GALESIA 4
4
A tangaloi boloki vuroki mana natu
1Na viti hokinia hika. Diko a tangaloi ne mate, i natuna a natu ngwera ne lavi na tanotanona mana nona vivilagoki savia, huri i tamana u mataia ba. Vae diko a natu hi u kelekele radu nga, nehe hugwe lai te koro na vivilagoki hini. Aia hoki na tangaloi hinea u boloki vuroki vohoki tavuti na masi. 2Aia u hugu tavuti ratamana mai ratokana, vae aira rau tagahuri na nona vivilagoki tarisaki lo taroki hinea lo tulikileo noi tamana. 3I kami hokinia vake. Tomua i kami hoki na raranatu, keu boloki vuroki tavuti na huhuiana tomua halaradu nona tangaloi na varamana kwara kena kikilai na hala noi God. #Gal 3.23; Kol 2.20 4Vae a taroki mo taritarisa, i God mo hokaki Natuna vohoki mo hivo, mo vora lo natu vavine, mo toka tavuti na Tangwata* nona gwaloana noi Isrel*. #a Eves 1.10; b Sione 1.14; Rom 1.3 5Mo vai hokinia hi kwara ne kasatukuhikami hi keu hugu tavuti na Tangwata kwara kena kwareki i raranatu i God. #a Gal 3.13; b Rom 8.15
6I God u vosangi kwara i kamu vake i raranatuna, luna hi mo hokaki na Tanungwe Kokona noi Natuna kwara ne toka lolo domida. A Tanungwe aia hi mo toko kware, mo viti “Mama, Tamagu.” #Rom 8.15-16 7Vae huri hi i kamu hete tangaloi* boloki vuroki hokinia tuai, vae hika tulu mulemai ki raranatu i God ba. Tulu mo kwareki raranatu i God, vae huri hi aia neri betekamu kina nona kinau savia hinea mo tuliki terekakinira kwara a noi raranatuna. #Rom 8.17; Gal 3.29
I Pol u domi huri na ngwera Galesia
8I kamu tuai tulu he kikilai i God tea, vae tulu tuku boloboloki vuroki tavuti na takaro hinea a takaro vuroki. #2 Kron 13.9; Aes 37.19; Jer 2.11; 1 Kor 8.4-6 9Vae hika tulu kikilai i God ba. Vae u karea kwara na viti kwara hikani i God u kikilaikamu ba. ?Vae kworoho hi tulu mo lengaia kwara tulu ne mule taliku vaki mana tanungwe hati maira hinea ramo hugwe korokamu tomua halaradu? A noga huirana tikei, ranahe bete lavi na kinau te vohoki lakwakamu, kwara te katukwale. ?Kworoho tulu mo lengaia kwara tulu ne boloboloki vuroki tavutiga taliku? 10?Kworoho tulu mo hahalo huri na rani, mana vula, mana taro, mana hukao, aira hi tulu domi kwara rau hahaburuka? 11Tulu vai kwehi nu mataku haburu, vae ne mai raharahaki vurokiau maikamu.
12Rabela. Nu lengaikamu haburu kwara tulu ne bohibohi hokiau hokinia i nau nomo bohibohi hokikamu. Tuai tulu he vai na kinau tea kwara u hati vovohiau. 13Tulu kikilai ba kwara huri na kagu lengeana mo vaiau, vae nomo hugu maikamu nomo heretuvaki na Roro Karea lakwakamu tomua halaradu. #1 Kor 2.3 14A kagu lengeana u vai na rongoana hati lakua lakwakamu, vae i kamu tulu he tietie te kiau, diko tulu he bemiu te kiau. Vae i kamu tulu lai tabetabekiau vaki tatamiu hokinia kwara i nau te kaihora noi God tina taetae, diko hokinia kwara i nau i Jisas Kraes* vohoki. 15Tomua u havuti haburukikamu. Nu viti kareaki kwara vae tuai, kwara vae tulu ne vai lai tulu ne dange na matamiu tulu ne betera lakweau. ?Vae kworohokinia hika? 16?Diko nu kwareki nomiu tavaluivuro hika huri nomo viti na vitikareaki lakwakamu? #Amos 5.10
17A tangaloi hi ratuaki rau vosangi kwara rau domi hurikamu, vae rau vai kwehi kwara rana sinakamu. Rau lengaia kehekeheki kwara rana vai suri na domimiu tiau kwara tulu ne tau domimiu luga. 18A doridori hi kwara a tangaloi rana domi hurikamu karakara, hi u kareaki tigwaravu. Aia kwara vae diko rana vaia te huri na kinau u karea, hi u bakoto. Aia vae u taritarisa kwara rana vai tigwaravu, hete kehekeheki kwara i nau nomo hugu maikamu, vae vake hinea diko nu tikei maikamu. 19Raranatugu. Nu rongo u kadiau hurikamu hoki na natu vavine hinea a tagwangina u kadia kina natu. Vae hika ne kadiau hurikamu tarisaki tulu ne lavi na doridori bakoto noi Kraes lo mamaurianamiu. 20Nu lengaia haburu kwara na hugu maikamu hika. Kwara vae nu hugu maikamu, nana bohiki na leogu te kelekele kwara ne matangwasara lakwakamu. Vae hika nu domi lengalengakinia maikamu.
