MATAIO 28
28
1Go nap̃ogiana ni naaleatia ni sabbath, ragi waina e atulake naga ega vei ragi ni namakotokotoana paki naaleatia vea ni wiik, Maria ni Macdala e umai go Maria kerua naga eroga vunusi matigo. 2Go kuga leo, naruru warua sikai e pakilina; nalakena agelo sikai ki Yehovah e pae nakoroatelagi siwo, po umai po malulua ki lua vatu wanogoe, po dasake asa. 3Go navunusiana kakana e dapala navila, go sugoro aneana e dare dapala sno: 4go nalakena namatau‐ki‐nia‐ana tea vavaigoro maga eu dururu, po pei tea mariana eu dapala naatam̃oli mate maga. 5Go agelo e pasadara po noa ki nagoroi maga, e naga, Nimu koroga ta mataku mau: nalakena a atae naga koro laaga Yesu, waina e pei tea turiana nakau valadagoto. 6E da doko nea mau; nalakena e po duleana, dapala waina e noa e. Koroga umai, koroga vunusi tokora waina Nawota e one sua asa. 7Go koroga vano m̃araverave, po noa ki tea vasapiseikiana aneana maga, naga E po duleana m̃elu dua ki tea mate; go koroga leo, e pea ki mu paki Calilea pano; tokora wanogoe kuga wo punusi a asa: koroga leo, a po noa ki mu asa. 8Go ero m̃elu dua ki matigo pano m̃araverave pilake namatakuana go nalaelaeaana warua, po sava naga eroga rogorogo ki nia paki tea vasapiseikiana aneana maga. 9Go kuga leo, Yesu e sua ra, po naga, Koroga laelaea. Go ero umai po puati nam̃elena maga, po lotu ki nia. 10Ragi wanogoe Yesu e noa ki da, e naga, Koroga ta nataku mau: koroga vano po dogorogo paki taigu maga naga euga vaki Calilea pano, go euga wo punusi au tokora wanogoe.
11Go ragi waina ero do pano, kuga leo, te seara ni tagona ni tea vavai goro maga eu rumai paki natokoana, po dogorogo paki tea viri warua maga ki naleo maga mamau puti waina eu po pakilina. 12Go ragi waina nara ma tea matua maga eu mamau saisai, po pusum̃aki sua, eu dua naatam̃oli ni navakalo maga m̃ane laapa, 13po naga, Kuga noa, naga Tea vasapiseikiana aneana maga eu rumai p̃ogi, po panako e pano ragi waina kinami au maturu. 14Go tea wanogoe e pe vei tea rogorogokiana nadaliga ni tea maramara, kinami auga wo pasa ki nia, go kuga wo da sua tea sa mau. 15Go eu dape m̃ane wanogoe, po mari dapala waina eu pei tea vasapiseikiana asa: go navasaana wanogoe e pei tea vasadaperaverakiana m̃aleoputo ni naka ni Yudea pa pa paki masoso waia.
16Ma tea vasapiseikiana rualima sikai tamate sikai eu paki Calilea pano, paki tava waina Yesu e pea madeada datuta ki nia. 17Go ragi waina eu punusi a, eu lotu ki nia: ma te seara eu midaokisara. 18Go Yesu e umai punusi ra, po pasa ki da, e naga, Sara naveinawotaana e pei tea vituakiana paki nau nakoroatelagi go maramana. 19Nalakena tea wanogoe kuga vano, po pasapisei ki nalauna maga mamau puti, po bapetiso ra paki nagisa ni Tamana go ni Natuna go ni Naatana Tapu: 20po do pasapisei ki da naga euga rogo paratiki tea maga mamau puti waina a dip̃a ki mu ara: go kuga leo, kinau aga sikoti mu doko naaleatia maga mamau puti pa pa paki naaleatia edaku mau ni maramana.
Currently Selected:
MATAIO 28: NTB
Highlight
Copy
Compare
Share
Want to have your highlights saved across all your devices? Sign up or sign in
Bible Society of the South Pacific
