ESEKIEL 47
47
1Go e moro piragi au liliu paki I namata duaduru ni nasum̃a tipu; go p̃a leo, noai maga eu dave m̃elu etano ni nakau tuasila ni nasum̃a tapu paki taleva ni elo sake, nalakena narae ni nasum̃a tapu e leo paki taleva ni elo sake: go noai maga wanogoe eu sara dave melu etano ni nakau tuasila ni nasuma tapu paki taleva ni sauth umai. 2Go e piragi au pano paki katama pae napua ni namatapua ni north, po maraki au, daliviri pae napua ni etaku, pano paki namatapua ni katama pae napua ni namatapua waina e leo paki taleva ni elo sake go p̃a leo, noai maga wanogoe eu sara dave paki taleva ni sauth. 3Go ragi waina naatam̃oli wanogoe e dave pano paki taleva ni elo sake, namea totowo e doko nam̃elearuna, go e dowogi kubit manu sikai go e pirag au a surata daduru noai maga wanogoe, go eu liliu nakuruku natuagu. 4Go e moro dowogi kubit manu sikai, po moro pirag au a, surata duaduru noai maga wanogoe go eu liliu nap̃atuagu. Go e moro dowogi kubit manu sikai, po moro piragi au a surata duaduru noai maga, go eu liliu namalogu. 5Go e moro dowogi kubit manu sikai go e pei noaisara sikai waina a mari sa surata duaduru asa mau: nalakena noai maga eu pakilagi, noai maga ni naavaana, e pei noaisara sikai waina du mari sa surata duagoto asa mau. 6Go e noa ki nau e naga Naatam̃oli natuna ku punusi tea waia kite? Go e piragi au liliu pae nadigi ni noaisara wanogoe. 7Go ragi waina a surata liliu, a punusi nakau laapa liu eu doko natavaaki ni noaisara, doko taleva sikai kakana go taleva kerua kakana. 8Go e noa ki nau e naga, noai maga waia eu dave pano paki taleva ni elo sake, go euga wo sara siwo paki Arabah pano: go euga wo pano paki natasi; go ragi waina,euga,wo sara paki noai mate wanogoe, noai maga wanogoe euga wo moro mauri. 9Go ega wo pakilina naga sara tokora waina noaisara maga waia euga wo sara paki ara, tokora wanogoe sara nalo mauri waina eu saisai pae navata maga euga wo mauri; go naika euga wo laapa liu: nalakena noai maga waia euga wo sara paki tokora wanogoe, go noai maga ni natasi euga wo pei tea maripauriana, go sara naleo euga wo mauri tokora waina noaisara waia ega vaki asa pano. 10Go ega wo pakilina naga tea araika maga euga wo lawodu nadigina pae Enkedi pano pa pa liliu Eneklaim ega wo pei tokora sikai waina euga welesa ki kupena maga asa; naika visarasara kakana maga euga wo laapa liu, dakiusi naika maga ni natasi warua. 11Ma tokora kakana maga ni nalepalepa go malo vuravura kakana maga, euga wo da pei tea maripauriana mau; nara euga wo pei tea toropusiana euga vei tea ni natasimena. 12Go doko nadigi ni noaisara wanogoe, doko natavaaki kakana maga taleva waia go, taleva kerua nakau visarasara maga waina eu, p̃ia ki navinaga euga wo ulua asa; nauluda maga euga wo da kokolo mau, go nawada maga euga wo da dika mau: ma euga wo dau ki nawada vau sara atelagi, nalakena noai maga, waina eu madeada dave m̃elu tokora tapu: go nawada maga euga wo pei navinaga, go nauluda maga euga wo pei agi namaripauriana. 13Yehovah Sup̃e e noa dapala nea, e naga tea waia ega wo pei kokoi, waina kuga tap̃otawotae navanua naga ega vei, tea veanipiolikiana agi naworawora rualima sikai tamate dua ni Israel: agi Yosef matele dua. 14Kuga wo dap̃otawotae a ega vataka sikai; kinau a pivisa naga aga tua tamamu maga asa go navanua waia ega wo manimu dowo naga ega vei tea veanipiolikiana animu. 15Go tea waia ega wo pei kokoi ni navanua: doko taleva ni north pae natasi warua, pae napua ni Hethlon pano pa pa liliu tokora ni nasiliana ni Hamath; Sedad. 16Berotah, Sibraim, waina e doko namawota ni kokoi ni Damaseko go ni kokoi ni Hamath; Haser hatikon wain e doko nadigi ni kokoi ni Hauran. 17Go kokoi ega wo pae natasi pano paki Hasarenon waina e doko kokoi ni north ni Damaseko, go kokoi ni Hamath, paki taleva ni north. Tea waia e pei taleva ni north. 18Go taleva ni elo sake, namawota ni Hauran go ni Damaseko, go namawota ni Cilead go ni navanua Israel, Yordan ega vei kokoi kakana; kuga rowogi a pae kokoi ni north pano pa pa liliu natasi ni taleva ni elo sake. Tea waia e pei taleva ni elo sake. 19Go doko taleva ni sauth paki sauth ega wo pae Tamar pano pa pa liliu noai maga ni Meriboth kadesh, paki nap̃ap̃a noaisara ni Ityipt pano pa pa liliu natasi warua. Tea waia e pei taleva ni sauth paki sauth. 20Go doko taleva ni elo musu, natasi warua ega wo pei kokoi kakana, pae kokoi ni sauth pano pa pa liliu tokora ni nasiliana ni Hamath. Tea waia e pei taleva ni elo musu. 21Dapala nogoe kuga wo dap̃otawotae navanua naga ega vei tea veanipiolikiana agi Israel naworaworana maga. 22Go ega wo pakilina naga kuga tap̃otawotae a pae namataru ega vei tea veanipiolikiana sikai animu go agi tea ni nalauna p̃ota maga waina eu menaki atatoko m̃aleoputo kakamu, waina euga wo pesi natuda maga m̃aleoputo kakamu; go kuga wo midoa ki da naga euga wo dakiusi naatatoko maga ni Israel natuna maga; euga wo peani pioliki tea veanipiolikiana sikai sikoti mu m̃aleoputo ni Israel naworaworana maga. 23Go ega wo pakilina nalauna waina namenaki wanogoe ega wo menaki atatoko asa, tokora wanogoe kuga wo dua e, tea veanipiolikiana aneana asa, Yehovah Sup̃e e noa e.
Currently Selected:
ESEKIEL 47: NTB
Highlight
Copy
Compare
Share
Want to have your highlights saved across all your devices? Sign up or sign in
Bible Society of the South Pacific
