GALESIA 5
5
I Kraes u vaikita tau materi
1I Kraes* u teri na kaigwaru tikita u rovo ba, vae tau materi. Vae huri hi tulu tu ne madi, tulu hatu tirakikamu tilo Tangwata huri vae ne vaikamu tulu ne mule ki tangaloi gwarugwaru taliku. #a Sione 8.32,36; Gal 2.4; 5.13; b Bol 15.10
2Tulu rongohuriau. I nau i Pol na viti na leo hika lakwakamu. Diko tulu ne tirakikamu tulu ne lai a kaimatai* lo siosio huri na Tangwata* hi, i Kraes nehe hago lai te maikamu vohoki. 3I nau na kwaha maikamu taliku kwara tulu ne likoki. Ihe hi ne tirakinia sibona kwara ne lai a kaimatai lo siosio, u taritarisa kwara ne tabe vunuhi na kinau hi a Tangwata mo viti. 4I kamu hinea tulu tuku rongohuri na Tangwata kwara tulu ne bakoto lo nako i God, hokinia hi i kamu tulu kwahekikamu ti Kraes. Hikani i kamu tulu he hugu te tavuti na domi tabetabe lakua noi God. 5Vae i kita, kina huirana na Tanungwe Kokona tau hugu tara i God, tau domi tiluna kwara ne vaikita tana bakoto lo nakona lalahi na noda hauhuriana lui Kraes. 6Vae diko i kita tau hariki lui Jisas Kraes, venaha hinea tau lai te kaimatai lo siosio diko tahe lai tea, aia a kinau katukwale vohoki a kinau haburu, aia hi a noda hauhuriana hinea mo vaikita tamo lagwa haburu mai God vunu mana tangaloi vake. #1 Kor 7.19; Gal 6.15
7Tomua ba, hokinia kwara tulu kwalao u karea. ?Ihe u tu korokamu kwara tulu ne hatu rongohuri na vitikareaki? 8A kinau hika, hete boloki noi God hinea mo kwarekamu tomua. 9A leoki u viti hikwe kwara, “A is kelekele bise ne raka lavi na vulaoa doluaki.” #1 Kor 5.6 10Vae i nau nu kikilai kwara a nomiu domidomi he dolua tea tina nogu domidomi. Nu hauhuri kareaki lumiu huri i kita tau hariki katukwale lo noda Hugwe*. Vake nu kikilai kwara ihe tangaloi te hinea u tuku vai na domimiu ramo kwalao laliki, vae i God ne vai kadia huri.
11Rabela. Tulu domidomi luna hika. Kwara vae diko nu tuku heretuva kwara a tangaloi rana lai a kaimatai lo siosio, kwara vae a tangaloi ranahe vai tea kwara rana vai bulakikiau. ?Vae kworohokinia ramo toko vai bulakikiau radu nga? Kwara vae diko u kareaki kwara nu heretuva kwehi, a leogu huri na mateana noi Kraes lo kaibetu nehe vai na rongoana hati tea lakwara. #1 Kor 1.23 12A tangaloi aira hi ramo toko vai na domimiu ramo kwalao laliki kwara rana vai a kaimatai lo siosio lumiu, u karea kwara rana sio magamagarakinira siboga.
13Rabela. I God u kwarekamu ba kwara tulu ne materi vohoki. Vae he karea tea kwara tulu ne domi kwara, “!A! I nau i Kraes u teri na kaigwaru tiau ba, vae hika na vai lai vataha na kinau rau hati hinea a domigu u lengaia.” Vae hete kwehi. Tulu lagwalagwa maikamu, tulu hagohago maikamu, #1 Pita 2.16 14huri a leo katukwale lo Tangwata aia u gui koro na Tangwata doluaki, aia hi mo viti kwara, “Kona lagwa mana tangaloi hinea rau hugu laliki maiko, kona vai tabetabekinira hokinia komo vai tabetabekinigo sibomu.” #Lev 19.18; Mat 5.43; 19.19; 22.39; Mak 12.31; Luk 10.27; Rom 13.9; Sem 2.8 15Vae diko i kamu tulu ne toko viroro muleki, tulu ne kanikanikamu kina leo, vae hokinia hi i kamu hoki na boboroa vohoki, vae tulu ne vai magamagarakikamu muleki.
A hala na Tanungwe Kokona mana doridori na tangaloi
16Na viti lakwakamu. Diko a Tanungwe Kokona ne turukikamu, vae tulu nehe toko vai na hatiki tea, hinea a domimiu ramo lengaia, #Rom 8.4; Gal 5.25 17huri a lengalengahuri hati nona domi u tuku vai vuro vovohi na Tanungwe Kokona. Vake a Tanungwe Kokona u tuku vai vuro vovohi na lengalengahuri hati nona domi. Raru tavatavalui vuro kirarua, vae huri hi tulu nehe vai lai te kinau karekarea hinea tulu mo lengaia kwara tulu ne vai. #Rom 7.15-23; 1 Pita 2.11 18Vae diko a Tanungwe Kokona u tuku turukikamu, hi i kamu hete tavuti na Tangwata*. #a Rom 8.14; b Rom 6.14; 7.4
19A lengalengahuri hati nona domi u matangwasara. A ngwera mana vavine raru tuku vai a doridori hati, raru vai na doridori hinea a maemaeana luga, raru vai na doridori hinea rau hati haburu. #1 Kor 6.9-10; Eves 5.5; Rev 22.15 20A tangaloi rau tuku kaluhaki na takaro vuroki kina domi mavakiana, rau vai a novo, rau hatihati maira, rau vivoho ki leo, rau vai a domi vikaro, rau lologute, rau domidomi hakekinira, rau kwahekwahera rahe bulu te katukwale. 21Rau tuku lengahuri na kinau hinea hete noga, rau inuinu kwara rana reraka kinia, rau vai a kanikani huri na domi hati kehekeheki, vunu rau vai kinau doludolua vake hokinira hi. Nu kwaha maikamu hika, hokinia nomo kwaha maikamu tomua, kwara vae tulu ne likoki. A tangaloi aira hi rau tuku vai na doridori lo kinau aira hi ranahe soro lai tea tilo Vanua Karagwa hinea i God u hugwe koroa.
22Vae a Tanungwe Kokona mo lalahi na tangaloi, vae a kwaiki aira hika. A lagwaana, a hahavutiana, a magemuana, a domi bua, a vai-tabetabekiana, a doridori karea, a karohuri, #Eves 5.9 23a lailai hivokiana mana nukuiana. A tangwata tikei kwara ne tu korokamu tina kinau aira vano hi. #1 Tim 1.9 24A tangaloi noi Jisas Kraes* rau tiraki savi na lengalengahuri hati na domi ba, hokinia rau durubibira ba lo kaibetu. #Rom 6.6; Kol 3.5 25A Tanungwe Kokona u bete a ahiana lakwakita ba, vae tana tirakinia ne kwiribibi na noda tokaana. #Rom 8.4; Gal 5.16 26He karea te kwara tana domidomikita, diko tana toko vai nakara kikita muleki, diko tana toko vikaro muleki. #Vil 2.3
Currently Selected:
GALESIA 5: HWT
Highlight
Copy
Compare
Share
Want to have your highlights saved across all your devices? Sign up or sign in
Havakinau New Testament © Bible Society of the South Pacific, 2016.
