APOKALUPESI 10
10
1Go a punusi agelo kasua p̃ota sikai e do siwo pae nakoroatelagi umai, e pei tea sugoroana ki napopouru sikai; go asoara e doko nap̃auna, go naraena e dapala elo, go nam̃elena ero dapala tea lawodu maga ni nakapu; 2go e dape tusi kiki vukepiriana sikai e doko nam̃elearuna: go e lawo ki nam̃elena ni matua e doko natasi, go tea ni mawiri e doko navanua; 3go e pioso ki nadaleo warua sikai dapala waina laion sikai e uru: go ragi waina e pioso, tovae larua eu pitua ki nadaleoda. 4Go ragi waina tovae larua eu pasa, a naga aga midiri: go a dogo nadaleo sikai e m̃elu nakoroatelagi, e naga, P̃a vulusoki tea maga waina tovae larua eu noa ra, go p̃a ta midiri ra mau. 5Go agelo waina a punusi a waina e lawodu natasi go navanua, e sike nam̃elearuna ni matua paki nakoroatelagi, 6po pivisa pae tea waina e mauri doko pa pa e du du po du mau du, waina e dawonaki nakoroatelagi go naleo maga waina eu doko asa, go navanua go naleo maga waina eu doko asa, go natasi go naleo maga waina eu doko asa, naga ragi ega ta moro doko mau: 7ma naaleatia maga ni nadaleo ni agelo kelarua, ragi waina ega naga ega sui paiga, ragi wanogoe p̃aia ki Sup̃e e pei tea marisuaana, dapala waina e dogorogo ki narogorogoana wia paki tea suasua aneana maga profeta maga. 8Go nadaleo waina a dogoe em̃elu nakoroatelagi, a dogo emoro pasa ki nau, po naga, P̃a vano, po dape tusi waina e pei tea vukepiriana waina e doko nam̃elearu ni agelo waina e lawodu natasi go navanua. 9Go a pano punusi agelo wanogoe, po noa ki nia naga ega tua au tusi kiki wanogoe. Go e noa ki nau, e naga, P̃a tape a, po ganidinomi a; go ega wo mari nap̃elem̃a ega kokona, ma ega wo gagadi dapala honi doko nawokam̃a. 10Go a dape tusi kiki wanogoe m̃elu dua ki nam̃elearu ni agelo wanogoe, po ganidinomi a; go e doko nawokagu e dapala honi e gagadi: go ragi waina a gani sua e, nap̃elegu e pei tea mariana e kokona. 11Go eu noa ki nau, eu naga, E one ako one naga p̃a moro pea noa sai nalo ni narei maga, go nalauna maga, go namena maga, go nawota maga euga laapa.
Currently Selected:
APOKALUPESI 10: NTB
Highlight
Copy
Compare
Share
Want to have your highlights saved across all your devices? Sign up or sign in
Bible Society of the South Pacific
