APOKALUPESI 12
12
1Go navaivaiana warua sikai e pei tea vunusiana nakoroatelagi; nagoroi sikai waina e pei tea sugoroana ki elo, go atelagi e doko etano ni nam̃elena, go vauvau sikai ni m̃asoe rualima sikai tamate dua e doko nap̃auna; go e diena: 2go e kua ki navitinuana, po pitivitinu naga ega visola. 3Go navaivaiana p̃ota sikai e pei tea vunusiana nakoroatelagi; go kuga leo, drakon miala warua sikai, waina e pilake nap̃auna larua go napati ni nap̃auna rualima sikai, go vauvau larua eu doko nap̃auna maga. 4Go napuena e dosagi namagovai ketolu ni m̃asoe maga ni nakoroatelagi, po nadi ki da paki maramana: go drakon e lawodu narae ni nagoroi waina e naga ega visola, naga ragi waina ega visola sua ega ganidinomi natuna. 5Go e pisola po dape natuna sikai, natuna naanoai sikai, waina ega wo maraki nalauna maga mamau puti ki naap̃e sikai ni airon: go natuna e pei tea vuatiana sake punusi Sup̃e, go paki malo tasake aneana. 6Go nagoroi e sava paki masop̃alo pano, waina e peani tokora sikai asa waina e pei tea marim̃atakiana m̃elu Sup̃e, naga euga vakale a asa naaleatia manu sikai p̃onotia dua rualima takuna latesa.
7Go navakalo e doko nakoroatelagi: Mikael go agelo aneana maga eu pano naga euga mari navakalo paki drakon; 8go drakon e mari navakalo nara ma agelo aneana maga; go eu da mari matua mau, go tokora adeada e da moro pei tea vap̃aiana nakoroatelagi mau. 9Go drakon warua e pei tea nadikiana siwo, m̃aata tuai, tea waina e pei tea sosoana ki Diabolo go Satan, tea viragisasap̃o ki maramana mamau; e pei tea nadikiana siwo paki maramana, go agelo aneana maga eu pei tea nadikiana siwo sikoti a. 10Go a dogo nadaleo warua sikai nakoroatelagi, e naga, Ragi waia namautipauriana e umai, go nakasuaana, go namarakiana ki Sup̃e anigida, go naveinawotaana ki Kristo aneana: nalakena tea vasadip̃a taigida maga e pei tea nadikiana siwo, waina e do pasa dip̃a ra narae ni Sup̃e anigida aleati go p̃ogi. 11Go eu mari matua ki nia nalakena nada ni Arnio, go nalakena navasaana ni nanoasokisokiana adeada; go eu da dodomi namauriana adeada pa pa paki namateana mau. 12Nalakena tea wanogoe kuga laelaea, nakoroatelagi maga, go tea maga waina ku doko ara. Ai ki maramana go ki natasi: nalakena diabolo e po siwo paloti punusi mu, e maritausu p̃arua, e atae naga e peani ragi kiki.
13Go ragi waina drakon e punusi naga e pei tea nadikiana siwo paki maramana, e kopalele nagoroi waina e pisola po dape piakiki naanoai. 14Go nalivaru dua ni ikila warua ero pei tea vituakiana paki nagoroi, naga ega tiri paki masop̃alo pano paki tokora aneana, waina e pei tea vakaleana asa ragi sikai, go ragi dua, go ragi namagovai, pa dua ki narae ni m̃aata. 15Go m̃aata e lua ki noai m̃elu dua ki nawokana dausi nagoroi dapala noai sara sikai, naga ega mari a ega vei tea tapeluaana ki natave ni noai sara. 16Go natano e silae nagoroi, go natano e maga, po dinomi noai sara waina drakon e lua ki nia m̃elu dua ki nawokana. 17Go drakon e maeto ki nagoroi, po pano naga ega mari navakalo paki naworaworana p̃ota maga waina eu do dogo paratiki natip̃akiana maga ki Sup̃e, go waina eu peani nanoasokisokiana ni Yesu. 18Go e lawodu naworaone ni natasi.
Currently Selected:
APOKALUPESI 12: NTB
Highlight
Copy
Compare
Share
Want to have your highlights saved across all your devices? Sign up or sign in
Bible Society of the South Pacific
