1 TIMOTI 6
6
A bohiana bakoto huri na tangaloi boloki
1U taritarisa kwara a tangaloi boloki #6.1: A tangaloi boloki lo leo aira vano hi, lo taro i Pol aira a tangaloi hinea rau boloki vuroki tavuti na masi. savira rana domidomi luna hika kwara u taritarisa kwara rana domi mavaki na noga masi tigwaravu. Rana vai kwehi kwara a tangaloi ranahe kwahakwaha hati tea vovohi na hina i God mana noda huhuiana. #Eves 6.5; Taet 2.9-10 2A tangaloi boloki hinea a noga masi aira a tangaloi hauhuri, rana hatu domi kwara, “A nomai masi aira hoki i ratuamai, vae kenahe domi mavakinira tea.” Aia huri rau boloki kwara rana hago mana tangaloi hauhuri hinea rau lagwa maira haburu, u taritarisa kwara rana boloki ne karea vakevake lakwara.
Kona huhui na tangaloi kona kwahabibira kina leo aira vano hi. #Vlm 16
A huhuiana kurakura mana hala kwara a tangaloi rana mulemai ki tangaloi hugwe kareaki
3Diko te tangaloi u huhui na tangaloi kina huhuiana dolua, he lengai na huhuiana bakoto tea hinea i Jisas Kraes* a noda Hugwe* u vitira, mana huhuiana hinea u taritarisa mana noda hala na hauhuriana, a tangaloi hokinia hi a domidomina u hati. #Gal 1.6-9; 2 Tim 1.13 4U domidomia haburu vae he kikilai na kinau te vohoki. A tangaloi hokinia hi u lengaia kwara ne uduhuri a leo uduuduhuri tigwaravu, u lengaia kwara ne viroro lo leo, vae aia u reraka vohoki. A doridori hi u tuku vai na tangaloi ramo rongo hati a kinau mo kadikadira, rau viroro, rau kwaha bulakiki na tangaloi, rahe hauhuri te lo tangaloi, ramo domi na hatiki vovohira tigwaravu hinea u hati haburu. 5Tigwaravu rau tuku viroro mana tangaloi hinea a domidomiga rahe karea tea, rahe kikilai na kinau te hinea rau tuku viti huria, vake rahe kwiribibi na vitikareaki tea. Rau tuku domi kwara a hala na hauhuriana ne vaira rana mulemai kina tangaloi hugwe, a noga mane* ne lakua. #a 2 Tim 3.8; b 2 Tim 4.4; Taet 1.14
6Io kareaki, a noda hala na hauhuriana ne vai na tangaloi rana lavi na kinau rusa, vae hi u viti huri na tangaloi hinea rau lagwa mana kinau hinea a noga eia ba, rahe lengai na kinau te dolua vake. #a 1 Tim 4.8; b Vil 4.11-12; Hib 13.5 7Tau vora tilo varamana, tahe lavi na kinau te maikita. Tana mule tina varamana, tanahe lavi na kinau te maikita. #Pri 5.15; Job 1.21 8Vae diko a kada hinaka eia mana vulavulada, aia hi u taritarisa maikita, vae tana lagwa luna. #Prov 30.8 9A tangaloi hinea rau lengaia kwara rana mulemai kina tangaloi hugwe, tigwaravu a sinasina hati u vaira ramo sovi. A noga lengalengahuri hinea u reraka, vake u tuku magarakinira, aia hoki na vuna hinea mo tavidiri. Vunu a noga lengalengahuri hi u reveira ramo sovi, vae u magaraki na mamaurianaga vohoki. #Prov 23.4; 28.22 10A doridori hinea a tangaloi rau lagwa mana mane haburu aia a gwataki na hatiana savia. A tangaloi tuaki a noga lengalengahuri hati hi u vaira ramo tiraki na hala na hauhuriana. Vae rau tuku vai na kinau hinea u vaira ramo rongo hati haburu.
