1 KORIN 4
4
A tangaloi boloki noi Kraes
1U karea kwara tulu ne tagaikami hokinia i kami a tangaloi boloki vohoki noi Kraes*. I God u rivukikami kwara kena boloki nona, kena viti huri na nona leo hinea tomua u eno tavuniki. 2Lolona hinea a masi mo tau na boloki tilo kaba na nona tangaloi boloki, u taritarisa kwara a tangaloi boloki hi ne karohuri kwara vae a nona masi ne hauhuri lai luna. #Luk 12.42 3Diko tulu lengaia kwara tulu ne taga kwaheki na nogu bolokiana, diko a tangaloi tovotovo rau lengaia kwara na tu koro na nakoga kwara rana taga kwaheki na nogu bolokiana, vae hi a kinau vuroki. I nau vake nahe taritarisa tea kwara na taga kwaheki na nogu bolokiana. 4Nu rongo lo tarabehigu kwara nohe vai na kinau hati tea, vae hi he vosangi tea kwara a nogu hatiana tikei. A noda Hugwe* kehekeheki u taritarisa kwara ne taga kwaheki na nogu bolokiana. #Sam 143.2 5Vae huri hi tulu hatu taga kwaheki na bolokiana nona tangaloi dolua tomuaki na taroki. Tana hugu tara na rani hinea a noda Hugwe hi ne mulemai luna, vae ne taga kwaheki na bolokiana nona tangaloi savira ki rovonaki. Aia neri lavi na kinau na dodoki hinea a tangaloi rau tavunikinira, ne taura vaki lo leleha. Vake a domidomi tavuniki hinea lolo domi na tangaloi aia neri matangwasarakinira tivarea. Vunu vatavataha na tangaloi i God ne tabe hakekinira ne taritarisa mana noga bolokiana karekarea. #1 Kor 3.8
A ngwera Korin rau kwetukwetutu
6Rabela. A kinau vano hi savia nu taura lumaru mai Avolos kwara tulu ne huri na tanoi-garumaru. Vunu a lolomiu nehe bongi tea kina leo hinea lo Uliuli* Kokona, vae tulu ne toka hoki na leo hi mo viti. He karea tea kwara tulu ne kwaha domidomikamu mana tangaloi hinea tulu mo huria, vunu tulu mo taga bulakiki na tangaloi dolua vake. #Rom 12.3 7?Kworohokinia? ?Tulu domi kwara tulu lakua sileti na tangaloi ratuaki? ?Tulu domi kwara tulu lai te kinau hinea i God he bete te lakwakamu? !Hetea! ?Vae huri aha tulu mo toko kwaha domidomikamu mana kinau hinea i God u betekamu kinira? Aira hete a nomiu tomua. #Rom 12.6
8Vae hetea, nu domi kwara tulu lai savi na kinau ba hinea tulu lengaira. Nu domi kwara i kamu a tangaloi hugwe. Nu domi kwara i kamu a hugwe lalakua, vae i kami hetea. !Ei! Kwara vae i kamu a hugwe lalakua kareaki na lagwa vohoki. Kwara vae kwehini i kami vake kena kwareki a hugwe lalakua maikamu. #a Rev 3.17; b Rev 3.21 9Vae i nau nu taga kwara i God u taukami a kaihora* kokona lo tanotano hinea evina halaradu. I kami hoki na tangaloi gwarugwaru hinea a tangaloi na tovotovo rau viti ba kwara vae kena mate. Vae i kami keu tu koro na nako na tangaloi na varamana doluaki mana kaihora na taetae, vae aira vunu rau tagataga-bibikami kwara kena mate. #Rom 8.36; Hib 10.33 10A tangaloi rau tuku tagaikami hoki na rera huri i kami a tangaloi noi Kraes. Vae i kamu tulu hariki lui Kraes ba, tulu kikikila. I kami a nomai huirana tikei, vae i kamu tulu huira. A tangaloi rau domi bulakikikami, vae rau domi mavakikamu. #1 Kor 3.18 11Vae tarisaki na hika u marakatikami, keu madoku, a lugwamai rau ngwanika rau hati, a tangaloi rau tuku kwohikami, vunu vake a tatamai tikei. #2 Kor 11.23-27 12Keu boloki haburu kina kabamai huri kamai hinaka. Diko a tangaloi rau tiutangaroa hati kikami, vae kehe gele tea lakwara, vae keu tiutangaroa karea kinira. Diko rau vai bulakikikami, vae keu tu madi. #a Bol 18.3; 20.34; 1 Tes 2.9; 2 Tes 3.8; 1 Kor 9.14-15; b Sam 109.28; Mat 5.44; Luk 6.28; Bol 7.60; Rom 12.14 13Diko a tangaloi rau kwahakwaha hati vovohikami, ramo viti a leo rau hati haburu, vae i kami keu kwahakwaha karea maira. A tangaloi rau vaikami hokinia kwara i kami a hogo na varamana vohoki. Vae tarisaki na hika a tangaloi rau tagaikami hoki na hogo hinea rau halehale lo karata. #Krae 3.45
Tulu huri na tanoi-garugu
14Nu uli na leo vano hikani, hete kwara na vaikamu tulu ne maemae, vae kwara na haharakamu, huri i kamu hoki raranatugu, nu lagwa maikamu haburu. 15Venaha diko te tangaloi u tari te vakahangavulu hinea rau tuku huhuikamu kwara tulu ne toka kworohokinia lui Kraes*, vae i tamamiu aia katukwale vohoki, i nau. Lo nomiu tokaana hinea tulu mo hariki lui Jisas Kraes, vae i nau kehekeheki nu kwareki i tamamiu huri i nau nu viti na Roro Karea lakwakamu tomua halaradu. #Gal 4.19 16Vae huri hi nu seseaka hurikamu kwara tulu ne huri na tanoi-garugu. #1 Kor 11.1; Vil 3.17; 1 Tes 1.6 17Nu hora i Timoti vaki maikamu kwara ne hago maikamu lo hala hi. Lo tokaana lui Kraes aia u kwareki i natugu hinea nu lagwa maia haburu, vae u karohuri tigwaravu lo bolokiana hika. Aia ne huhuikamu taliku lo bohiana hinea nomo kwiribibia lo tokaana karagwa hinea u vanamai ti Jisas Kraes. Aia a bohiana hinea nomo toko huhui na kwarelua* kinia vatavataha na gwatuivanua. #Bol 19.22; Vil 2.19-22
18Ratuaki tikamu rau viti kwara, “I Pol vae nehe vanamai te vaki maikita,” vae rau domidomira haburu. 19Vae diko a noda Hugwe* u masinge, na vanamai vaki maikamu lai nga. Vunu na taga bakotokinira hinea rau kwaha domidomira hokinia hi, vae na taga kwahekinira, hete lo kwahakwahaga, vae lo noga huirana. #Bol 18.21; Sem 4.15 20A tangaloi hinea u kwareki i God ki nona Hugwe aia hete tangaloi kwara u viti kinau ki leoki vohoki, vae a huirana noi God aia luna. #1 Kor 2.4 21?Tulu lengaia kwara kworohokinia? ?Na vanamai na hago ngwasa kwara na takwilikamu, diko na vanamai kina lagwaana mana magemuana?
Currently Selected:
1 KORIN 4: HWT
Highlight
Copy
Compare
Share
Want to have your highlights saved across all your devices? Sign up or sign in
Havakinau New Testament © Bible Society of the South Pacific, 2016.
