MARKO 1
1
1Naatulakeana ni narogorogoana wia ki Yesu Kristo, Sup̃e Natuna.
2Dakiusi waina e pei tea midiriana tusi ki profeta Isaiah,
Kuga leo, kinau a dip̃aki lua tea tautauana aginau ega vea ki naraem̃a,
Waina ega wo marim̃ata ki napua anigo;
3Nadaleo ni tea waina e do pioso masop̃alo,
Kuga marim̃ata ki napua ki Yehovah,
Kuga mari napua doniana aneana maga euga leana;
4Yoane e umai, waina e do bapetiso masop̃alo po do dogorogo ki nabapetisoana ni namidoakidoaana paki namidoakikorokoroana ni namarinaleosaana maga. 5Go navanua ni Yudea mamau, go tea maga mamau puti ni Yerusalem, eu pano punusi a; go e bapetiso ra noaisara Yordan, eu noasai namarinaleosaana adeada maga. 6Go Yoane e pei tea sugoroana ki nam̃au ni kamel, go tasoki sikai ni nawili e do namalona, go e do gani midiri maga go honi ni bii mila. 7Go e do dogorogo, po do naga, Tea sikai waina e kasua liu au, e edakugoro au umai, a da p̃ia mau naga aga kolo po peresi natali ni nam̃elevasiana aneana maga. 8Kinau a bapetiso mu ki noai; ma nae ega wo bapetiso mu ki Naatana Tapu.
9Go e pakilina naaleatia maga wanogoe, naga Yesu e pae Nasareth ni Calilea umai, po pei tea bapetisoana pae Yoane Yordan. 10Go m̃araverave ragi waina e do m̃elu dua ki noai sake umai, e punusi nakoroatelagi e mawora pamawota, go Naatana e do siwo dakiusi tokopea sikai po lawo asa: 11go nadaleo sikai e dave nakoroatelagi umai, e naga, Nigo ku pei Natugu tea dodomiana aginau waina a midoa ki m̃ata ki‐go.
12Go m̃araverave Naatana e kopasi a paki masop̃alo pano. 13Go e doko masop̃alo doko naaleatia rualima pati, Satan e do maridogo e; go e sikoti nalo mila maga; go agelo maga eu maneana suasua ki navinaga.
14Go edaku ki Yoane e pei tea vituakiana, Yesu e umai paki Calilea, po do dogorogo ki narogorogoana wia ki Sup̃e. 15Po do noa, Ragi e pei tea vakavuroana, go namarakiana ki Sup̃e e pei m̃aladigi: kuga midoakidoa, po saralomau narogorogoana wia.
16Go e surata pae elau ni natasi ni Calilea pano, po punusi Simon go Anderea Simon taina ero siva ki kup̃ena sikai natasi: nalakena ero pei tea araika. 17Go Yesu e noa ki da, e naga, Koroga rausi au, go aga wo mari mu koroga wo pei tea vuagoro naatam̃oli. 18Go m̃araverave ero doropusi kup̃ena maga eu madoko, po dausi a. 19Go e moro surata pano malo kiki, po punusi Yakobo natu ni Sebedaio, go taina Yoane, go nara ma ero doko rarua ero do usuvaki kup̃ena maga. 20Go m̃araverave e soso ra: go ero doropusi tamada Sebedaio e doko rarua sikoti tea suasua vasadapuiana maga, po dausi a pano.
