1 KORIN 9
9
A bohiana na kaihora kokona
1?I kamu tulu domi kwara i nau, te kinau u gwarubibiau? ?I nau hete a kaihora* kokona? ?Tulu domi kwara nohe tagai Jisas tea, a noda Hugwe*? ?Kworohokinia? I kamu hi a kwai na nogu boloki hinea nomo vai lakwa na noda Hugwe. #Bol 22.17-18; 26.16; 1 Kor 15.8 2Diko te tangaloi tuaki rau tagaiau hokinia i nau hete a kaihora kokona, vae i kamu tulu nehe vai lai tea hokinia hi. A nomiu tokaana hi u vosangi tabetabekinia kwara i nau a kaihora kokona, huri tulu hariki ba lo Hugwe. #2 Kor 3.2-3
3Lolona a tangaloi rau kwaha vovohiau nu darakinira hokinia hika. 4?Kworohokinia? ?Tulu domi kwara nohe taritarisa tea kwara te hinaka vake te inuinu ne beteana lakweau huri na nogu bolokiana? #Luk 10.8; 1 Kor 9.13-14 5?Tulu domi kwara nohe taritarisa tea kwara na lai te vavine hinea a tangaloi noi Kraes*, kwara ne kwareki vavinehigu ne huriau lo halagu? A kaihora kokona tuaki mana ratua na Hugwe, i Pita vake, rau vai hokinia hi. #Sione 1.42 6?Diko tulu domi kwara i kamirua mai Banabas vohoki kwara ne tuku rahakikamirua vunu kwara kenaru hagwe te kinau huri na nomaru tokaana? 7Hete kwara te tangaloi na vuro katukwale ne voli halana sibona kwara ne vano vaki lolo vuro. Hete tangaloi kwara te katukwale u rivuki na agoago*, vae nehe kani na kwaiki tea. Hete kwara te tangaloi katukwale ne tagahuri na bulana boboroa, vae nehe kanira te lo taroki.
8?Tulu domi kwara a leo vano hi rau vanamai tina noda tokaana kehekeheki? A Tangwata* noi Mosis vake u viti hokinia nga. 9U uliana lo Tangwata hi kwara, “Lolona tulu mo lavi na buluki kwara ne bile rasurasuki na biu na uit* tina viuki hinea tulu tai surisurira ba, tulu hatu gunu na kwakwana. Tulu tirakinia ne kanikani.” ?Kworohokinia? ?Tulu domi kwara i God u domi huri na buluki, #Dut 25.4; 1 Tim 5.18 10diko u viti na leo hi hurikita? U matangwasara kwara a leo hi u vitia hurikita bakotoki. A tangaloi hinea u rivurivu mana tangaloi na makuria, rau boloki vae a domiga ne katukwale kwara rana lai kaga hinaka tina agoago hi. #2 Tim 2.6 11Lo nomai bolokiana aia hokinia kwara keu rivurivu lo bulamiu agoago, vae a hinakaki u kwareki a nomiu tokaana lui Kraes. ?Kworohokinia? ?Tulu domi kwara i kami, vae kenahe vai lai tea kwara kena lai te kinau tina agoago hi huri na nomai tokaana lo varamana? #Rom 15.27 12Diko a tangaloi ratuaki rau taritarisa kwara rana lai te kinau hokinia hi tikamu, vae i kami keu taritarisa siletira.
Vae i kami kehe vai te hokinia hi maikamu u taritarisa kwara kena vai. Kehe lengaia tea kwara kena vai a kinau hinea ne tu koro na Roro Karea noi Kraes. Vae huri hi te hava hagohago mava ne vanamai, hi kena kwalia. #a Bol 20.34-35; 2 Kor 11.9; b 1 Kor 13.7 13Nu domi kwara tulu kikilai ba kwara a tangaloi hinea rau boloki lolo Vanua* Kokona noi God, rau hagwehagwe kaga hinaka lolo Tanotano hi. Vake a tangaloi hinea rau ua boboroa lo voda#9.13 voda. Aira Kwalaha rau viti kwara, kwotakwota. na Tanotano hi huri kwara rana vai a kaluhakiana lolo ingwa hi, rau kani a duvi na hura boniboni hi. #Lev 6.16,26; Nam 18.8,31; Dut 18.1-3 14Lo hala hokinia hi, a Hugwe u tuliki terekaki u rovo ba kwara a tangaloi hinea ramo kwalahaki na Roro Karea hi, vae rana hagwehagwe kinau huri na noga tokaana lalahi na Roro Karea hi ramo boloki luna. #Mat 10.10; Luk 10.7; Gal 6.6
15Hikani i nau nu taritarisa kwara na vai hokinia hi maikamu, kwara na hagwehagwe kinau huri na nogu tokaana, vae nohe vai te kwehini. Vake nohe uli na leta te hika kwara na vai kwehini lo taro hika. Nu begu vohoki kwara na vai hokinia hi. !U karea siletia hi kwara na mate! Nanahe tiraki na tangaloi te kwara te katukwale kwara ne tu koro na leogu huri na doridori hi hinea nomo kwaha domidomiau luna. #Bol 18.3 16I nau nu heretuvaki na Roro Karea, vae nahe taritarisa tea kwara na kwaha domidomiau luna. Aia hi a boloki hinea i God u tuliki lakweau kwara na vai. Kwara vae diko nahe heretuvaki na Roro Karea te hi, vae nana hagwe na rongoana hati lakua. #Jer 20.9 17Kwara vae diko i nau nu domiki na boloki sibogu kwara na vai, u taritarisa vohoki kwara rana voliau. Vae nu boloki kwehini huri i God u bete na boloki hi lakweau. Vae hikani a boloki hi u eno lo kabagu kwara na vaia. #1 Kor 4.1 18?Karea, vae a kaivoligu aha? I nau nu heretuvaki na Roro Karea vuroki lakwa na tangaloi, rahe voli tea, huri nahe viti tea kwara rana voliau hokinia u taritarisa kwara rana vai luna huri nu heretuvaki na Roro Karea lakwara. Vae a doridori hi aia u kwareki a kaivoligu.
