Popular Bible Verses from 2 TIMOTI 1

Share

A Tanungwe Kokona hinea i God mo bete lakwakita aia hete kwara ne vaikita tana mataku, aia vae a Tanungwe hi u betekita kina huirana mana lagwaana mana domidomi karea kwara tana vai lai tana kwiribibikita siboda.

I God u vakahikikita, u kwarekita kwara tana kwareki a bulana tangaloi kokona. U vai kwehi hete huri na kinau hinea i kita tamo vai, vae u vai kwehi huri aia sibona u domikinia kwehi, vake huri u lengaia kwara ne hago maikita kina nona domi tabetabe lakua. Tomua halaradu hinea a varamana he tauana te radu, i God u domiki terekakinia ba kwara ne hago maikita hinea tau hariki lui Jisas Kraes, kina nona domi tabetabe lakua.

Vae huri na kinau hi nu viti lakwako kwara a hilehile na huirana hinea i God mo betea lakwako lolona hi nomo tatagao lumu tuai, vae kona tiraki i God ne lalahiko taliku kona boloki kinia tigwaravu.

Vae huri hi kona hago leo huri na noda Hugwe* konahe maemae tea. Vunu vake konahe maemae tea maiau hinea nomo hugu lolo ingwa na gwarugwaru huri i Kraes*. Aia kona rarai tigwaravu kwara kona rongo hati huri na Roro Karea huri Kraes, ne taritarisa hokinia hi i God ne bete na huirana lakwako kwara kona tu lai lo taro na rongoana hati hi.

Huri na kinau hi nomo hagwe na rongoana hati lo taro hika. Vae nahe maemae tea, huri nu kikilai na tangaloi hinea nu hauhuri luna. Vake nu kikilai kwara aia u taritarisa kwara ne tagahuri savi na kinau ne karea hinea u taura lo kabagu tarisaki lo nona Rani.