NUMBERS 25
25
1Go Israel e doko Shittim doko, go narei eu pae asa maripele paki Moab natuna nagoroi maga: 2Nalakena nara eu pitautau narei naga euga kani naviriana maga ki sup̃e adeada maga; go narei eu ganikani, po kolo suai natano paki sup̃e adeada maga. 3Go Israel e dum̃ana puluti Baal‐peor: go namaetoana ki Yehovah e pavaga dip̃a Israel. 4Go Yehovah e noa ki Moses, e naga, P̃a tape tea maraki maga mamau puti ni narei, po sara ki da euga tau nakau dau narae ni Yehovah aleati, naga namaetoana vivitinu ki Yehovah ega m̃elu dua ki Israel pano. 5Go Moses e noa ki tea vasap̃otae maga ni Israel, e naga, Kuga sikasikai sarasara mu atugi naatam̃oli animu maga waina eu dum̃ada puluti Baal‐peor. 6Go kuga leo, Israel natuna maga sikai kakada e piragi nagoroi sikai ni Midian umai punusi taina maga narae ni Moses, go narae ni nasaisaiana mamau ni Israel natuna maga, waina eu do dagi doko namata ni tap̃aup̃au ni nasaisaiana. 7Go ragi waina Finehas natu ni Eleasar natu ni Aaron tea viri e punusi a, e duleana m̃elu dua ki m̃aleoputo ni nasaisaiana, po puati naio sikai; 8Go e dausi naatam̃oli ni Israel wanogoe pano paki ekopu, po puri sasama ara ero dua puti, naatam̃oli ni Israel wanogoe go nagoroi wanogoe. Go nasasanaana sa e makoto ki Israel natuna maga. 9Go tea maga waina eu mate ki nasasanaana sa, eu pei naatam̃oli tivilia dua go manu pati.
10Go Yehovah e pasa paki Moses, po naga, 11Finehas natu ni Eleasar natu ni Aaron tea viri, e po mari namaetoana aginau e liliu m̃elu dua ki Israel natuna maga, nalakena e dotowo kasua ki natotowo‐kasuaana aginau m̃aleoputo kakada, nalakena tea wanogoe a da mari puoli ki Israel natuna maga natotowo‐kasuaana aginau mau. 12Nalakena tea wanogoe, p̃a naga, Kuga leo, a dua e navasasokiana aginau ni natam̃ateana: 13Go ega wo maneana go magi naworana waina ega wo edakugoro e pei navasasokiana sikai ni navei‐tea‐viriana waina ega tu du po du mau du; nalakena e magi Sup̃e aneana dotowo kasua, po magi Israel natuna maga mari natap̃augoroana. 14Go naatam̃oli ni Israel waina e pei tea atugiana, waina eu mari punue a ma nagoroi ni Midian, nagisana Simri, natu ni Sallu, tea maraki sikai ni nasum̃a sikai ni tamada maga ni naworawora ni Simeon. 15Go nagoroi ni Midian waina e pei tea atugiana, nagisana Kosbi, Sur natuna nagoroi; e pei nap̃au ni narei ni nasum̃a sikai ni tamada maga ni Midian.
16Go Yehovah e pasa paki Moses, 17po naga, P̃a riesoki naworawora ni Midian, po atugi ra: 18Nalakena nara eu diesoki ko ki namidoakip̃aiana adeada maga waina eu surue ko asa nalo ni naleo ni Peor, go nalo ni goreda Kosbi, tea maraki ni Midian natuna nagoroi, waina e pei tea atugiana naaleatia ni nasasanaana sa nalo ni naleo ni Peor.
Currently Selected:
NUMBERS 25: NTB
Highlight
Copy
Compare
Share
Want to have your highlights saved across all your devices? Sign up or sign in
Bible Society of the South Pacific
