Popular Bible Verses from APOKALUPESI 10

Share

ma naaleatia maga ni nadaleo ni agelo kelarua, ragi waina ega naga ega sui paiga, ragi wanogoe p̃aia ki Sup̃e e pei tea marisuaana, dapala waina e dogorogo ki narogorogoana wia paki tea suasua aneana maga profeta maga.

Go eu noa ki nau, eu naga, E one ako one naga p̃a moro pea noa sai nalo ni narei maga, go nalauna maga, go namena maga, go nawota maga euga laapa.

Go a punusi agelo kasua p̃ota sikai e do siwo pae nakoroatelagi umai, e pei tea sugoroana ki napopouru sikai; go asoara e doko nap̃auna, go naraena e dapala elo, go nam̃elena ero dapala tea lawodu maga ni nakapu

Go a pano punusi agelo wanogoe, po noa ki nia naga ega tua au tusi kiki wanogoe. Go e noa ki nau, e naga, P̃a tape a, po ganidinomi a; go ega wo mari nap̃elem̃a ega kokona, ma ega wo gagadi dapala honi doko nawokam̃a. Go a dape tusi kiki wanogoe m̃elu dua ki nam̃elearu ni agelo wanogoe, po ganidinomi a; go e doko nawokagu e dapala honi e gagadi: go ragi waina a gani sua e, nap̃elegu e pei tea mariana e kokona.