NUMBERS 26
26
1Go ragi waina nasasanaana sa e nopu, e pakilina naga Yehovah e pasa paki Moses go paki Eleasar natu ni Aaron tea viri, po naga, 2Koroga midiri nagisa maga ni nasaisaiana mamau ni Israel natuna maga, tea maga waina eu pei tea ni natau rualima dua go do liu, ega vae nasum̃a maga ni tamada maga, tea mamau puti ni Israel waina eu mariatae paki navakalo. 3Go Moses go Eleasar tea viri ero pasa paki da Yeriko, malo matemate maga ni Moab nadigi ni Yordan, po naga, 4Kuga midiri nagisa maga ni narei, tea maga waina eu pei tea ni natau rualima dua go do liu; dapala waina Yehovah e dip̃aki Moses asa. Go Israel natuna maga waina eu m̃elu dua ki navanua ni Ityipt umai, eu pei tea maga waia.
5Reuben, tea takalapa ni Israel: Reuben natuna naanoai maga; Hanok naworana maga: Pallu naworana maga: 6Hesron naworana maga: Karmi naworana maga. 7Nara eu pei Reuben naworana maga: go tea mamau puti kakada waina eu pei tea veveana, eu pei naatam̃oli tivilia pati manu dolu p̃onotia larua rualima takuna dolu. 8Go Pallu natuna naanoai maga; Eliab. 9Go Eliab natuna naanoai maga; Nemuel, go Dathan, go Abiram. E pei nara, Dathan go Abiram nogo, waina ero pei tea matadoaana m̃elu nasaisaiana, waina nara ma taua maga ki Korah eu pululu dip̃a Moses go dip̃a Aaron, ragi waina eu pululu dip̃a Yehovah: 10Go natano e maga po dinomi puti ra ma Korah, ragi waina taua wanogoe eu mate; ragi waina nakapu vavaga e gani dinomi naatam̃oli p̃onotia dua rualima takuna lima, go eu po pei navaivaiana sikai. 11Ma Korah natuna naanoai maga eu da mate mau.
12Simeon natuna naanoai maga pae naworada maga: Nemuel naworana maga: Yamin naworana maga: Yakin naworana maga: 13Serah naworana maga: Shaul naworana maga. 14Tea maga wanogoe eu pei Simeon naworana maga, naatam̃oli tivilia dua manu dua go p̃onotia dua.
15Cad natuna naanoai maga pae naworada maga: Sefon naworana maga: Hakki naworana maga: Shuni naworana maga: 16Osni naworana maga: Eri naworana maga: 17Arod naworana maga: Areli naworana maga. 18Tea maga wanogoe eu pei Cad natuna naanoai naworada maga, waina eu pei tea veveana, naatam̃oli tivilia pati go p̃onotia lima.
19Yudah natuna maga, Er go Onan: go Er go Onan ero mate navanua ni Kanaan. 20Go Yudah natuna naanoai maga pae naworada maga; Shelah naworana maga: Peres naworana maga: Serah naworana maga. 21Go Peres natuna naanoai maga; Hesron naworana maga: Hamul naworana maga. 22Tea maga wanogoe eu pei Yudah naworana maga waina eu pei tea veveana, naatam̃oli tivilia larua manu latesa go p̃onotia lima.
23Issakar natuna naanoai maga pae naworada maga: Tola naworana maga: Puvah naworana maga. 24Yashub naworana maga: Shimron naworana maga. 25Tea maga wanogoe eu pei Issakar naworana maga waina eu pei tea veveana, naatam̃oli tivilia latesa manu pati go p̃onotia dolu.
26Sebulun natuna naanoai maga pae naworada maga: Sered naworana maga: Elon naworana maga: Yahleel naworana maga. 27Tea maga wanogoe eu pei Sebulun naworana maga waina eu pei tea veveana, naatam̃oli tivilia latesa go p̃onotia lima.
28Yosef natuna naanoai maga pae naworada maga: Manasseh go Efraim. 29Manasseh natuna naanoai maga: Makir naworana maga: go Makir e pesi Cilead: Cilead naworana maga. 30Cilead natuna naanoai maga: Ieser naworana maga: Helek naworana maga: 31Go Asriel naworana maga: go Shekem naworana maga: 32Go Shemida naworana maga: go Hefer naworana maga: 33Go Selofehad natu ni Hefer e dika natuna naanoai, ma e peani natuna nagoroi maga: go Selofehad natuna nagoroi maga nagisada maga, Mahlah, go Noah, Hoklah, Milkah, go Tirsah. 34Tea maga wanogoe eu pei Manasseh naworana maga: go tea maga kakada waina eu pei tea veveana eu pei naatam̃oli tivilia lima manu dua go p̃onotia larua. 35Efraim natuna naanoai maga pae naworada maga: Shuthelah naworana maga: Beker naworana maga: Tahan naworana maga. 36Go Shuthelah natuna naanoai maga: Eran naworana maga. 37Tea maga wanogoe eu pei Efraim natuna naanoai maga naworada maga waina eu pei tea veveana, tivilia dolu manu dua go p̃onotia lima. Tea maga wanogoe eu pei Yosef natuna naanoai maga pae naworada maga.