21Go eu sili paki Kapernaum; go m̃araverave e paki ekopu ni nasum̃a ni nasaisaiana naaleatia ni sabbath po pasapisei ki. 22Go eu saram̃akoto navasapiseikiana aneana: nalakena e pasapisei ki da dapala e peani naveinawotaana, go e da dapala tea midiri maga mau. 23Go m̃araverave naatam̃oli sikai e doko nasum̃a ni nasaisaiana adeada waina e peani naatana loa sikai; go e pioso, po naga, 24Kinami auga kasa ki‐go, Yesu ni Nasareth? Ku umai naga p̃a mari punue gami kite? A atae ko, ku pei Tea Tapu ki Sup̃e. 25Go Yesu e pasa kasua ki nia, po naga, P̃a vunuta, go p̃a tave umai m̃elu dua ki nia pano 26Go naatana loa e pua p̃orae a po pioso ki nadaleo kasua, po dave umai m̃elu dua ki nia pano. 27Go eu mamau puti maga p̃arua, dapala waina eu dum̃ada pusuusu paki da, po naga, Tea waia e pei nasava? Navasapiseikiana vau! E dip̃aki naatana loa maga ki naveinawotaana, go eu dogo parati ki nia. 28Go narogorogoana kakana e sokapule m̃araverave sara tokora paki navanua mamau ni Calilea daliviri.
29Go m̃araverave, ragi waina eu dave m̃elu dua ki nasum̃a ni nasaisaiana, eu rumai paki ekopu ni nasum̃a ki Simon go Anderea, nara ma Yakobo go Yoane eu mamau. 30Go Simon anagoroi p̃ilana e one e masaki; go m̃araverave eu noa ki nia asa: 31go e umai po puati nam̃elearuna, po sike a; go namasakiana e marua ki nia, go e madeada suasua ki navinaga.
32Go ragi melu, ragi waina elo e musu, eu piragi tea maga mamau puti waina eu sasana, go tea maga waina eu pei dimon umai punusi a. 33Go natokoana mamau eu saisai paki namata. 34Go e maripauri tea laapa waina eu sasana nasasanaana visarasara, po mari dimon laapa eu dave pano; go e da suasua ki dimon maga naga euga vasa mau, nalakena eu atae a.
35Go malip̃ogi ni p̃ogi matua, e duleana po paki katama, po paki maso maladi sikai pano, po dapasavasa tokora wanogoe. 36Go Simon go tea maga waina eu sikoti a doko eu dausi a pano; 37go eu pap̃ai a, po noa ki nia, eu naga, Tea maga mamau puti eu laaga ako. 38Go e noa ki da, e naga, Tuga vaki tokora p̃ota seara paki natokoana maga ni m̃aladigi, naga aga moro dogorogo tokora maga wanogoe; nalakena a m̃elu umai nalakena tea wanogoe. 39Go e paki ekopu ni nasum̃a ni nasaisaiana adeada maga usuraki Calilea mamau, e do dogorogo po do mari dimon maga eu dave pano.
40Go lepero sikai e umai punusi a, e pavarani a, po ditip̃atua ki nia, po noa ki nia, e naga, ku pe suasua, ku pe mariatae mari au aga tautau. 41Go e maritadodomi a, po sai ki nam̃elearuna, po kisidogo e, po noa ki nia, e naga, A suasua; p̃a vei tea mariana p̃a tautau. 42Go m̃araverave naveileperoana e marua ki nia, go e pei tea mariana e dautau. 43Go e pasa soki kasua ki nia, 44po m̃araverave dip̃aki lua e, po noa ki nia, e naga, P̃a vunusi naga p̃a ta noa ki te naata te navatuna mau: ma p̃a vano, p̃a tum̃am̃a pisei ki tea viri ako, po pitua nalakena ku pei tea mariana ku dautau ki tea maga waina Moses e pitip̃aki ara, naga ega vei nanoasokisokiana sikai paki da. 45Ma e dave pano, po pae asa dogorogo ki p̃arua ki nia, po pasa peravera ki naleo wanogoe, dapala waina Yesu e mari sa moro pae lina sili paki te natokoana, ma e doko etaku doko maso maladi maga: go eu pae sara tokora umai punusi a.
Currently Selected:
MARKO 1: NTB
Highlight
Copy
Compare
Share
Want to have your highlights saved across all your devices? Sign up or sign in
Bible Society of the South Pacific
