ESEKIEL 48
48
1Go tea maga waia eu pei nalauna maga wanogoe nagisada maga: pae namatapago ni north, nadigi ni napua ni Hethlon pano pa pa liliu tokora ni nasiliana ni Hamath, Hasarenan waina e doko kokoi ni Damaseko paki north, pano pa pa liliu nadigi ni natasi doko Hamath kokoi kakana ega toko taleva ni elo sake go taleva ni elo musu agi Dan matele sikai. 2Go pae kokoi ni Dan,pae taleva ni elo, sake pano pa pa liliu taleva ni elo musu; agi Asher matele sikai. 3Go pae kokoi ni Asher, pae taleva ni elo sake pano pa pa liliu taleva ni elo musu; agi Naftali matele sikai. 4Go pae kokoi ni Naftali, pae taleva ni elo sake pano pa pa liliu taleva ni elo musu; agi Manasseh matele sikai. 5Go pae kokoi ni Manasseh, pae taleva ni elo sake pano pa pa liliu taleva ni elo musu; agi Efraim matele sikai. 6Go pae kokoi ni Efraim, pae taleva ni elo sake pano pa pa liliu taleva ni elo musu; agi Reuben matele sikai. 7Go pae kokoi ni Reuben, pae taleva ni elo sake pano pa pa liliu taleva ni elo musu; agi Yudah matele sikai. 8Go pae kokoi ni Yudah, pae taleva ni elo sake pano pa pa liliu taleva ni elo musu, ega vei matele waina kuga,wo mari masale ki nia, naweleweleana kakana ega vei kubit tivilia dua go manu takuna lima, go navarauana kakana ega vataka sikai ma matele maga agi nalauna maga sikasikai, pae taleva ni elo sake pano pa pa liliu taleva ni elo musu go tokora tapu ega wo doko maleoputo kakana. 9Matele waina kuga wo mari masale ki nia ega vei agi Yehovah, navarauana kakana ega vei kubit tivilia dua go manu takuna lima, go naweleweleana kakana kubit tivilia dua. 10Go tea waia ega vei matele waina kuga wo mari masale ki nia ega vei agi tea viri maga; adeada navarauana kakana paki taleva ni north ega vei kubit tivilia dua go manu takuna lima, go naweleweleana kakana paki taleva ni elo musu, kubit tivilia sikai, go paki taleva ni elo sake kubit tivilia sikai, go paki taleva ni sauth kubit tivilia dua go manu takuna lima navarauana kakana: go tokora tapu ki Yehovah ega wo doko m̃aleoputo kakana. 11Ega wo pei agi tea viri maga waina eu pei tea tapugoroana, Sadok natuna maga, waina, eu pavaigoro natip̃akiana aginau; waina eu da sasap̃o pano mau ragi waina Israel natuna maga eu sasap̃o pano, dakiusi naworawora ni Levi waina eu sasap̃o pano. 12Go ega wo pei tea adeada, matele sikai m̃elu matele tapugoroana ni navanua, ega wo pei tokora tapu liu sikai, doko kokoi ni naworawora ni Levi. 13Go naworawora ni Levi matele adeada ega wo doko leana dip̃a kokoi ni tea viri maga, navarauana kakana ega vei kubit tivilia dua go manu takuna lima, go naweleweleana kakana ega vei kubit tivilia sikai: navarauana kakana mamau ega, vei kubit tivilia dua go manu takuna lima, go naweleweleana kakana kubit tivita dua. 14Go euga wo da sori te matele sikai kakana mau, kite suru pioli ki nia mau, go matele wanogoe waina e pei tea marimasalekiana, ega wo da pei tea vituakiana Paki tea p̃ota maga mau: nalakena e Pei tea tapu ki Yehovah. 15Go matele waina e pei tga toropusiana doko, naweleweleana kakana kubit manu lima go navarauana kakana kubit tivilia dua go manu takuna lima, ega wo pei tea m̃oli ega vei agi natokoana, waina naatam̃oli ega wo doko asa, go ega vei napega adeada maga go natokoana ega wo doko m̃aleoputo kakana. 16Go tea maga waia eu pei narowogiana kakana maga; taleva ni north kubit manu pati go p̃onotia lima, go taleva ni sauth kubit manu Pati go p̃onotia lima, go taleva ni elo sake kubit manu pati go p̃onotia lima, go taleva ni elo musu kubit manu go p̃onotia lima. 17Go natokoana ega vilake napega maga; paki taleva ni north kubit p̃onotia dua rualima takuna lima; go paki taleva ni sauth kubit p̃onotii dua rualima takuna lima, go paki taleva ni elo sake kubit p̃onotia dua rualima takuna lima, go paki taleva elo musu kubit ponotia dua rualima takuna lima. 18Go namagovai ni navarauana kakana waina e doko, waina leana dip̃a matele waina e pei tea mari maslesalekiana, ega vei kubit tivilia sikai paki taleva ni elo sake, go kubit tivilia sikai paki taleva ni elo musu: ega wo Pataka sikai ma matele waina e pei tea marimasale kiana; go navituaana kakana ega wo pei navinaga ki tea maga, waina eu p̃osiwosi doko natokoana. 