38Benyamin natuna naanoai maga pae naworada maga: Bela naworana maga: Ashbel naworana maga: Ahiram naworana maga: 39Shefufam naworana maga: Hufam naworana maga. 40Go Bela natuna naanoai maga, Ard go Naaman: Ard naworana maga: Naaman naworana maga. 41Tea maga wanogoe eu pei Benyamin natuna naanoai maga pae naworada maga: go tea maga kakada waina eu pei tea veveana eu pei naatam̃oli tivilia pati manu lima go p̃onotia latesa.
42Tea maga wanogoe eu pei Dan natuna naanoai maga pae naworada maga: Shuham naworana maga. Tea maga wanogoe eu pei Dan natuna naanoai maga pae naworada maga. 43Shuham naworana maga mamau puti waina eu pei tea veveana eu pei naatam̃oli tivilia latesa manu pati go p̃onotia pati.
44Asher natuna naanoai maga pae naworada maga: Imnah naworana maga: Ishvi naworana maga: Beriah naworana maga. 45Beriah natuna naanoai maga: Heber naworana maga: Malkiel naworana maga: 46Go Asher natuna nagoroi nagisana Serah. 47Tea maga wanogoe eu pei Asher natuna naanoai maga naworada maga waina eu pei tea veveana, naatam̃oli tivilia lima manu dolu go p̃onotia pati.
48Naftali natuna naanoai maga pae naworada maga: Yahseel naworana maga: 49Cuni naworana maga: Yeser naworana maga: Shillem naworana maga. 50Tea maga wanogoe eu pei Naftali naworana maga pae naworada maga: go tea maga wanogoe waina eu pei tea veveana eu pei naatam̃oli tivilia pati manu lima go p̃onotia pati.
51Tea maga wanogoe eu pei Israel natuna maga waina eu pei tea veveana, naatam̃oli manu p̃onotia latesa go manu sikai p̃onotia larua rualima takuna dolu.
52Go Yehovah e pasa paki Moses, po naga, 53Navanua ega vei tea tap̃otawotaeana naga ega vei tea veanipiolikiana sikai agi tea maga wanogoe pae naveveana ni nagisada maga. 54P̃a tua naworawora warua naveanipiolikiana warua, go naworawora kiki naveanipiolikiana kiki: p̃a tua sara naworawora sikasikai naveanipiolikiana adeada, ega vataka ni naveveana adeada. 55Ma navanua ega wo pei tea tap̃otawotaeana pae gole: pae nagisa maga ni naworawora ni tamada maga, euga veanipioli. 56Naveanipiolikiana adeada ega vei tea tap̃otawotaeana pae gole namawota ni naworawora warua go ni naworawora kiki.
57Go tea maga waia eu pei naworawora ni Levi waina eu pei tea veveana pae naworada maga: Cershon naworana maga: Kohath naworana maga: Merari naworana maga. 58Tea maga waia eu pei Levi naworaworana maga: nawora ni Libni, nawora ni Hebron, nawora ni Mahli, nawora ni Mushi, nawora ni Korah. Go Kohath e pesi Amram. 59Go Amram anagoroi nagisana Yokebed, Levi natuna nagoroi, waina e magi Levi pakilina Ityipt: go e magi Amram dape Aaron go Moses, go goreda Miriam. 60Go Nadab go Abihu, Eleasar go Ithamar eu magi Aaron pakilina. 61Go Nadab ma Abihu ero mate, ragi waina ero pitua ki nakapu vanop̃ota narae ni Yehovah. 62Go tea maga wanogoe waina eu pei tea veveana, naanoai maga mamau puti waina eu pei tea ni atelagi sikai go do liu, eu pei naatam̃oli tivilia dua manu dolu: nalakena nara eu da pei tea veveana sikoti Israel natuna maga mau, nalakena naveanipiolikiana e da pei tea vituakiana paki da sikoti Israel natuna maga mau.
63Tea maga wanogoe Moses go Eleasar tea viri ero peve ra, ragi waina ero peve Israel natuna maga malo matemate maga ni Moab nadigi ni Yordan, m̃aladigi ki Yeriko. 64Ma te naata sikai kakada e da pea pei tea veveana pae Moses go Aaron tea viri mau, ragi waina ero peve Israel natuna maga masop̃alo ni Sinai. 65Nalakena Yehovah e noa nalo kakada, e naga, Euga wo mate masop̃alo. Go te naata sikai kakada e da pei tea toropusiana e mauri doko mau, ma Kaleb natu ni Yefuneh, go Yoshua natu ni Nun ero sikida.
Currently Selected:
NUMBERS 26: NTB
Highlight
Copy
Compare
Share
Want to have your highlights saved across all your devices? Sign up or sign in
Bible Society of the South Pacific
