1 TIMOTI 3
3
A kaitomuaki lo kwarelua
1A leo hika a leo kareaki. Diko te tangaloi u lengaia haburu kwara rana rivukia ne kwareki a kaitomuaki lo kwarelua* aia u lengai na bolokiana karea lengalenga. 2U taritarisa kwara a kaitomuaki lo kwarelua ne kwareki a tangaloi hinea u loliloli u taritarisa, a tangaloi ranahe hagwe na hatiki te luna. I vavinehina ne katukwale vohoki. #3.2: Lo hala kairuaki a domidomi na leo hi lo duviki kairuaki na ves hi aia hokinia hika kwara, Ne laki vakatukwale vohoki. A kaitomuaki hi ne hatu inu haburuki na inuinu hati, ne kwiribibia sibona, a bohibohianana ne taritarisa. Ne lagwa kwara ne lai a vanamaiana vaki tatana, vake ne vai lai kwara ne huhui na tangaloi. #Taet 1.6-9 3A tangaloi na inuinu, diko a tangaloi na vikwali, nehe kwali lavi na bolokiana te hi. A tangaloi hinea ne kwalia ne kwareki aia a tangaloi magemu, he tuku viroviroro tea, vake he domi huri na mane* te haburu. 4U taritarisa kwara a tangaloi hi ne kwareki a tangaloi hinea u hugwe koro i vavinehina mai raranatugaru u karea, hinea u vai lai kwara ne vai raranatuna rana rongohuria, rana domi mavakinia tigwaravu. 5?Diko a tangaloi he vai lai tea kwara ne hugwe koro i vavinehina mai raranatugaru ne karea, vae ne tagahuri kworohoki na kwarelua noi God? 6A tangaloi hinea mori mulemai ki tangaloi noi Kraes* hi nga nehe kwali na bolokiana te hi, huri vae ne mai domidomia, vae i God ne arekinia hokinia mo areki i Setano*. 7Vunu vake a tangaloi hinea ne kwali na bolokiana hi aia ne kwareki a tangaloi hinea a tangaloi tavalavarea tina kwarelua rau domi mavakinia. Lo hala hokinia hi a tangaloi ranahe kwahakwaha hati te vovohia, ranahe vai na maemaeana te lakwae, vae nehe sovi tea tilo vuna noi Setano. #2 Kor 8.21
A kaihago lo kwarelua
8Lo hala hokinia hi vake, a kaihago lo kwarelua* ne kwareki a tangaloi bakoto hinea a leona u kareaki tigwaravu. A tangaloi hinea u inu haburuki na inuinu hati, diko a tangaloi hinea u domidomi haburu lo mane, nehe kwali lavi na bolokiana te hi. 9U taritarisa kwara a tangaloi hinea ne kwalia, ne hauhuri ne madi lo vitikareaki hinea tomua u eno tavuniki, vae hikani i God u matangwasarakinia ba lakwakita, vae tau hauhuri luna, vake ne rongo lo tarabehina kwara u vai u bakoto. 10A tangaloi hinea ne vai na bolokiana hi, a tangaloi lo kwarelua rana kahi haro na doridorina tomua, vunu diko u taritarisa ne rivukiana. 11I vavinehina vake a doridorina ne taritarisa, ne hatu vitiviti huri tangaloi, vake ne hatu inu haburuki na inuinu hati. #3.11: Lo hala kairuaki a domidomi na leo hi lo duviki tomuaki na ves hi aia hokinia hika kwara, A vavine vake hinea a kaihago, a doridorina ne taritarisa, ne hatu vitiviti huri tangaloi, vake ne hatu inu haburuki na inuinu hati. A vavine hi ne kwareki a tangaloi hinea tau hauhuri lai luna tigwaravu. #Taet 2.3 12A kaihago lo kwarelua, i vavinehina ne katukwale vohoki. #3.12: Lo hala kairuaki a domidomi na leo hi lo duviki tomuaki na ves hi aia hokinia hika kwara, A kaihago lo kwarelua ne laki vakatukwale vohoki. Vake u taritarisa kwara a kaihago hi ne kwareki a tangaloi hinea u vai lai u hugwe koro raranatuna u karea, mana tangaloi savia lo nona tokakivanua. 13A kaihago hinea rau boloboloki karea, a tangaloi rana domi mavakinira, vunu vake aira rana vai lai rana viti huri na noga hauhuriana lui Jisas Kraes* lakwa na tangaloi, vae ranahe mataku tea.
A gwataki na noda hauhuriana
14Hikani nu uli na leo hi lakwako, nu domidomi luna kwara nana venatu vaki maiko nehe tuai tea. 15Vae diko nahe venatu lai te heheri, a leta hika nu ulia kwara nana viti a hava hala u taritarisa kwara tana huria hinea i kita i raranatu i God. I raranatuna hi aira a kwarelua noi God Tatoka hinea nehe mate lai tea. A kwarelua* hi aia u kwareki a kaitura na vitikareaki, u kwiribibia u karea kwara nehe sovi tea. #Eves 2.19-22 16Kareaki, a gwataki na noda hala na hauhuriana u haburu vohoki, vae hikani i God u matangwasarakinia lakwakita. A gwataki hi u viti kwara,
“I Kraes* hi,
i God mo vaia mo mulemai
kina tangaloi hokikita
kwara tana kikilaia.
A Tanungwe Kokona
u hago leo luna u viti kwara,
‘A tangaloi hi a tangaloi bakoto,’
vake a kaihora tina taetae rau tagaia.
A tangaloi tavalavarea
tina gwaloana noi Isrel*
rau rongo na Roro Karea huria.
A tangaloi laliki lo varamana
rau hauhuri luna.
Vae i God mo lavia tagaulu vaki maia
lolo hahaviada na taetae.” #a Sione 1.14; b Mak 16.19; Bol 1.9
Currently Selected:
1 TIMOTI 3: HWT
Highlight
Copy
Compare
Share
Want to have your highlights saved across all your devices? Sign up or sign in
Havakinau New Testament © Bible Society of the South Pacific, 2016.
