1 KORIN 10
10
A bohiana nona gwaloana noi Isrel kwara ne vakaradakikita
1Rabela. Nu lengaia kwara tulu ne domidomi lo bohiana noi ratubumai tuai lo taro i Mosis. Aira vunu hi rau hugu tavuti na taenalangi, vake rau lakao utuhi na Tahi Memea. #a Eks 13.21-22; b Eks 14.22-29 2Lolo taenalangi hikani maia lolo tahi hi, aia hokinia kwara aira vunu rau lai bavtaes hinea u vosangi kwara rau huri i Mosis. 3Aira vunu rau kani lo hinaka katukwale hinea i God mo bete lakwara. #Eks 16.4,35; Dut 8.3; Sam 78.24-29 4Aira vunu rau inu lo kwai katukwale vohoki, hinea i God mo bete lakwara, huri rau inumi na kwai hi u vanamai tina nona Vatu Lakua hinea u tuku lakao laliki maira vataha na vanua. A Vatu Lakua hi aia i Kraes*. #Eks 17.6; Nam 20.11; Sam 78.15 5Aira vunu rau vai kwehini, vae u rusa tiura i God he lagwa te maira, vae rau mate, a tarabehiga rau saro laliki lo vanua vuroki hi. #Nam 14.16,23,29-30; Sam 78.31; Hib 3.17; Sut 5
6Hikani savi na kinau aira hika aira hoki na kaimatai lakwakita kwara rana vakaradakikita. Vae ta hatu lengahuri na kinau hati hokinira. #a 1 Kor 10.11; b Nam 11.4,34; Sam 106.14 7Vake ta hatu kaluhaki na takaro vuroki maira hokinira ratuaki ramo toko vai. A Uliuli* Kokona u viti hurira kwara, “A tangaloi vano hi ramo hugu ramo kanikani ramo inuinu, vunu ramo maraka ramo vai hakwana, ramo vai doridori rahe karea tea.” #Eks 32.6 8Ta hatu vai a doridori hati hokinira ratuaki ramo toko vai. Huri hi a tangaloi u tari vakangavu kairua ngavu kaitoluki kaitolu #10.8: tari vakangavu kairua ngavu kaitoluki kaitolu aia 23,000. rau mate lo rani katukwale vohoki. #Nam 25.1,9 9I kita ta hatu vaivai rongohi na Hugwe* hokinira ratuaki ramo toko vai, vae a ngwata ramo kati matemateira. #Nam 21.5-6 10Vake ta hatu kwaha ruturutu ki God hokinira ratuaki ramo toko vai, vae a kaihora na vai mate tangaloi mo vanamai tina taetae mo vai matemateira. #Nam 14.2,36; 16.41-49; Sam 106.25-27; Hib 3.11,17
11A kinau vano hi hinea ramo vai na tangaloi vano hi, aira hoki na kaimatai lakwa na tangaloi ratuaki. Vake rau ulibibiana kwara rana vakaradakikita hinea i kita tau toka lo taro hika, hinea a taro ki rovonaki. #a 1 Kor 10.6; b 1 Pita 4.7
12A tangaloi hinea u domi kwara u tu madi, vae ne tagahuri ne karea, vae ne mai sovi. 13A kinau hinea ramo toko vai rongohikamu rau taritarisa vohoki mana kinau hinea rau tuku vaivai rongohi na tangaloi savia. Vae i God u kwiribibi na nona tulikileo, vae nehe tiraki na kinau tea kwara te katukwale kwara ne vai rongohikamu hinea u huira haburu lakwakamu. Vae lo taro bakotoki hinea a kinau hi ne vai rongohikamu, i God ne vai na hala lakwakamu kwara tulu ne kwalao tiua, tulu nehe sovi tea vae tulu ne tu ne madi. #Dut 7.9; 1 Kor 1.9; 1 Tes 5.24
He karea te kwara tana tiutangaroa lakwa na takaro vuroki maira
14Rabelagu. Vae huri na kinau hi, he karea te kwara tulu ne tiutangaroa lakwa na takaro vuroki maira. #1 Sione 5.21 15Nu kwaha maikamu hi a tangaloi kikikila. U karea kwara tulu ne viviloki na leogu hinea nomo vitira. 16?Kworohokinia mana laha kokona na Kanikani Kokona hinea tau tuku lai noda lagwaana lakwai God huri? Tau inu lo laha hi vae tau mulemai katukwale mai Kraes lo daina. ?Kworohokinia mana bereti hinea tau tuku volo utuutuhia? Tau kani na bereti hi vae tau mulemai katukwale mai Kraes lo tarabehina. #a Mat 26.26-28; Mak 14.22-24; Luk 22.19-20; b Bol 2.42 17I kita tau rusa vae a bereti katukwale vohoki, vae i kita vunu tau kani lo bereti* hi. Vae huri hi, i kita vunu tau mulemai hoki na tarabehi katukwale vohoki. #Rom 12.5; 1 Kor 12.27; Eves 4.16; Kol 3.15
