PAKI HEBERU MAGA 10
10
1Nalakena nawotaeana waina e peani melu ni naleo wia maga waina euga wo umai, go e da peani nunu lomau ni naleo maga wanogoe mau, e da mari atae te ragi ki naviriana sikai maau maga wanogoe, waina eu do pitua ki da pitip̃atip̃a sara natau, mari tea maga waina eu rumai paki m̃aladigi euga p̃ia lua mau. 2Nalakena e pe tapala nogoe e pe ta makoto ki naga euga vei tea vituakiana kite? Nalakena tea lotu maga, ragi waina eu paka sikai pei tea maridautaukiana, eu pe ta moro peani te natum̃adaatae‐ra‐ana ni namarinaleosaana maga mau. 3Ma naviriana maga wanogoe namidoakiana ni namarinaleosaana maga e pei tea mariana ara sara natau. 4Nalakena e mari sa pei tea mariana naga nada ni pulu maga go ni pili maga ega tape lua namarinaleosaana maga. 5Nalakena tea wanogoe ragi waina e umai paki maramana, e naga,
Naviriana go navituaana ku da masau ra mau,
Ma ku maginau maridawona ki nap̃atoko sikai;
6Naviriana tap̃arakiana mamau maga go naviriana maga nalakena namarinaleosaana ku da midoaki m̃ata ki da mau:
7Ragi wanogoe a naga, P̃a leo, a umai
(E pei tea midiriana nalo kakagu doko naluluakiana ni tusi)
Naga aga mari namasauana anigo, Sup̃e O.
8Elagi e naga, Naviriana maga go navituaana maga go naviriana tap̃arakiana mamau maga go naviriana maga nalakena namarinaleosaana ku da masau ra mau, go ku da midoaki m̃ata ki da mau (tea maga waina eu pei tea vituakiana pae nawotaeana), 9ragi wanogoe e naga, P̃a leo, a umai naga aga mari namasauana anigo. E dape lua tea vea naga ega lawo ki kerua. 10Namasauana wanogoe tu pei tea maridautaukiana asa pae navituaana ni nap̃atoko ni Yesu paka sikai maau. 11Go sara tea viri eu do lawodu sara naaleatia eu do suasua po do paka laapa pitua ki naviriana maga sikai maau, naviriana maga waina eu da mariatae dape lua namarinaleosaana maga te ragi mau: 12ma nae, ragi waina e pitua ki sua naviriana sikai nalakena namarinaleosaana maga pa pa e du mau du, e dasake pisari nam̃elearu ni matua ni Sup̃e; 13e do leogoro pae ragi wanogoe pa pa tea kokona ki nia maga euga vei tea mariana euga vei malo vasiana ni nam̃elena. 14Nalakena ki navituaana sikai e mari tea maga waina eu pei tea maridautaukiana eu p̃ia lua pa pa e du mau du. 15Go Naatana Tapu ma e do manigida noasokisoki: nalakena edaku ki e naga,
16Tea waia e pei navasasokiana waina aga wo mari a paki da
Edaku ki naaleatia maga wanogoe, Yehovah e noa e;
Aga wo pitua ki nawotaeana aginau maga doko nap̃op̃oda,
Go aga wo midiri ra doko namidodoana adeada;
E moro naga,
17Go namarinaleosaana adeada maga go namarinaleotageleana adeada maga aga wo da moro midoa ki da mau.
18Ma tokora waina namidoakikorokoroana ni tea maga wanogoe e doko asa, naviriana nalakena namarinaleosaana e da moro doko mau.
