1 KORIN 2
2
A leo na mateana noi Kraes lo kaibetu
1Rabela. Lolona hini nomo vanamai vaki maikamu nomo matangwasaraki na domidomi noi God hinea tomua u eno tavuniki. Vae nohe vitia tea kina leo lalakua mana kikikila sea nona tangaloi. #1 Kor 1.17 2Lolona nomo hugu maikamu nu tau na nogu domidomi u madi lo kinau katukwale vohoki. Nu domidomi lui Jisas Kraes* vohoki, vunu aulu karakara nu domidomi lo nona mateana lo kaibetu. #Gal 6.14 3Lolona nomo hugu maikamu a nogu huirana tikei vohoki. Tigwaravu nu mataku, a huigu u ruru kinia. #Bol 18.9; 2 Kor 10.1 4A nogu huhuiana mana nogu leo nohe vitira tea kina leo na kikikila nona tangaloi kwara na reveikamu kinira. Vae a leogu u vosangi na huirana na Tanungwe noi God #1 Tes 1.5 5kwara a nomiu hauhuriana nehe tu tea lo leo na kikikila nona tangaloi, vae ne tu lo huirana noi God kehekeheki.
A Tanungwe noi God u vaikita tamo kikikila
6Kareaki, a nomai leo na kikikila eia, vae keu huhui na tangaloi hinea rau ngwarasea madi lo noga tokaana mai Kraes* kina leo na kikikila hi. Vae aia hete kikikila nona tangaloi na varamana hika. Vake hete kikikila nona tangaloi hinea a noga huirana eia, rau hugwe koro na varamana. Aira hi, vae a noga huirana ne va titikeiki. #Eves 4.13; Vil 3.15 7Vae a leo na kikikila i kami keu viti huria aia a leo na kikikila noi God hinea u tavunikinia tomua, a tangaloi rahe kikilaia tea. Aia hi a domikiana noi God tomua halaradu lolona a varamana he tauana te radu, kwara ne tabe hakekikita kina kikikila hi. #Rom 16.25; Kol 1.26 8A tangaloi lalakua na varamana aira vunu rahe kikilaia tea. Kwara vae diko rau kikilaia, ranahe duru na noda Hugwe* te tilo kaibetu hinea aia a Hugwe na taetae. #a Luk 23.34; b Sem 2.1 9Vae a Uliuli* Kokona u viti
“I God u tau rarai na kinau rusa ba
hurira hinea rau lagwa maia haburu.
A tangaloi rahe tagai
na kinau vano hi te kina mataga,
rahe rongo na roroga te
kina gweroga,
vake rahe domidomi te luga
lolo domiga.” #Aes 64.4; 52.15
10Vae i God u matangwasarakinira lakwakita kina nona Tanungwe. A Tanungwe hi noi God u taga haro savi na kinau hinea rau eno tavuniki. A domidomi tavuniki noi God hinea a tangaloi rahe kikilaira tea, vae a Tanungwe u matangwasaraki lavira. #Mat 13.11 11A havakinau hinea a tangaloi u domidomi luna, vae aia kehekeheki u kikilai lo domina, a tangaloi dolua rahe kikilai tea. Vae lo hala hokinia hi a havakinau hinea i God u domidomi luna, vae a Tanungwe noi God kehekeheki u kikilai. #Prov 20.27 12A Tanungwe hi, hinea tau lavia ba, hete tanungwe na varamana. Aia a Tanungwe noi God hinea i God u hokakinia vaki maikita kwara tana kikilai savi na hilehile hinea mo bete lakwakita. #Sione 16.13-14
13Vae huri hi, a leo hinea kemo toko vitira, hete kwara a huhuiana nona tangaloi, vae a huhuiana nona Tanungwe noi God hinea mo huhuikami kinira. Vunu kemo matangwasaraki na huhuiana nona Tanungwe hi lakwara hinea rau lavi na Tanungwe noi God. #2.13: Lo hala kairuaki vake a domidomi na leo hi lo duviki lo gweregwere na ves hi aia hokinia hika kwara, Vunu kemo matangwasaraki na huhuiana nona Tanungwe hi kina leo hinea a Tanungwe u bete lakwakami. Lo hala kaitoluki vake a domidomi na leo hi aia hokinia hika kwara, Vunu kemo tagataga lo nona vitikareaki kwara kena kikilai bakotoki savi na nona vitikareaki. #1 Kor 2.4 14A tangaloi hinea a Tanungwe noi God u tikei luna aia nehe lai lavi na hilehile nona Tanungwe tea. Nehe kikilaira te vohoki. Ne rongora hoki na leo reraka, huri a Tanungwe noi God kehekeheki u vai na tangaloi ramo kikilai na nona hilehile hinea mo toko betera. #a Sione 8.47; 14.17; b 1 Kor 1.23 15A tangaloi hinea a Tanungwe noi God luna aia u vai lai kwara ne taga kwaheki savi na kinau kwara rau karea diko rau hati, vae a tangaloi tikei kwara u taritarisa kwara ne arekinia. #1 Sione 2.20 16A Uliuli Kokona u viti
“?Ihe u kikilai
na domidomi na Hugwe i God
hinea a noda Hugwe?
?Ihe u vai lai kwara ne huhuia?”
Vae i kita tau lavi na domidomi i Kraes ba. #Aes 40.13; Rom 11.34
Currently Selected:
1 KORIN 2: HWT
Highlight
Copy
Compare
Share
Want to have your highlights saved across all your devices? Sign up or sign in
Havakinau New Testament © Bible Society of the South Pacific, 2016.
