GALESIA 6
6
Tulu hagohago maikamu lo nomiu hagohago mava
1Rabela. Diko te katukwale tikamu u vai vakasile lo vaivai hati, i kamu hi tuaki tulu toka u karea lo Tanungwe noi God, tulu haharae kwara ne vano ne karea taliku. Tulu vai kina domi karea, vunu i kamu vake tulu tagahuri. Tulu ne kikilai kwara i kamu vunu hokinia, vae a sinasina ne mai sinakamu vake. #Mat 18.15; Sem 5.19 2Tulu hagohago maikamu lo nomiu rongoana hati. Tulu ne vai hokinia hi, vae tulu ne tabe na tangwata hinea i Kraes* mo viti. #6.2: Lo duviki hi lo gweregwere na ves hi a Buku Kokona tuaki hinea a tangaloi rau ulira tuai rau viti hikwe kwara, Tulu ne vai hokinia hi, vae u taritarisa kwara tulu ne tabe na tangwata hinea i Kraes mo viti. #Rom 15.1 3Vae diko te tangaloi katukwale ne domi hakehakekinia kwara, “I nau hika i nau a tangaloi lakua,” vae aia hete tangaloi vitivitihuri, hokinia hi a domina u tuku sinae. 4Vatahaki na tangaloi katukwale kehe ne tagai na nona bolokiana sibona, kwara u karea diko hetea. Diko u karea ne domidomia luna, vae nehe domi tea kwara ne taga tilo bolokiana nona tangaloi dolua, #1 Kor 11.28; 2 Kor 13.5 5huri a tangaloi aira vunu a noga hagohago eia kwara rana kwali siboga. #Rom 14.12
6A tangaloi hinea u lai a huhuiana radu nga lo leo noi Kraes, te nona hava vivilagoki karekarea te eia, ne hileki duviki lakwa na tangaloi hi mo toko huhuia. #1 Kor 9.11,14
7Tulu hatu sinakamu sibomiu. A tangaloi nehe sina lavi God tea. A tangaloi hinea u rivuki na hava rivurivu tea lolo bulana agoago*, vae ne makuriki vohokinia ne kania. 8Lo halaki hokinia hi a tangaloi hinea ne vai na doridori rau hati hinea a domina mo lengaia, a nona doridori hati hini, vae ne bete na hinakaki lakwae, aia hi a mateana. Vae diko ne vai na doridori karea hini a Tanungwe Kokona mo lengaia, a Tanungwe hi, vae ne bete na hinakaki lakwae, aia hi a ahiana vaki tuai. #Sione 3.6; 6.63; Rom 8.13 9Vae i kita tana hatu keokeo lo noda bolokiana karea. Diko nehe ngwahikita tea, vae lo taroki bakotoki tanari lavi na kwaiki tina noda bolokiana karea. #2 Tes 3.13 10Vae huri hi, tigwaravu diko a taro ne eia lakwakita, tana vaivai karea lakwa na tangaloi savia, vae siletia karakara tana vai kwehi lakwara hinea i rabelada, huri i kita vunu tau hauhuri lui Kraes.
A leo na vakarada rovonaki
11Tulu tagai na uliuli lalakua hika i nau sibogu nu ulia lakwakamu. 12Aira hi rau lengaia kwara rana bibirikamu kwara tulu ne lai a kaimatai* lo siosio, a tangaloi aira hi rau domidomira lo kinau rau vai lo tarabehi vohoki. Vae rau vai kwehi kehekeheki kwara a tangaloi ranahe vai bulakikinira tea huri ramo toko heretuvaki na mateana noi Kraes* lo kaibetu. #Gal 5.11 13A tangaloi aira hi rau lai a kaimatai lo siosio ba, rahe toko vai na kinau te hinea a Tangwata* mo viti. Vae rau lengaia kwara tulu ne lai a kaimatai lo siosio, huri kwara vae rana kwaha domidomira huri na kaimatai hi lo tarabehimiu tulu mo lavia. 14Vae i nau sibogu, na kwaha domidomiau huri na kinau katukwale vohoki, aia hi a leo huri na mateana noi Jisas Kraes a noda Hugwe* hinea mo mate lo kaibetu. Kina mateana noi Kraes hi lo kaibetu i God u vai magaraki na huirana na doridori na varamana aira hi lugu, vake u vaiau nomo ahi tina doridori aira vano hi. #1 Kor 1.31; 2.2 15Diko a tangaloi u lai a kaimatai lo siosio diko he lai tea aia a kinau vuroki. A kinau haburu aia hika kwara i God ne vaia ne mulemai kina tangaloi karagwa. #a 1 Kor 7.19; Gal 5.6; b 2 Kor 5.17 16Nu tiutangaroa hurira hini rau huri na domiana hika kwara a magemuana ne eno lolo domiga, vake kwara i God ne hakavira. Nu tiutangaroa kwehini vake huri na gwaloana noi Isrel* hinea i God mo mataira. #Sam 125.5; 128.6
17A leogu rovonaki hika. Nahe lengaia tea kwara te tangaloi ne vai te rongohati lakweau taliku, huri a mataikagu lo tarabehigu u vosangi kwara i nau a tangaloi boloki noi Jisas. #2 Kor 4.10
18Rabela. A tangaroa karea hika lakwakamu. A domi tabetabe lakua nona noda Hugwe i Jisas Kraes ne eno maikamu doluaki lolo tanungwemiu. Amen*.
Currently Selected:
GALESIA 6: HWT
Highlight
Copy
Compare
Share
Want to have your highlights saved across all your devices? Sign up or sign in
Havakinau New Testament © Bible Society of the South Pacific, 2016.
