1 KORIN 3
3
I Pol u kwaha surira
1Rabela. Tomua i nau nohe vai lai tea kwara na kwaha maikamu hokinia nu kwaha mana tangaloi hinea rau lavi na Tanungwe noi God ba. Nu kwaha maikamu hokinia i kamu a tangaloi na varamana, hete a tangaloi noi God, hokinia i kamu hoki na natu kwaririgi lo nomiu hauhuriana lui Kraes*. #Sione 16.12 2Lolona nomo huhuikamu, i kamu hoki na natu hinea u kanikani ti retahina radu. Nohe vai lai tea kwara na bete a hinaka madi lakwakamu huri tulu he rarai tea kwara tulu ne kania. Vae hika tulu he rarai te radu nga, #Hib 5.12-13; 1 Pita 2.2 3huri a doridorimiu aia hoki na doridori na tangaloi na varamana. Lolona a kinau mo kadikadikamu muleki, tulu mo viroviroro mulekikamu, hi u vosangi kwara i kamu a tangaloi na varamana, tulu huri na doridori na varamana kehe nga. #1 Kor 1.10-11; 11.18 4Hokinia ratuaki tikamu rau viti kwara, “I nau a noi Pol,” vunu ratuaki rau viti kwara, “I nau a noi Avolos,” hi u vosangi kwara i kamu a tangaloi na varamana vohoki. #1 Kor 1.12
A tangaloi boloki noi God
5Tulu domidomi. ?I Avolos aia a hava tangaloi? ?I nau i Pol i nau a hava tangaloi? I kamirua a tangaloi boloki noi God vohoki hinea keru mo lavikamu kwara tulu ne hauhuri lui Kraes. I kamirua katukwale kehe keru vai na boloki hinea a noda Hugwe* u betekamirua kinia kwara keru ne vai. #Bol 18.24,27 6I nau nu rivu, i Avolos u vui kwai tiluna, vae i God u vaia mo mauri. #a Bol 18.4,11; b Bol 18.24-28 7A tangaloi hi mo rivu, maia hi mo vui kwai tiluna, i rarua raru vuroki, vae kehekeheki i God aia u vaia mori mauri. 8Aia hi mo rivu maia hi mo vui kwai tiluna, i rarua raru taritarisa. I God neri malairarua katukwale kehe ne taritarisa mana nogaru bolokiana. 9I kamirua a tangaloi boloki noi God, keru boloki haragoki maia. Vunu i kamu hoki na agoago bulai God.
Vake i kamu hoki na ingwa hinea i God u tuku tabea. #a Mat 13.3-9; b Eves 2.20 10I nau nu boloki lo kikikila hinea i God mo bete lakweau, nu boloki hoki na tangaloi hinea u haburu lo kihikihi ingwa. Nomo tinakakinia nomo horongi na tanovi na ingwa hi, vunu nomo haribibia. Vunu hika a tangaloi dolua u boloki luna. Vae ihe hi u boloki luna ne tagahuri ne karea kwara vae ne tabe kworohokinia, #a 1 Kor 15.10; b 2 Pita 3.15 11huri i God u tau i Jisas Kraes kehekeheki, aia katukwale vohoki, aia u kwareki a tanovi na ingwa hinea u horongiana mo haribibiana, vae a tanovi tikei vake kwara a tangaloi ne taua. #Aes 28.16; 1 Pita 2.4-6 12Vunu a tangaloi rau tabe na ingwa lo tanovi hi, aia hokinia kwara ratuaki rau tabe kina kol, a silva, a vatu karekarea, hinea rau eno tuai. Vunu ratuaki vake rau tabe kina beru, a mavuro, mana ato hinea rau eno he tuai tea. 13Vae lo Rani noi Kraes #3.13: Lo Rani noi Kraes. Kona taga A RANI NONA HUGWE lo Deksenare lo buku hika takuni. a kabu ne kao, ne matangwasaraki na bolokiana nona tangaloi katukwale kehe, kwara u karea diko u hati. #1 Kor 4.5; 2 Tes 1.7-10 14Vunu diko a kabu hi ne kao, vae a kinau hinea a tangaloi u boloki luna ne tu radu lo tanoviki, aia neri kwali a kaimalai huri. 15Vae diko a kabu hi ne kao letiuki na kinau hinea a tangaloi u boloki luna, aia ne vakasileki na nona kaimalai. Vae aia sibona ne ahi hokinia kwara u kwalao lalahi na kabu hi.
A tangaloi noi Kraes aira a Ingwa Kokona noi God
16?I kamu tulu he kikilai tea kwara i kamu a Ingwa Kokona noi God, vae a Tanungwe noi God u toka lumiu? #1 Kor 6.19; 2 Kor 6.16 17Vae diko te tangaloi ne magaraki na Ingwa Kokona noi God, vae a tangaloi hi, i God ne magarakinia, huri i God a nona Ingwa u kokona, vae a Ingwa Kokona hi, i kamu.
Tanahe kwaha domidomikita tea lo noda bolokiana
18A tangaloi hinea u tuku domidomia kwara u kikikila lo nako na tangaloi, u karea kwara ne tagahuri ne karea. He karea tea kwara ne vano saloia hokinia hi. U karea siletia hi kwara ne mulemai kina tangaloi reraka lo nako na tangaloi, vae luna hi aia ne mulemai ki tangaloi kikikila kareaki. 19Savi na kinau hinea a tangaloi na varamana rau tuku domi kwara aira a kinau karea hinea a tangaloi kikikila ramo toko vai, vae aira a rera lo nako i God.
A Uliuli* Kokona u viti kwara,
“A tangaloi kikikila
rau tuku sinasina na tangaloi,
vae i God u hagwera luna.” #Job 5.13
20Vunu vake a Uliuli Kokona u viti kwara,
“A Hugwe i God u kikilai
na domidomi nona tangaloi kikikila
kwara rau vuroki vohoki.” #Sam 94.11
21Vae huri na kinau hi, hete tangaloi kwara ne kwaha domidomia huri na boloki nona tangaloi dolua, huri a kinau vunuvunuhia rau kwareki a nomiu. 22I Pol, i Avolos, i Pita, i kami a nomiu. A varamana a nomiu. A mauriana, a mateana, a taro hikani, mana taro hinea he vanamai te radu, vunuvunuhira rau kwareki a nomiu. 23Vae i kamu tulu kwareki a noi Kraes*, i Kraes u kwareki a noi God.
Currently Selected:
1 KORIN 3: HWT
Highlight
Copy
Compare
Share
Want to have your highlights saved across all your devices? Sign up or sign in
Havakinau New Testament © Bible Society of the South Pacific, 2016.
