1 KORIN 11
11
1Karea, tulu huri na tanoi-garugu hokinia i nau nomo huri na tanoigaru i Kraes*. #1 Kor 4.16; Vil 3.17
A bohiana nona ravavine lo kaikaluhakiana
2I nau nu kalukikamu huri tulu domihagweau tigwaravu, tulu mo kwiribibi na doridori hinea nomo huhuikamu kinia. 3Hikani nu lengaia kwara tulu ne kikilai kwara i Kraes* u hugwe koro na ngwera savia, a ngwera u hugwe koro i vavinehina, vake i God u hugwe koro i Kraes. #a Eves 5.23; b Jen 3.16; Eves 5.23; d 1 Kor 3.23 4Vae huri hi, a ngwera hinea u tiutangaroa diko u duruki na leo ti God lo nako na tangaloi rusa, vae u huna koro na gwatuna, u vai na maemaeana lakwai Kraes hinea u hugwe koroa. 5Vae a vavine hinea u tiutangaroa diko u duruki na leo ti God lo nako na tangaloi rusa, vae he huna koro na gwatuna tea, u vai na maemaeana lakwai tuana ngwarasea hinea u hugwe koroa. U vai na maemaeana lakwai tuana ngwarasea hoki na vavine hinea u hiri na vuluna. 6Diko a vavine he huna koro na gwatuna tea hokinia hi, u taritarisa kwara ne balati na vuluna. Vae a maemaeana lakwa na vavine hinea u balati na vuluna diko u hiri na vuluna, vae huri hi u taritarisa kwara ne huna koroa. 7A ngwera he taritarisa tea kwara ne huna koro na gwatuna huri aia a nunu i God, u vosangi na nunu na karekarea noi God. Vae a vavine u vosangi na nunu na karekarea nona ngwera, #Jen 1.27; 5.1; 9.6; Sem 3.9 8huri lo tinatinakakiki i God he kihi na ngwera te tina vavine, vae u kihi na vavine tina ngwera. #Jen 2.21-23; 1 Tim 2.13 9Vunu vake i God he kihi na ngwera tea kwara ne bului na vavine, vae u kihi na vavine kwara ne bului na ngwera. #Jen 2.18 10Vae huri hi u taritarisa kwara a vavine ne huna koro na gwatuna kwara ne vosangi lakwa na kaihora lolo taetae kwara u hugu tavuti tuana ngwarasea. 11Vae lo noda tokaana lo Hugwe* a vavine nehe vai na kinau te kahea, vunu vake a ngwera nehe vai na kinau te kahea, vae i rarua vunu raru ne boloki tabulutaki, 12huri lo tinatinakakiki i God u kihi na vavine tina ngwera, vae hikani a ngwera u vora lo vavine. Vae a kinau savia rau vanamai ti God.
13Tulu domidomi lo leo hika. ?U taritarisa kwara a vavine ne tiutangaroa lakwai God lo nako na tangaloi rusa hinea he huna koro na gwatuna tea? 14A bohianada hike lo varamana u vosangi kwara lolona a ngwera a vuluna rau gwagwaravu haburu, u vai na maemaeana lakwae sibona. 15Vae huri i God u bete na vulu lakwa na vavine kwara ne huna koro na gwatuna, hokinia a vuluna rau gwagwaravu aia a angiangihina. 16Vae diko a tangaloi ratuaki rau lengaia kwara rana va toko viroro huri na kinau hi, a nogu leo aia hika. A bohibohianamai he dolua tea, vake a kwarelua* noi God doluaki a bohibohianaga he dolua tea tiua hika.