I Pol u kwaha bakotoki mai Timoti
11I nigo a tangaloi noi God, kona hatu vai na kinau aira vano hi vohoki. Vae kona vai rongo kwara a lolianamu ne bakoto vohoki, kona huri na hala na tiutangaroa hokinia i God u lengaia. A nomu hauhuriana ne huira, a nomu lagwaana ne bua. Kona karohuri vaki lo gwereki, vunu vake kona vai tabetabeki na tangaloi. #2 Tim 2.22 12Kona vai na vuro karea huri na noda hauhuriana kona huiratakinia. Vae kona lavi na kaitakwe hinea a ahiana noi God vaki tuai, huri i God u kwareko kwara kona kwali na ahiana hi lo taro hinea tuai komo matangwasaraki na nomu hauhuriana u karea lo nako na tangaloi rusa. #1 Kor 9.25-26; 2 Tim 4.7 13Lo nako i God hinea u bete ahiana lakwa na kinau savia, vake lo nako i Jisas Kraes hinea u matangwasaraki na nona hauhuriana u karea lo nako i Ponses* Paelet, na tuliki na leo hika lakwako. #Sione 18.36-37; 19.11 14Kona vai savi na kinau hinea i God u viti kwara kona vai, kona hatu vakasile luna, vae a tangaloi ranahe hagwe na hatiki te lumu tarisaki lo Rani#6.14 lo Rani. Kona taga A RANI NONA HUGWE lo Deksenare lo buku hika takuni. hinea i Jisas Kraes* a noda Hugwe* ne maravuti a tangaloi rana tagaia.
15I Kraes,
i God ne vosangia tivarea
lo taroki bakotoki hinea mo taua.
I God u lagwa tigwaravu,
aia kehekeheki u hago huirana
lo kinau savia.
Aia a Hugwe Lakua
u hugwe koro na hugwe lalakua savia.
Aia a Hugwe na hugwe savia. #Dut 10.17; Rev 17.14
16Aia kehekeheki i Tatoka
he mate lai tea.
U toka lo hahaviada huira
hinea a tangaloi ranahe vano lai te
garagarani maia.
A tangaloi tikei
kwara u tagaia te lo taroki,
vake a tangaloi tikei
kwara ne tagaia te lo taroki.
Vae i kita tana tabe hakeki
na hinana tigwaravu,
tana matangwasaraki kwara
a nona huirana u eno vaki tuai
a gwereki tikei.
Io kareaki. #a Sam 104.2; b Eks 33.20
A tangaloi noi Kraes hinea a noga vivilagoki u rusa
17Kona kwaha ne madi maira hinea a noga vivilagoki u rusa, kwara rana hatu domidomira. Rana hatu tau na noga domidomi lo mane* huri a mane nehe eno tea kwara ne tuai. Vae rana tau na noga domidomi lui God kehekeheki hinea u tuku hokoraki vatavataha na kinau lakwakita kwara tana lagwalagwa luga. #Sam 62.10; Luk 12.20 18Kona viti lakwara kwara rana vai na kinau hinea rau karea, rana kwareki a tangaloi hugwe lo bolokiana karea. Rana beteki na kinau rusa tina noga vivilagoki lakwa na tangaloi kina lagwalagwa. 19Lo hala hokinia hi aia hokinia kwara rau tau terekaki na kinau karekarea rusa ne kwareki a tutuga hinea nehe kilu lai tea, huri na taro hinea ne vanamai. Vunu rana lavi na ahiana hinea a ahiana kareaki. #Mat 6.20
A leo rovonaki noi Pol lakwai Timoti
20Timoti, kona kwiribibi na kinau savia ne karea hinea i God u tau lo kabamu ba. Kona hatu bulubulu lo kwahakwaha hinea rau kwahakwaha hati vovohi God, diko mana kwahakwaha hati hinea rau tuku viti kwara a tangaloi ne kikikila kinia, vae rau kura vohoki. #a 2 Tim 1.14; b 1 Tim 4.7 21A tangaloi rusa rau viti kwara rau lavi na kikikila hi ba, vae huri hi rau vano vakahao tina hala na hauhuriana.
A tangaroa karea hika lakwakamu. I God ne hago maikamu kina nona domi tabetabe lakua. #1 Tim 1.6; 2 Tim 2.18
Currently Selected:
1 TIMOTI 6: HWT
Highlight
Copy
Compare
Share
Want to have your highlights saved across all your devices? Sign up or sign in
Havakinau New Testament © Bible Society of the South Pacific, 2016.
