Popular Bible Verses from PAKI HEBERU MAGA 13

Share

Kuga ta pei tea dodomi m̃ane mau; kuga maro naleo maga waina ku peani ra; nalakena nae e naga, Aga wo da doropusi ko mau, go aga wo da puoli ki‐go mau.

Yesu Kristo e pei tea sikai maau nanova go masoso, go pa pa pa po du mau du.

Dapala nogoe tuga marasike noa, Yehovah e pei tea silae au; aga wo da mataku mau; Naatam̃oli ega wo mari au navasa?

Ma namarim̃atakiana go nawotaepituakiana kuga ta malio ki da mau: nalakena naviriana dapala nogoe maga Sup̃e e midoaki m̃ata kidda.

Nalakena tea wanogoe tuga vitua pae asa ki naviriana sikai ni nasamasamaniana sara ragi paki Sup̃e, tea wanogoe e pei, nawa ni nagole maga waina eu do pasa samasamani nagisana.

Navitawiriana ega vei tea dodomadaganiana m̃aleoputo ni tea maga mamau puti, go nawewele ega ta pei tea mariana ega loa mau: nalakena tea maripele maga waina eu pei naputu go tea maripele maga waina eu pitawiri go waina eu laki Sup̃e ega wo pasap̃otae ra.

Kuga ta malioki nadodomi‐nam̃enaki‐ana mau: nalakena pae tea wanogoe te seara eu piragi agelo maga eu pei nam̃enaki go eu pei sap̃o asa.

Ma Sup̃e ni natam̃ateana, waina e piragi sake m̃elu dua ki tea mate tea leo paratiki warua ki shiip pae nada ni navasasokiana waina e du mau du, Nawota anigida Yesu, ega mari mu kuga wia lua nalo ni sara naleo wia naga kuga mari namasauana aneana, go ega to mari doko mu tea waina e pei tea midoakim̃atakiana namatana, pae Yesu Kristo; waina nasamasamaana ega vei aneana pa pa ega tu du po du mau du. Amen.