PAKI HEBERU MAGA 13
13
1Nadodomi‐taigida‐ana ega toko mau doko. 2Kuga ta malioki nadodomi‐nam̃enaki‐ana mau: nalakena pae tea wanogoe te seara eu piragi agelo maga eu pei nam̃enaki go eu pei sap̃o asa. 3Kuga midoaki tea soliana maga, dapala ku pei tea soliana sikoti ra; ki tea riesokiana maga, dapala nimu ma ku doko nap̃atokomu. 4Navitawiriana ega vei tea dodomadaganiana m̃aleoputo ni tea maga mamau puti, go nawewele ega ta pei tea mariana ega loa mau: nalakena tea maripele maga waina eu pei naputu go tea maripele maga waina eu pitawiri go waina eu laki Sup̃e ega wo pasap̃otae ra. 5Kuga ta pei tea dodomi m̃ane mau; kuga maro naleo maga waina ku peani ra; nalakena nae e naga, Aga wo da doropusi ko mau, go aga wo da puoli ki‐go mau. 6Dapala nogoe tuga marasike noa,
Yehovah e pei tea silae au; aga wo da mataku mau;
Naatam̃oli ega wo mari au navasa?
7Kuga midoaki tea maraki animu maga, waina eu noa ki mu navasaana ki Sup̃e; go kuga mari oli nasaralomauana adeada, doko do midoakiusiusi nam̃eluana ni namauriana adeada. 8Yesu Kristo e pei tea sikai maau nanova go masoso, go pa pa pa po du mau du. 9Kuga ta pei tea tapetapeluaana ki navasapiseikiana visarasara go vanop̃ota maga mau: nalakena e p̃ia naga nap̃op̃omu ega vei tea lawosokiana ki nasaup̃iaana; ega ta pei tea lawosokiana ki navinaga maga mau, waina tea maga waina eu surata pae ara eu da pei tea silaeana ara mau. 10Tu peani wede ni naviriana sikai waina tea maga waina eu magi tap̃aup̃au suasua eu da peani naveinawotaana naga euga kanikani m̃elu asa mau. 11Nalakena nap̃atoko ni nalo mauri maga waina nadada e pei tea tapeana paki ekopu ni tokora tapu pae tea viri warua liu nalakena namarinaleosaana, eu pei tea tap̃arakiana etaku ki tokora ni nam̃enakiana. 12Nalakena tea wanogoe Yesu ma, naga ega maridautau ki narei pae nadana, e sua navitinumateana etaku ni namata‐pua. 13Nalakena tea wanogoe tuga vaki etaku punusi a etaku ni tokora ni namenakiana, doko do dapetape navasapinoaki‐nia‐ana. 14Nalakena tu da peani te natokoana waina e doko mau doko tokora waia mau, ma tu do laaga natokoana waina ega wo umai. 15Nalakena tea wanogoe tuga vitua pae asa ki naviriana sikai ni nasamasamaniana sara ragi paki Sup̃e, tea wanogoe e pei, nawa ni nagole maga waina eu do pasa samasamani nagisana. 16Ma namarim̃atakiana go nawotaepituakiana kuga ta malio ki da mau: nalakena naviriana dapala nogoe maga Sup̃e e midoaki m̃ata kidda. 17Kuga rogo paratiki tea maraki animu maga, po doko etano paki da; nalakena nara eu do magi naatamu leleogoro dapala tea maga waina euga wo atusi a; naga euga vilake nalaelaeaana mari tea wanogoe, go naga euga ta susue mau: nalakena tea wanogoe e da p̃ia ki mu mau.
18Kuga to maginami dapasavasa: nalakena au pavatu naga au peani natum̃agami‐atae‐gami‐ana wia, doko do masauna naga auga to mari p̃ia nalo ni naleo maga mamau puti. 19Go a pasa paratiki p̃arua liu naga kuga mari tea wanogoe, naga aga vei tea viragiana liliu paloti punusi mu m̃araverave.
20Ma Sup̃e ni natam̃ateana, waina e piragi sake m̃elu dua ki tea mate tea leo paratiki warua ki shiip pae nada ni navasasokiana waina e du mau du, Nawota anigida Yesu, 21ega mari mu kuga wia lua nalo ni sara naleo wia naga kuga mari namasauana aneana, go ega to mari doko mu tea waina e pei tea midoakim̃atakiana namatana, pae Yesu Kristo; waina nasamasamaana ega vei aneana pa pa ega tu du po du mau du. Amen.
22Ma a pasa paratiki mu, tai maga, kuga soki navasaana ni navasaparatikiana: nalakena a midiri paki mu pae navasaana visa maau. 23Kuga atae naga taigida Timotheo e pei tea veresiluaana; waina e pe umai m̃araverave, aga wo sikoti a paloti punusi mu.
24Kuga vasadodomi tea maraki maga mamau puti animu, go tea tautau maga mamau puti. Tea ni Italia maga eu pasadodomi mu.
25Nasaup̃iaana ega sikoti puti mu. Amen.
Currently Selected:
PAKI HEBERU MAGA 13: NTB
Highlight
Copy
Compare
Share
Want to have your highlights saved across all your devices? Sign up or sign in
Bible Society of the South Pacific