19Nalakena tea wanogoe, tai maga, waina tu peani naviviariana naga tuga vaki ekopu ni tokora tapu doko nada ni Yesu, 20pae napua waina e manigida peakotokotomau asa, napua vau sikai go mauri, pae tea taugorop̃otae, tea wanogoe e pei nap̃okasina; 21go waina tu peani tea viri warua sikai dap̃augoro nasum̃a ki Sup̃e; 22tuga vaki m̃aladigi pilake p̃op̃o vei lomau doko navakavuroana ni nasaralomauana po dautau ki nameseurakiana ni nada paki nap̃op̃ogida m̃elu dua ki natum̃agida‐ataegida‐ana sa, go tea sarueana nalo ni nap̃atokogida ki noai tautau; 23tuga vua soki nanoasaiana ni naleogoroana anigida naga ega ta parivari mau; nalakena tea waina e sai e pei lomau: 24go tuga tum̃agida midoaki gida naga tuga tum̃agida pasadie gida paki nadodomiana go nawosiana wia maga; 25doko da doropusi nasaisaiki‐gidaana mau, dapala waina te seara eu do mari a, ma tuga to dum̃agida pasa paratiki gida, go tuga mari p̃arua ki nia ega tapala waina ku punusi naaleatia wanogoe e do umai paki m̃aladigi.
26Nalakena tu pe rakaraka mari naleo sa edaku ki tu dape naataeana ni nalomauana, naviriana nalakena namarinaleosaana maga e pe ta moro doko mau, 27ma naleogoroana mataukiana lomau ni navasap̃otaeana, go navivitinuana ni nakapu waina ega wo gani tea kokona maga. 28Te naata waina e midoaki p̃alo ki nawotaeana ki Moses e mate masale ki namaritadodomiana narae ni tea noasokisoki dua kite eu dolu: 29ku midoa ki nia naga tea waina e pasi Sup̃e Natuna pakitano, po midoaki nia naga nada ni navasasokiana, waina e pei tea maridautaukiana asa, e pei tea m̃oli, po mari sa ki Naatana ni nasaup̃iaana, ega wo pei tea midoakiana naga e p̃ia ki navaratiana warua liu sa dapale? 30Nalakena tu atae tea waina e naga, Nasikoana e pei aginau, kinau aga wo pituadip̃a. Go e moro naga, Yehovah ega wo pasa p̃otae narei aneana. 31E pei tea mataukiana naga euga rowo paki nam̃elearu ni Sup̃e mauri.
32Ma kuga midoaki naaleatia vea maga, waina, ragi waina ku pei tea maramalagatiana sua, ku soki navileleana warua sikai ni narogokitesaana maga ara; 33tea waia, ku pei tea mariana ku pei tea leopunusiana sikai ki navasapinoakiana maga go ki nariesokiana maga; go tea waia, ku dum̃amu mari mu ku pei tea saisaipeani sikoti tea maga waina eu do pei tea mariana dapala nogoe. 34Nalakena ku dogo sikoti tea maga waina eu pei tea soliana, go ku dape pilake nalaelaeaana natapepavakotoana ni tea veaniana animu maga, doko atae naga nimu ku peani tea veaniana sikai waina e p̃ia liu ra go waina e doko mau doko. 35Nalakena tea wanogoe kuga ta nadi ki naviviariana animu pano mau, waina e peani namoriana ni navituadip̃aana warua. 36Nalakena e p̃ia naga kuga veani nasokiana, naga, ragi waina kuga mari sua namasauana ki Sup̃e, kuga wo dape nasaiana,
37Nalakena ragi e ko kiki sa,
Tea waina e do umai ega wo umai, go ega wo da maridaliali mau.
38Ma tea leana aginau ega wo mauri pae nasaralomauana:
Go e pe tum̃ana sukasuka ki nia, naatagu e pe ta midoaki m̃ata ki nia mau.
39Ma nigida tu da pei tea ni nasukasukakiana paki namatepuoliana mau; ma tu pei tea ni nasaralomauana paki namautipauriana ni naatagida.
Currently Selected:
PAKI HEBERU MAGA 10: NTB
Highlight
Copy
Compare
Share
Want to have your highlights saved across all your devices? Sign up or sign in
Bible Society of the South Pacific
