Popular Bible Verses from 1 TIMOTI 6

Share

Kona vai na vuro karea huri na noda hauhuriana kona huiratakinia. Vae kona lavi na kaitakwe hinea a ahiana noi God vaki tuai, huri i God u kwareko kwara kona kwali na ahiana hi lo taro hinea tuai komo matangwasaraki na nomu hauhuriana u karea lo nako na tangaloi rusa.

A doridori hinea a tangaloi rau lagwa mana mane haburu aia a gwataki na hatiana savia. A tangaloi tuaki a noga lengalengahuri hati hi u vaira ramo tiraki na hala na hauhuriana. Vae rau tuku vai na kinau hinea u vaira ramo rongo hati haburu.

Io kareaki, a noda hala na hauhuriana ne vai na tangaloi rana lavi na kinau rusa, vae hi u viti huri na tangaloi hinea rau lagwa mana kinau hinea a noga eia ba, rahe lengai na kinau te dolua vake.

Tau vora tilo varamana, tahe lavi na kinau te maikita. Tana mule tina varamana, tanahe lavi na kinau te maikita.

Kona kwaha ne madi maira hinea a noga vivilagoki u rusa, kwara rana hatu domidomira. Rana hatu tau na noga domidomi lo mane* huri a mane nehe eno tea kwara ne tuai. Vae rana tau na noga domidomi lui God kehekeheki hinea u tuku hokoraki vatavataha na kinau lakwakita kwara tana lagwalagwa luga.

A tangaloi hinea rau lengaia kwara rana mulemai kina tangaloi hugwe, tigwaravu a sinasina hati u vaira ramo sovi. A noga lengalengahuri hinea u reraka, vake u tuku magarakinira, aia hoki na vuna hinea mo tavidiri. Vunu a noga lengalengahuri hi u reveira ramo sovi, vae u magaraki na mamaurianaga vohoki.

Kona viti lakwara kwara rana vai na kinau hinea rau karea, rana kwareki a tangaloi hugwe lo bolokiana karea. Rana beteki na kinau rusa tina noga vivilagoki lakwa na tangaloi kina lagwalagwa. Lo hala hokinia hi aia hokinia kwara rau tau terekaki na kinau karekarea rusa ne kwareki a tutuga hinea nehe kilu lai tea, huri na taro hinea ne vanamai. Vunu rana lavi na ahiana hinea a ahiana kareaki.