I Pol aia hoki na tangaloi boloki haro vuroki nona tangaloi savia
19I nau hete tangaloi boloki haro vuroki nona tangaloi kwara te katukwale. Vae nu boloki hokinia kwara i nau a tangaloi boloki haro vuroki nona tangaloi savia, kwara vae na revei na tangaloi ne rusa vakevake, rana mulemai ki tangaloi noi Kraes*. #Mat 20.26-27 20Kwahaia hi nu hugu mana gwaloana noi Isrel* nu huri na bohianamai, i kami a gwaloana noi Isrel, kwara vae na reveira rana mulemai ki tangaloi noi Kraes. I nau nohe hugu tea tavuti na Tangwata noi Mosis, vae lo nako na tangaloi hinea rau hugu tavuti na Tangwata, nu bohibohi hokinia i nau tavuti na Tangwata hi vake, kwara vae na reveira hi rana mulemai ki tangaloi noi Kraes. #Bol 16.3; 21.20-26 21Vake lo hala hokinia hi, kwahaia hi nu boloki mana tangaloi tavalavarea tina gwaloana noi Isrel, nu bohibohi maira hokinia kwara i nau vake a tangaloi tavalavarea hinea nahe hugu te tavuti na Tangwata nona gwaloana noi Isrel. Nu vai kwehi kwara vae na reveira rana mulemai ki tangaloi noi Kraes. Hete kwara nohe rongohuri na tangwata te noi God, vae kareaki nu hugu tavuti na tangwata noi Kraes. #Gal 2.3 22Kwahaia hi nu hugu mana tangaloi hinea a noga hauhuriana he huira tea, nu bohibohi hokinira kwara vae na reveira rana mulemai ki tangaloi noi Kraes. Vae hokinia a hava tangaloi nu hugu maira, nu bohibohi hokinira kwara vae lo hala vunuhia na reveira te ratuaki rana mulemai ki tangaloi noi Kraes. #a 2 Kor 11.29; b Rom 11.14 23Nu bohibohi lo hala rusa hokinia hi huri na Roro Karea, kwara vae na lai te duvi na karekarea na Roro Karea hi.
A kwalakwalao viviseu
24I kamu tulu kikilai ba hinea lo taro na kwalao viviseu, a tangaloi rusa rau kwalakwalao viviseu, vae a tangaloi katukwale vohoki ne lavi na kaitakwe. Vae tulu vai kwehini, tulu kwalakwalao viviseu huri kwara vae tulu ne lavi na kaitakwe hi. #Vil 3.14; 2 Tim 4.7 25A tangaloi na kwalao viviseu rau kwiribibira siboga tina kinau savia huri kwara vae rana kwalao karakara vake. Rau vai kwehi huri kwara vae rana lai hoko a kaitakwega hinea ne eno nehe tuai tea. Vae i kita kwara tana kwalakwalao viviseu hokinia kwara tana lavi na kaitakweda hinea nehe toko tikei lai tea. #a 2 Tim 2.4-5; b 2 Tim 4.8; Sem 1.12; 1 Pita 5.4 26Hikani a doridorigu. Aia hokinia kwara nu kwalao viviseu mana tangaloi ratuaki, nu kwalao huri kwara na kwalao siletira na maravuti tomua. Vake i nau hoki na tangaloi na vitukwa, nohe lengaia tea kwara na vohoki na kabagu ne vanovano vuroki. 27Vae nu vai hokinia hi lakweau. Nu tuku kwohi na tarabehigu kwara na tu koroa ne madi huri kwara vae ne boloki hokinia hinea nu lengaia. Nu kware na tangaloi u rusa kwara rana kwalakwalao viviseu. Vae hikani nohe lengaia tea kwara na galo lo tangwata na kwalao viviseu, vunu rana vohokiau tivarea, vae nanahe kwalao lai tea. #Rom 8.13; 13.14
Currently Selected:
1 KORIN 9: HWT
Highlight
Copy
Compare
Share
Want to have your highlights saved across all your devices? Sign up or sign in
Havakinau New Testament © Bible Society of the South Pacific, 2016.