A dumudumu lui Hega mai Sera
21I kamu hi tulu lengaia kwara tulu ne hugu tavuti na Tangwata*, tulu ne daraki lakweau. ?Tulu rongo na kinau hika ba, hinea a Tangwata mo viti, diko hetea? 22Lo Uliuli* Kokona u uliana mo viti kwara i Evraham i natuna a ngwera kairua, vae kairuaki u vora tina natu vavine hinea u boloki vuroki tavuti i vavinehina, kairuaki u vora lui vavinehina bakotoki. #a Jen 16.15; b Jen 21.2 23Aia hi u vora lo natu vavine hinea u boloki vuroki, u vora hoki na natu savira hinea ramo vora, vae aia hi u vora lui vavinehina bakotoki u vora huri kwara a tulikileo noi God ne kworo luna. #Rom 9.7-9 24A vevehuri hika aia hoki na tavaluileo. A ravavine kairua hi raru vosangi na leo harikiana kairua. A vavine hi tomua i Hega hinea i raranatuna rau kwareki a tangaloi* boloki vuroki, aia u tu huri na leo harikiana tuai hinea i God mo vai mana bulana tangaloi lo Vuti Saenae. #Rom 8.15; Gal 5.1 25I Hega a domianaki kwara aia a Vuti Saenae lo vanua Arevia, hinea i God mo bete na Tangwata lakwai Mosis luna. Vake aia a kaivosangi huri na gwatuivanua lakua Serusalem lo taro hika mana tangaloiki hinea ramo kwareki a tangaloi boloki vuroki tavuti na masi. 26Vae a gwatuivanua Serusalem hi aulu lolo taetae aia hoki i vavinehi i Evraham bakotoki, vake aia u kwareki i retahida. #Hib 12.22; Rev 3.12; 21.2,10 27Aia hoki na Uliuli Kokona mo viti kwara,
“I nigo a retireti hinea kohe hago lai te natu vohoki,
ko lagwalagwa.
I nigo hi kohe rongo na natu kakadi te vohoki,
ko dou kina hahavutiana,
huri i nigo kohe bava te natu vohoki,
vae hika i ranatumu rau rusa vohoki.
Rau rusa sileti na raranatu na vavine
hinea u tuku hago natu ki tuana ngwarasea.” #Aes 54.1
28Rabela. I kamu i raranatu i God huri na nona tulikileo hinea mo betea. I kamu hoki i Aesik hinea tuai. #Rom 9.7; Gal 3.29 29Lo taro hi tuai, a natu hi i Ismael, hinea mo vora hoki na natu savira hinea ramo vora, mo toko vai bulabulakiki na natu hi i Aesik, hinea mo vora lo huirana na Tanungwe noi God. Vae lo taro hika aia kwehi. 30?Vae lo Uliuli Kokona u viti kworoho? U viti “Ko hora na natu vavine boloki vuroki hi mai natuna leletiu, huri a natu ngwera hi u vora lo natu vavine boloki vuroki, he taritarisa tea kwara ne kwiri te lo vivilagoki noi tamana. Savi na vivilagoki vano hi, rana eno lo kaba na natu na vavine hi, i vavinehimu bakotoki.” #Jen 21.10; Sione 8.35 31Hokinia hi rabela, i kita hete raranatu na vavine hi, a vavine boloki vuroki, vae i kita i raranatu na vavine hi, i vavinehina bakotoki. #Gal 3.29
Currently Selected:
GALESIA 4: HWT
Highlight
Copy
Compare
Share
Want to have your highlights saved across all your devices? Sign up or sign in
Havakinau New Testament © Bible Society of the South Pacific, 2016.
