2 KORIN 13
13
I Pol u kwahabibira kwara ne vakaradara
1Vakaitoluki hika kwara vae na venatu na tirokikamu. A Uliuli* Kokona u viti kwara, “A tangaloi hinea a nona leo eia vovohi na tangaloi dolua, aia vae ne lai a tangaloi na hago leo kairua diko kaitolu kwara rana hago leo rana vai na leo hi ne tu.” #a 2 Kor 12.14; b Dut 19.15; Mat 18.16; 1 Tim 5.19 2Nu lengaia kwara na viti lakwakamu hinea tuai tulu vai kinau rahe karea tea, vunu na viti na leo hi lakwa na tangaloi ratuaki vake. Nu viti na leo hi lakwakamu lolona hi ba tuai nomo tirokikamu vakairuaki. Vae hika nu hugu vakahao tikamu radu nga nu lengaia kwara na vitia taliku. Lo taro hini na venatu taliku vaki maikamu nanahe hakavikamu tea. 3Hika na vosangi lakwakamu kwara i Kraes* u kwaha maikamu lalahiau. Diko ne haharakamu vae nehe vai tea hokinia kwara a nona huirana tikei. Aia neri vosangi na nona huirana lakwakamu. 4Kareaki lolona ramo durua tilo kaibetu, a nona huirana u tikei, vae hikani u ahi taliku ba kina huirana noi God. I kami vake hinea keu hariki lui Kraes, a nomai huirana tikei. Vae lo nomai bolokiana maikamu, kena huira kina huirana noi God, huri keu hariki lui Kraes lo nona mauriana. #Vil 2.7-8
5U karea kwara tulu ne tagataga ne karea lo mamaurianamiu, i kamu kehekeheki tulu ne taga lumiu. Tulu taga kwara tulu huri na hala na hauhuriana radu, diko tulu tirakinia ba. Diko nomiu hauhuriana he sovi te radu, hi a domianaki kwara i Jisas Kraes u toka radu lumiu. ?Kworoho tulu he va kikilai na kinau te hika? #1 Kor 11.28 6Keu hauhuri kwara diko tulu ne tagai na bohibohianamai, vae tulu ne viti lai kwara a nomai hauhuriana he sovi tea. 7Vae keu tiutangaroa lakwai God kwara a nomiu hauhuriana ne hatu vano rerera. Kehe tiutangaroa te kwara a tangaloi rana taga kwara a nomai bolokiana u karea. Diko te tangaloi tuaki rau domi kwara a nomai bolokiana u sovi, vae venaha, i kami keu lengaia kwara i kamu tulu ne vai kinau rana bakoto. 81 kami kehe vai na kinau tea kwara te katukwale ne tu koro na vitikareaki. Keu vaia kwara ne vano nga kehekeheki. #1 Kor 13.6 9Diko a nomai huirana tikei vae i kamu a nomiu huirana eia keu lagwa. Vae keu tuku tiutangaroa huri na kinau hika, kwara vae tulu ne mulemai tulu ne bakoto vohoki. 10Vae huri hini nomo uli na leo aira vano hi lolona i nau vakahao tikamu radu nga. Nohe lengaia tea kwara na maravuti maikamu, vae na vai ne madi maikamu kina huirana hinea a noda Hugwe* mo betea lakweau, kwara na boloki luna. Aia u bete na huirana hi lakweau kwara na tabe hakekikami tulu ne huira vakevake, hete kwara na revesurikamu. #2 Kor 2.3; 10.8,11
A leo rovonaki noi Pol lakwara
11Karea rabela. A leogu u tarisaki hike. Tulu ne huira kwara tulu ne huri na hala na bakotoana, tulu ne mulemai kina tangaloi bakoto vohoki. Tulu rongohuri na nogu leo. I kamu vunu tulu ne vai domimiu ne katukwale, tulu ne toka lo magemuana. Vae a God na lagwaana mana magemuana ne bulu maikamu. #a Vil 4.4; b Rom 15.33
12Tulu hahavakikamu muleki kina boboniana #13.12: A boboniana aia a bohianaga tuai, vae i kita kwahale tau lakao hahavakikita kina duledule kaba. hokinia tulu vituatua. #Rom 16.16; 1 Kor 16.20; 1 Pita 5.14 13A tangaloi noi God savia rau hokaki noga lagwaana lakwakamu.
14A tangaroa karea hika lakwakamu. I Jisas Kraes* a noda Hugwe*, vae ne hago maikamu kina nona domi tabetabe lakua, i God ne lagwa maikamu haburu, vunu vake a Tanungwe Kokona ne bulu maikamu vunu.
Currently Selected:
2 KORIN 13: HWT
Highlight
Copy
Compare
Share
Want to have your highlights saved across all your devices? Sign up or sign in
Havakinau New Testament © Bible Society of the South Pacific, 2016.
