LEVITIKO 19
19
1Go Yehovah e pasa paki Moses, po naga, 2P̃a vasa paki nasaisaiana mamau ni Israel natuna maga, po noa ki da naga, Nimu kuga tapu: nalakena kinau, Yehovah Sup̃e animu, kinau a dapu. 3Nimu sara naata sikasikai kakamu ega matau ki p̃ilana, go tamana, go kuga vavaigoro sabbath aginau maga: kinau a pei Yehovah Sup̃e animu. 4Kuga ta maradoa paki nasup̃e maga mau, go kuga ta dum̃amu manimu mari sup̃e takiana maga mau: kinau a pei Yehovah Sup̃e animu. 5Go ragi waina kuga vitua ki naviriana ni navituaana maga ni natam̃ateana paki Yehovah, kuga vitua ki nia doko nap̃op̃o suasuaana mamau animu. 6Ega vei tea kaniana naaleatia waina ku pitua ki nia asa, go matamai ki nia: go te namagovai e pe toko pa pa paki naaleatia ketolu, ega vei tea tap̃arakiana ki nakapu. 7Go waina e pe vei tea kaniana naaleatia ketolu, e pe wo pei tea mamaragokiana; ega wo da pei tea midoaki‐m̃ata‐kiana mau. 8Ma naata waina e pe kani a, ega wo dapetape namarinaleotageleana aneana, nalakena e mari m̃oli ki naleo tapu sikai ki Yehovah: go naata wanogoe ega wo pei tea taeluaana m̃elu dua ki narei aneana.
9Go ragi waina ku dagaukotovi vanua animu, p̃a ta dagaukotovi puti pae naweluki maga ni vanua anigo mau, go p̃a ta pila daua ki puti tea tagaukotoviana maga ni nalolovaeana anigo mau. 10Go p̃a ta awosi puti roara ni vaine anigo mau, go p̃a ta pila daua ki nam̃alesu maga ni roara ni vaine anigo mau; p̃a toropusi ra euga vei agi tea tika, go nam̃enaki: kinau a pei Yehovah Sup̃e animu. 11Kuga ta panako mau; go kuga ta mari malauweluki mau, kite sorosoro dum̃amu paki mu. 12Go kuga ta pivisa sorosoro pae nagisagu mau, po noa m̃oli ki nagisa ni Sup̃e animu mau: kinau a pei Yehovah. 13P̃a ta diesoki tea ni m̃aladigi ki‐go mau, kite mari dagele paki nia: namoriana ki tea wosiwosi vasadapuiana sikai ega ta doko sikoti ko doko p̃ogi mamau pa pa paki malip̃ogi. 14P̃a ta pasa sa ki tea vei p̃aro mau, go p̃a ta doropusi tea tapilagonaana sikai ega toko kivea ki tea kesa, ma p̃a matau ki Sup̃e anigo: kinau a pei Yehovah. 15Kuga ta mari natageleana navasap̃otaeana mau: p̃a ta leo punusi namata naatam̃oli dika, go p̃a ta dodomadagani naatam̃oli vakilagi mau: ma p̃a vasap̃otae tea ni m̃aladigi ki‐go doko naleanaana. 16P̃a ta surata papiliu po pei tea vasapinoa usuraki narei anigo: go p̃a ta lawodu dip̃a nada ni tea ni m̃aladigi ki‐go mau: kinau a pei Yehovah. 17P̃a ta pilosi taim̃a nap̃op̃om̃a mau: p̃a vasa kasua paki tea ni m̃aladigi ki‐go, naga p̃a ta sua tea sa nalo kakana mau. 18P̃a ta mari nasikoana mau, kite dape parati ki namaetoana dip̃a narei anigo natuna maga mau, ma p̃a dodomi tea ni m̃aladigi ki‐go ega tapala waina ku dum̃am̃a dodomi ko: kinau a pei Yehovah. 