2 TIMOTI 1
1
I Pol u kwaha tabetabe mai Timoti
1I nau i Pol hinea lo domikiana noi God mo rivukiau kwara na kwareki a kaihora* kokona noi Jisas Kraes*. Aia u horeau kwara na matangwasaraki na ahiana hi hinea u tuliki terekakinia ba kwara ne bete lakwakita hinea tau hariki lui Jisas Kraes. 2Nu uli na leta hika lakwako natugu Timoti, hinea nu lagwa maiko haburu.
A tangaroa karea hika lakwako. I God a Tamaki mai Jisas Kraes a noda Hugwe* raru ne hago maiko kina nogaru domi tabetabe lakua, raru ne hakaviko, vake raru ne bete na magemuana ne eno maiko.
I Pol u lagwaki God
3Nu lagwaki i God hinea nomo boloki nona hoki i ratubugu tuai ramo toko vai, vae nu rongo lo tarabehigu kwara nahe vakasile tea. Lolo rani, lolo bongi, nu domihagweko tigwaravu lo nogu tiutangaroa, vae nu lagwaki God huriko. #a Vil 3.5; b Bol 23.1; 24.16 4Nu domidomi-bibi na taro hinea komo tangi huriau, vae nu lengaia haburu kwara na tagaiko taliku na lagwalagwa ne havutiau. 5Nu domihagwe na nomu hauhuriana hinea ku hauhuri kareaki. A hauhuriana hi i tubumu i Lois mai retahimu i Iunis raru kwiribibia, vae nu kikilai kwara i nigo ku kwiribibia vake. #Bol 16.1
I Pol u kwaha kwara ne rakati na domi i Timoti
6Vae huri na kinau hi nu viti lakwako kwara a hilehile na huirana hinea i God mo betea lakwako lolona hi nomo tatagao lumu tuai, vae kona tiraki i God ne lalahiko taliku kona boloki kinia tigwaravu. #1 Tim 4.14 7A Tanungwe Kokona hinea i God mo bete lakwakita aia hete kwara ne vaikita tana mataku, aia vae a Tanungwe hi u betekita kina huirana mana lagwaana mana domidomi karea kwara tana vai lai tana kwiribibikita siboda. #Rom 8.15
8Vae huri hi kona hago leo huri na noda Hugwe* konahe maemae tea. Vunu vake konahe maemae tea maiau hinea nomo hugu lolo ingwa na gwarugwaru huri i Kraes*. Aia kona rarai tigwaravu kwara kona rongo hati huri na Roro Karea huri Kraes, ne taritarisa hokinia hi i God ne bete na huirana lakwako kwara kona tu lai lo taro na rongoana hati hi. #Rom 1.16 9I God u vakahikikita, u kwarekita kwara tana kwareki a bulana tangaloi kokona. U vai kwehi hete huri na kinau hinea i kita tamo vai, vae u vai kwehi huri aia sibona u domikinia kwehi, vake huri u lengaia kwara ne hago maikita kina nona domi tabetabe lakua. Tomua halaradu hinea a varamana he tauana te radu, i God u domiki terekakinia ba kwara ne hago maikita hinea tau hariki lui Jisas Kraes, kina nona domi tabetabe lakua. #Eves 2.8-9; Taet 3.5 10Vae lo taro hika u vosangikita kina nona domi tabetabe lakua, hinea i Jisas Kraes a noda Kaivakahi mo vanamai, vae aia u magaraki na huirana na mateana. Vae lalahi na Roro Karea hi u lavi na ahiana vanamai vaki na ngwasara hinea a gwereki tikei. #1 Kor 15.55,57; Hib 2.14
11I God u rivukiau kwara na kwareki a kaihora kokona, vake a tangaloi huhui kwara na heretuvaki na Roro Karea hi. #1 Tim 2.7 12Huri na kinau hi nomo hagwe na rongoana hati lo taro hika. Vae nahe maemae tea, huri nu kikilai na tangaloi hinea nu hauhuri luna. Vake nu kikilai kwara aia u taritarisa kwara ne tagahuri savi na kinau ne karea hinea u taura lo kabagu tarisaki lo nona Rani. #1.12: Lo hala kairuaki a domidomi na leo hi lo duviki kaitoluki na ves hi aia hokinia hika kwara, Vake nu kikilai kwara aia u taritarisa kwara ne tagahuri savi na kinau ne karea hinea nu taura lo kabana tarisaki lo nona Rani. #1.12: Lo nona Rani. Kona taga A RANI NONA HUGWE lo Deksenare lo buku hika takuni. 13Kona kwiribibi na leo bakoto ne madi hinea nomo huhuiko kinia. A leo aira vano hi rau vosangiko kina hala kwara kona huria, vae kona huri na hala na hauhuriana mana lagwaana hinea tau kwiribibira huri tau hariki lui Jisas Kraes. 14A kinau karekarea hinea i Jisas Kraes u taura lo kabamu ba kona kwiribibira ne madi kina huirana nona Tanungwe Kokona hinea u toka luda. #1 Tim 6.20
I Pol u viti huri na vaitabetabe noi Onesivoras
15Ku kikilai ba kwara a rabela savia lo vanua Esia*, mana ngwera kairua hi i Vugelas mai Hemogenes, rau kwalao tiau ba. #2 Tim 4.16 16A tangaroa karea hika kwara a noda Hugwe* ne hakavira aira tata i Onesivoras mai raranatuna, huri tigwaravu i Onesivoras u rakati na domigu mo vaiau nomo lagwalagwa. He maemae te maiau hinea nomo hugu lolo ingwa na gwarugwaru, 17vae kwahaia hi mo maravuti lo gwatuivanua lakua Rom, mo soro haroau tarisaki mo hagweau. 18A tangaroa karea hika lakwae kwara a noda Hugwe ne hakavia lo nona Rani. I nigo ku kikilai kareaki kwara u hago haburu maiau lo gwatuivanua Evesas. #Sut 21
Currently Selected:
2 TIMOTI 1: HWT
Highlight
Copy
Compare
Share
Want to have your highlights saved across all your devices? Sign up or sign in
Havakinau New Testament © Bible Society of the South Pacific, 2016.
