1 KORIN 8
8
A biki hinea a tangaloi rau bete lakwa na takaro vuroki maira
1Hikani a duvi na nomiu leo uhiuhi huri na biki hinea a tangaloi rau bete lakwa na takaro vuroki maira.
A leo hi tulu tuku viti kwara, “I kita vunu a noda kikikila eia” aia hi kareaki. Aia a kikikila hokinia hi u vai na tangaloi u domidomi hakekinia, vae a lagwaana u tabe hakeki na tangaloi. 2A tangaloi hinea u domi kwara u kikilai na kinau, vae he kikilai na kinau te vohoki lo hala na kikikila bakotoki. #Gal 6.3 3A tangaloi hinea u lagwa mai God haburu, i God u kikilai na tangaloi hi. #Gal 4.9
4?Karea, vae kworohokinia mana biki hinea a tangaloi rau bete lakwa na takaro vuroki maira kwara rana kaluhakinira kinia? ?Tana kani lai diko hetea? Tau kikilai kwara a takaro vuroki maira aira hete i God kareaki. A noda God aia hi vohoki a God kareaki, vae aia katukwale vohoki. #a 1 Kor 10.19; b Dut 4.35,39; 6.4 5?Vae diko a takaro vuroki vano hi a tangaloi ramo toko domidomi luga rau hugu laliki lo mahaleki, lo varamana, vae kworohokinia? Diko a takaro vuroki u rusa, vake a hugwe u rusa, 6vae i kita a noda Takaro katukwale vohoki hinea i God i Tamada. Aia u tau savi na kinau, vae a mamaurianada a nona kehekeheki. Vunu i kita a noda Hugwe* katukwale vohoki hinea i Jisas Kraes*. I God u tau savi na kinau lalahia, vunu vake lalahia tamo toka. #a Mal 2.10; 1 Kor 12.6; Eves 4.6; b Sione 1.3; 1 Kor 12.5; Eves 4.5; Kol 1.16
Tana domi huri rabelada lui Kraes
7Hete tangaloi savia kwara rau kikilai na kinau hi kwara ne karea. A tangaloi tuaki, tuai rau tiutangaroa lakwa na takaro vuroki a hukao u rusa. Vae mo vano tarisaki na hika, lolona ramo kani na biki hinea a tangaloi rau bete lakwa na takaro vuroki maira, rau rongo hokinia kwara rau domi mavaki na takaro vuroki vano hi radu nga. Vae huri a domidomiga he huira tea, rau rongo lo tarabehiga kwara rau vai na vaivai hati. 8Vae a biki hi nehe lavikita te vaki garagarani mai God. Diko tahe kani na biki hi tea, vae tanahe hati tea kinia, vunu diko tau kani na biki hi, vae nehe hago te maikita. #Rom 14.17 9Vae tulu tagahuri ne karea. Kareaki tulu ne vai lai kwara tulu ne vai a havakinau hinea tulu mo lengaia. Vae he karea tea kwara a havakinau hinea tulu vai, ne vai na tangaloi hinea a noga hauhuriana he huira tea, rana sovi tilo vaivai hati. #Rom 14.13,15,21; Gal 5.13
10?I kamu hi tulu domi kwara tulu kikikila, diko te tangaloi katukwale hinea a domidomina he huira tea ne tagaikamu tulu kanikani lolo ingwa kokona na takaro vuroki, vae kworohokinia? A doridorimiu hi, vae ne revei na domidomi na tangaloi hi, vae ne kani na biki hinea a tangaloi rau bete lakwa na takaro vuroki maira. 11Hikani huri tulu domi kwara tulu kikikila, a tangaloi hinea a domidomina he huira tea ne sala. Vae aia hi i belamiu hinea i Kraes* u mate huria. #Rom 14.15,20 12Vunu lo doridorimiu hi tulu vai na vaivai hati vovohi rabelamiu, tulu magaraki na domiga huri a domidomiga he huira tea, vae luna hi tulu vai na vaivai hati vovohi Kraes. 13Vae diko a biki hi ne vai i belagu ne sovi tilo vaivai hati, vae nanahe kani na biki te hi taliku, huri nohe lengaia te vohoki kwara na vai na kinau te katukwale kwara ne vai i belagu lui Kraes ne sovi tilo vaivai hati. #Rom 14.21
Currently Selected:
1 KORIN 8: HWT
Highlight
Copy
Compare
Share
Want to have your highlights saved across all your devices? Sign up or sign in
Havakinau New Testament © Bible Society of the South Pacific, 2016.