19Kuga vavaigoro parati ki natawonakiana aginau maga: p̃a ta suasua ki katel anigo naga euga vavakawora sikoti tea visarasara maga mau: p̃a ta sapura ki napati visarasara vanua anigo mau: go p̃a ta suni sugoro ni wul waina e pei tea mari‐sarisariana pilake linen mau. 20Go waina te naata e pe one sikoti nagoroi sikai waina e pei naviti, tea vasasokiana sua raki naanoai sikai, ma eu ko da daulua e mau, go e ko da pei tea veresiana mau; eroga wo pei tea vasap̃otaeana; eroga ta pei tea maripunueana mau, nalakena nagoroi wanogoe e ko da pei tea veresiana. 21Go ega viragi navituaana ni natapiriana aneana umai punusi Yehovah, paki namata ni tap̃aup̃au ni nasaisaiana, shiip anoai sikai ega vei navituaana ni natapiriana. 22Go tea viri ega maneana mari natap̃augoroana ni shiip anoai ni navituaana ni natapiriana narae ni Yehovah, nalo ni namarinaleosaana aneana waina e mari naleo sa asa: go ega wo pei tea midoakikorokoroana nalo ni namarinaleosaana aneana waina e mari naleo sa asa. 23Go ragi waina kuga wo umai doko sua navanua, po lawo sua sara nakau kaniana visarasara maga raki navinaga, kuga atae parati ki nawada maga euga vei tea tip̃agoroana: natau dolu ega vei tea tip̃agoroana paki mu; ega ta pei tea kaniana mau. 24Ma natau kevati nawa kakada mamau puti euga tapu, euga vei navituaana samasamaniana paki Yehovah. 25Go natau kelima kuga kani nawa kakada maga, naga navanua ega wo manimu dau p̃arua: kinau a pei Yehovah Sup̃e animu. 26Kuga ta gani nap̃okasi pilake nada mau: go kuga ta mari nakikitaana, kite nawosidoaana mau. 27Kuga ta masi nalolu nap̃oromu mau, kite alati nalolu nasimu mau. 28Kuga ta mari natotovaana ni nap̃atokomu mau nalo ni tea mate, kite p̃okati te namidiriana nap̃atokomu mau: kinau a pei Yehovah. 29P̃a ta mari m̃oli ki natum̃a nagoroi, naga ega vei nagoroi masausara sikai; mase navanua e pe rowo paki namasausaraana, go navanua e pe vura ki nasigisigileoana. 30Kuga vavaigoro sabbath aginau maga, po matau ki tokora tapu aginau: kinau a pei Yehovah. 31Kuga ta pa punusi tea maga waina naata tapu e sake ara, kite tea tapu vakamaligo maga; kuga ta laaga ara mau, naga kuga ta loa pae ara: kinau a pei Yehovah Sup̃e animu. 32P̃a tuleana narae ni tea kapuara, po dodomadagani narae ni tea matua, go p̃a matau ki Sup̃e anigo: kinau a pei Yehovah. 33Go waina nam̃enaki sikai e pe m̃enaki doko sikoti ko navanua anigo, p̃a ta mari dagele paki nia mau. 34Nam̃enaki‐atatoko waina e m̃enaki doko sikoti ko ega takiusi naatatoko sikai m̃aleoputo kakamu, go p̃a dodomi a ega tapala waina ku dum̃am̃a dodomi ko; nalakena nimu ku pea pei nam̃enaki‐atatoko maga doko navanua ni Ityipt: kinau a pei Yehovah Sup̃e animu. 35Kuga ta mari dagele navasap̃otaeana mau, doko nakau totowo ni navarauana, kite vatu rowogi, kite lasa rowogi. 36Kuga mari tea rowogi leana, go namadagaana leana, go efah leana, go hin leana: kinau a pei Yehovah Sup̃e animu, waina a piragi lua mu m̃elu dua ki navanua ni Ityipt umai. 37Kuga dogoparatiki ki nawotaeaana go navasaana aginau mamauputi. Kinau apei Yehovah.
Currently Selected:
LEVITIKO 19: NTB
Highlight
Copy
Compare
Share
Want to have your highlights saved across all your devices? Sign up or sign in
Bible Society of the South Pacific