18Tulu domidomi lo bohianamai i kami a gwaloana noi Isrel*. Keu kani na boboroa hinea keu kwohi mateira lo voda#10.18 voda. Aira Kwalaha rau viti kwara, kwotakwota. kwara kena kaluhaki God kinira, vae keu mulemai kina tangaloi katukwale lo voda hi. #Lev 7.6,15 19?A leogu hi a domianaki kworohokinia? Nu viti hokinia hika kwara a boboroa hinea a tangaloi ramo kwohi mateira kwara rana tiutangaroa lakwa na takaro vuroki maira, aira a kinau vuroki. A takaro vuroki vano hi vake, aira a kinau vuroki. #1 Kor 8.4 20Vae nu viti kwara a tangaloi vano hi rau vai na hura boniboni lakwa na takaro vuroki maira aia hoki na Uliuli* Kokona u viti kwara, “Rau tuku vai na hura boniboni lakwa na tanungwe hati maira, hete lakwai God.” Vae nahe lengaia te vohoki kwara tulu ne mulemai katukwale mana tanungwe hati. #Dut 32.17; Sam 106.37; Rev 9.20 21I kamu tulu nehe inuinu lai tea lo laha na noda Hugwe* vunu kwara tulu ne inuinu taliku lo laha nona tanungwe hati maira. I kamu tulu nehe vai lai tea kwara tulu ne kanikani lo tevo na noda Hugwe, vunu kwara tulu ne kanikani taliku lo tevo nona tanungwe hati. #Mal 1.7,12; 2 Kor 6.15,16 22?Kworohokinia? ?Tulu lengaia kwara tana vai kadi na Hugwe? ?Tulu domi kwara tau huira siletia? #Dut 32.21
Tigwaravu tana tabe hakeki na hina i God
23I kamu tulu tuku viti kwara, “Ta vai lai kwara tana vai na kinau haro nga.” Io, vae hete kinau savia hinea rau karea kwara tana vai. Tulu tuku viti kwara, “Ta vai lai kwara tana vai na kinau haro nga.” Io, vae hete kinau savia kwara ne hago maikita. #1 Kor 6.12 24He taritarisa tea kwara a tangaloi ne soro haro na hala kwara ne hago maia sibona kehekeheki. Tana soro haro na hala kwara tana hago mana tangaloi ratuaki vake. #Rom 15.2
25Tulu ne kani lavi na biki hinea tulu voli lo tanotanoki. Vae he karea tea kwara tulu ne uduhuri kwara u karea diko hetea, huri vae a domimiu ne mai kwalao laliki kinia. 26A Uliuli* Kokona u viti kwara, “A varamana hika mana kinau savia luna aira a nona Hugwe i God.” #Sam 24.1; 50.12; 89.11
27Diko te tangaloi katukwale hinea he hauhuri tea lui God mo kwarekamu kwara tulu ne kanikani tatana, vae diko tulu masinge kwara tulu ne vano, u karea. Tulu ne vai lai tulu ne kani a havakinau hinea ne bete lakwakamu. Vae he karea tea kwara tulu ne uduhuri kwara u karea diko hetea, huri vae a domimiu ne mai kwalao laliki kinia. #Luk 10.8 28Vae diko te katukwale mo viti lakwakamu kwara, “A biki hi, a tangaloi rau hilea ba lakwa na takaro vuroki maira,” u karea, tulu hatu kania. Tulu ne domi huri na tangaloi hinea mo vitia, vae tulu ne hatu kania kwara tulu ne hatu vai na domina mo kwalao laliki. #1 Kor 8.7 29Aia hete kwara a domimiu ne kwalao laliki kinia, vae a domi na tangaloi hi ne kwalao laliki kinia.
A tangaloi katukwale ne viti kwara, “?Kworohokinia? ?A domidomi na tangaloi dolua ne gwarubibiau hokinia kwara i nau nahe vai lai te havakinau nu lengaia? 30I nau nu lagwaki God huri na kagu kinau. ?Kworohokinia hi a tangaloi dolua ne arekiau huri na kagu kinau hinea nu lagwaki God huri u rovo ba?” #1 Tim 4.4
31Io, vae lo havakinau hinea tulu mo kani tulu mo inu, vake lo bohianamiu savia, tulu ne tabe hakeki na hina i God luna. #Kol 3.17 32Tulu toka ne taritarisa tigwaravu. Tulu nehe vai te kinau vohoki hinea kwara ne vai na gwaloana noi Isrel* diko a tangaloi tavalavarea tina gwaloana noi Isrel diko a kwarelua* noi God rana rongo hati kikamu. #Rom 14.13 33Lo bohianagu, tigwaravu nu vai kwara a tangaloi savia rana lagwa mana kinau savia hinea nomo toko vai. Nohe toko vai na kinau tea kwara ne karea lakweau kehe nga. Nu tuku vai na kinau hinea kwara ne karea lakwa na tangaloi doluaki, huri kwara vae i God ne vakahikinira. #1 Kor 9.20-22
Currently Selected:
1 KORIN 10: HWT
Highlight
Copy
Compare
Share
Want to have your highlights saved across all your devices? Sign up or sign in
Havakinau New Testament © Bible Society of the South Pacific, 2016.