19Go tea maga waina eu p̃osiwosi doko natokoana, tea ni Israel naworaworana maga mamau Puti, nara euga wo kili a. 20Matele mamau waina kuga wo mari masale ki nia ega vei palapati, ega vei kubit tivilia dua go manu takuna lima navarauana kakana, go kubit tivilia dua go manu takuna lima naweleweleana kakana; ega wo pei matele waina e, dapu go matele ni natokoana. 21Go tea waina e ko doko ega wo pei agi tea maraki, doko taleva sikai go taleva kerua ni matele waina e dapu go ni matele ni natokoana, kivea ki matele ni kubit tivilia dua go manu takuna lima ni matele waina e dapu go paki kokoi ni taleva ni elo sake go paki taleva ni elo musu pae matele ni kubit go tivilia dua manu takuna lima pano paki kokoi ni taleva ni elo musu, ega vitata ma matele maga ki naworawora maga; tea wanogoe ega wo pei,agi tea maraki: go matele waina e dapu go tokora tapu ni nasum̃a tapu ega wo, doko m̃aleoputo kakana. 22Go matele waina e pei agi natokoana,ega wo,doko m̃aleoputo ni tea waina e pei agi tea maraki. Matele ki tea maraki ega wo doko namawota ni tea waina e pei agi Yudah go ni tea waina e pei agi Benyamin. 23Go nalo naworawora p̃ota maga: pae taleva ni elo sake pano pa pa paki taleva ni elo musu; ragi Benyamin matele sikai. 24Go dip̃a sokari kokoi rri Benyamin, pae taleva ni elo sake pano pa pa paki talevani elo musu agi Simeon matele sikai. 25Go dip̃a sokari kokoi ni Simeon, pae, taleva ni elo sake,pano pa pa paki taleva ni elo musu; agi lssakar matele Sikai. 26Go dip̃a sokari kokoi ni Issakar, pae taleva ni elo sake pano pa paki taleva ni elo musu; agi Sebulun matele sikai. 27Go dip̃a sokari kokoi ni Sebulun, pae taleva ni elo sake pano pa pa paki taleva ni elo musu; agi Cad matele sikai. 28Go dip̃a sokari kokoi ni Cad doko taleva ni sauth paki sauth, kokoi kakana ega vae Tamar pano pa pa liliu noai maga ni Meribath kades po pano paki: nap̃ap̃a noaisara ni Ityipt, go paki natasi warua. 29Tea wanogoe e, pei navanua waina kuga wo dap̃otawotae a, pae namatarau ega vei tea veanipiolikiana agi lsrael naworaworana maga, go tea maga wanogoe eu pei matele visarasara adeada maga, Yehovah,sup̃e e noa 30Go tea maga waia eu pei napua maga waina eu dave m̃elu natokoana doko taleva ni north narowogiana kakana kubit manu pati go p̃onotia lima: 31Go namatapua maga ni natokoana euga wo pei tea salagisana ki nagisa ni Israel naworaworana maga; namatapua dolu taleva ni north: namatapua ni Reuben, sikai; namatapua ni Yudah, sikai; namatapua ni Levi sikai. 32Go doko taleva ni elo sake kubit manu pati go p̃onotia lima; go namatapu; dolu: namatapua ni Yosef, sikai; namata pua ni Benyamin, sikai; namata pua ni Dan sikai. 33Go doko taleva ni sauth kubit manu pati go p̃onotia lima, narowogiana kakana go namatapua dolu: namatapua ni Simeon, sikai; namatapua ni Issakar, sikai; namatapua ni Sebulun, sikai. 34Doko taleva ni elo musu kubit manu pati go p̃onotia lima, go namatapua dolu kakada namatapua ni Cad,sikai; namatapua ni Asher, sikai; namatapua, ni Naftali sikai. 35Kokoi kakana daliviri ega wo pei kubit tivilia sikai go manu takuna latolu: go nagisa ni natokoana ega wo pei, Yehovah e doko.
Currently Selected:
ESEKIEL 48: NTB
Highlight
Copy
Compare
Share
Want to have your highlights saved across all your devices? Sign up or sign in
Bible Society of the South Pacific
