PAKI HEBERU MAGA 8
8
1Ma tea warua liu kaka ni tea maga waina au noae epei tea waia: Tu peani tea viri warua liu dapala waia, waina e dasake pisari taleva ni matua ni malo tasake ni Natatap̃auana doko nakoroatelagi maga, 2tea suasua sikai ni tokora tapu, go ni tap̃aup̃au lomau waina Yehovah e sike a, waina naatam̃oli e da sike a mau. 3Nalakena sara tea viri warua liu eu pei tea lawokiana naga euga vitua ki navituaana maga go naviriana maga: nalakena tea wanogoe e one tea viri warua liu waia one naga nae ma ega veani tea waina ega vitua ki nia. 4Ma e pe toko maramana, e pe ta pei tea viri mau, nalakena tea maga waina eu pitua ki navituaana maga pae nawotaeana eu doko; 5naatam̃oli maga waina eu da magi tea waina e pei naviseikiana sikai go melu sikai ni naleo maga ni nakoroatelagi suasua, dapala waina Moses e pei tea tip̃akiana pae Sup̃e ragi waina e naga ega mari tap̃aup̃au: nalakena, P̃a vunusi, e noa e, naga p̃a mari naleo maga mamau puti euga vae naatulakeana waina e pei tea viseikiana paki‐go tava. 6Ma ragi waia e dape nasuasuaana sikai waina e p̃ia liu tea wanogoe, dapala waina ma e pei tea vae namawota ni navasasokiana wia liu sikai, waina e pei tea tawonakiana doko nasaiana wia liu maga. 7Nalakena navasasokiana vea wanogoe e pe ta pei tea vasadip̃aana mau, tokora sikai raki kerua e pe ta pei tea laagaana mau. 8Nalakena e pasadip̃a ra, po naga.
Kuga leo, naaleatia maga euga wo umai, Yehovah e noa e,
Go aga wo mari navasasokiana vau sikai paki nasum̃a ni Israel go paki nasum̃a ni Yudah;
9Ega wo da pae navasasokiana waina a magi tamada maga mari a mau
Naaleatia waina a puati nam̃elearuda asa naga aga viragilua ra m̃elu dua ki navanua ni Ityipt;
Nalakena nara eu da doko mau doko navasasokiana aginau mau,
Go kinau a dip̃adoa ra, Yehovah e noa e.
10Nalakena tea waia e pei navasasokiana waina aga wo magi nasum̃a ni Israel mari a
Edaku ki naaleatia maga wanogoe, Yehovah e noa e;
Aga wo pitua ki nawotaeana aginau maga paki namidodoana adeada.
Go aga wo midiri ra doko nap̃op̃oda:
Go aga wo madeada pei Sup̃e,
Go nara euga wo maginau pei narei:
11Go euga wo da pasa piseiki mau sara naata sikasikai tea ni m̃aladigi ki da,
Go sara naata sikasikai ki taida, po naga, Kuga atae Yehovah:
Nalakena euga wo mamau puti atae au,
Pae tea kiki kakada pa pa paki tea warua kakada.
12Nalakena aga wo pei saup̃ia paki namarinaleotageleana adeada maga,
Go aga wo da moro midoa ki namarinaleosaana adeada maga mau.
13Nalo ni e naga, Navasasokiana vau sikai, e mari tea vea e duai. Ma tea waina e do duai po do matua e pei m̃aladigi ki navuoliana.
Currently Selected:
PAKI HEBERU MAGA 8: NTB
Highlight
Copy
Compare
Share
Want to have your highlights saved across all your devices? Sign up or sign in
Bible Society of the South Pacific