A ngwera Korin rau vai doridori he taritarisa tea lo Kanikani Kokona
17Vae lo leo aira hika nana vitira lakwakamu nahe kalukikamu tea, huri a nomiu vileki-tabulutakiana huri na kaikaluhakiana he hago te maikamu, vae u tuku magarakikamu. 18A kinau tomuaki kwara na viti aia hika. Nu rongo na roromiu kwara lolona hinea tulu mo vileki tabulutaki tulu kwahekwahekikamu. Vae nu hauhuri kwara a duvi na leo hika u kareaki. #1 Kor 1.10-12; 3.3 19Kareaki, vae nehe vakasile tea tulu ne makwahekwahe lo nomiu bulubulu kwara ne matangwasara kwara ihe maira rau bakoto. #Dut 13.3; 1 Sione 2.19 20-21Lolona tulu bulu tabulutaki tulu maraka tulu va kanikani kamiu hinaka i kamu katukwale kehe nga. Vae tulu he domidomi te luna vohoki kwara tulu bulu katukwale kwara tulu ne kani na Kanikani Kokona nona Hugwe*. Vunu tuaki tikamu u marakatira, tuaki rau inuinu rava toko reraka kinia. 22?Kworohokinia? ?A ingwamiu tikei kwara tulu ne kanikani tulu ne inuinu lologa? ?Kworohokinia tulu domi bulakiki na kwarelua* noi God? ?Kworohokinia tulu vai na tangaloi kakaravi rau maemae hokinia hi? ?Na kwaha kworohokinia maikamu? ?Tulu domi kwara na kalukikamu? !Hete vohoki! #Sem 2.5-6
A Kanikani Kokona nona Hugwe
(Mat 26.26-29; Mak 14.22-25; Luk 22.14-20)
23A leo aira hika nu lavira tina noda Hugwe*, vae nu huhuikamu kinira u rovo ba, hinea nomo viti kwara lo bongi hi vohoki a tangaloi mo tiraki na Hugwe i Jisas tilo kaba na nona tavaluivuro, i Jisas mo lavi na bereti*, #Mat 26.26-28; Mak 14.22-24; Luk 22.19-20 24mo lagwaki God huria, mo volo utuutuhia, mo viti “Hikani a tarabehigu hinea nu tirakinia hurikamu. #11.24: Hikani a tarabehigu hinea nu tirakinia hurikamu. Lo hala kairuaki a domidomi na leo hi aia hokinia hika kwara, Hikani a tarabehigu, aia hurikamu. Tulu ne vai hokinia hikani tulu ne domidomi-bibiau luna.” 25Lo halaki hokinia nga lolona ramo kanikani mo rovo mo lavi na laha, mo viti “A laha hikani aia a leo harikiana karagwa noi God maikamu, aia hi a daigu ne vai na leo harikiana hi ne tu. Tulu ne inumia, vae vataha na taroki hi tulu ne domidomi-bibiau luna.” #a Eks 24.8; Jer 31.31; 32.40; 2 Kor 3.6; Hib 8.8-13; b Eks 24.6-8; Sek 9.11 26Vae huri hi, lo taro hinea tulu kani na bereti hi tulu inu lo laha hi, vae tigwaravu tulu vosangi na mateana na noda Hugwe tarisaki ne mulemai taliku. #Mat 26.29
Tulu ne lavi na Kanikani Kokona lo hala bakoto
27Huri na kinau hi, a tangaloi hinea rau kani na bereti* hi nona Hugwe*, vake rau inuinu lo nona laha hi lo hala hinea he bakoto tea, rau vai he bakoto tea lo tarabehi na Hugwe mana daina. #Hib 10.29 28Vae huri hi a tangaloi hinea u lengaia kwara ne kani na bereti hi diko ne inu lo laha hi ne tagataga luna sibona tomua, vunu neri kani na bereti hi ne inu lo laha hi. #Mat 26.22; 2 Kor 13.5 29A tangaloi hinea u kani u inu, vae he taga kikilaki na tarabehi mana dai na Hugwe tea, u kani u inu, vae aia sibona u lavi na kakadikiana vanamai tiluna. 30Vae huri hi u rusa tikamu rau keokeo rau tuku lenga, vunu ratuaki tikamu rau mate. #Bol 7.60; 1 Kor 15.20; Eves 5.14; 1 Tes 5.6 31Kwara vae diko i kita katukwale kehe tana tagataga luda tomua, vae i God nehe vai kadikita tea. 32Vae a Hugwe u arekikita u vai kadikita kwara tanahe sala tea mana tangaloi na varamana hinea rahe hauhuri tea. #Hib 12.5-6
33Rabelagu. Huri na kinau hi, diko tulu ne bulu tabulutaki huri kwara tulu ne kani na Kanikani Kokona nona Hugwe, tulu huguhugu taraikamu. 34Diko te katukwale u marakatia, u karea kwara ne kanikani tatana. Vae lo taroki tulu ne bulu tabulutaki i God nehe vai kadikamu tea huri na doridorimiu. A kinau tuaki, vae na venatu vaki maikamu nari vai tabetabekinira.
Currently Selected:
1 KORIN 11: HWT
Highlight
Copy
Compare
Share
Want to have your highlights saved across all your devices? Sign up or sign in
Havakinau New Testament © Bible Society of the South Pacific, 2016.
