaloi maira hinea rau rongo na leo i God vae ramo maraka ramo tu vovohia? Aira vunu hinea i Mosis mo tomuakinira tivarea tina vanua Isiv. #Nam 14.1-35 17?Vunu ihe tangaloi maira hinea i God mo lologutekinira haburu a hukao ngavu kaivati? Aira kehekehekinira hinea rau vai na hatiki, ramo mate, a tarabehiga rava saro haro nga lo vanua vuroki. #Nam 14.29; 1 Kor 10.10 18?Vunu ihe tangaloi maira hinea i God mo hahariki korora kwara, “Ranahe soro lai te vohoki vaki lo vanua hinea kwara vae nana bete na mabuana lakwara eia”? Aira hinea ramo maraka ramo tu vovohia. #Nam 14.22-23; Sam 95.11; Hib 3.11 19Vae hika i kita tau taga tau kikilai kwara aira hini, vae rahe soro lai tea vaki lo vanua hi huri rahe hauhuri tea lui God.

Currently Selected:

HIBRU 3: HWT

Highlight

Copy

Compare