EKSODAS 20
20
1Go Sup̃e e pasa navasaana mamau puti waia, e naga.
2Kinau a pei Yehovah Sup̃e anigo, waina a piragi lua ko m̃elu dua ki navanua ni Ityipt, m̃elu dua ki nasum̃a ni naviti maga.
3P̃a ta peani te sup̃e p̃ota sikai naraegu mau.
4P̃a ta manigo mari te nasup̃e mau, go te nunu naleo mau, tea ni nakoroatelagi ni elagi, go tea ni maramana ni etano, go tea ni noai ni etano ni maramana: 5P̃a ta kolo suai natano paki da mau, go p̃a ta madeada suasua mau: nalakena Kinau Yehovah Sup̃e anigo a pei Sup̃e totowo kasua, a parati natuda namarinaleotageleana ki tamada, pa pa paki tagona ketolu go kevati ni tea waina eu pilosi au; 6Go a saup̃ia ki manu laapa waina eu dodomi au po dogo parati ki natip̃akiana aginau maga.
7P̃a ta noa m̃oli ki nagisa ni Yehovah Sup̃e anigo mau: nalakena Yehovah ega wo da noa naga sogi e puoli ki naata waina e noa m̃oli ki nagisana.
8P̃a midoaki naaleatia ni sabbath, naga p̃a tapugoro e. 9Naaleatia latesa p̃a wosiwosi, po mari puti nawosiana anigo; 10Ma naaleatia kelarua e pei sabbath ki Yehovah Sup̃e anigo: p̃a ta mari te nawosiana seara asa mau, nimu ma natum̃a naanoai, go natum̃a nagoroi, tea suasua naanoai anigo, go tea suasua nagoroi anigo, go katel anigo, go nam̃enaki anigo waina e doko roara ni namata‐pua anigo maga: 11Nalakena naaleatia latesa Yehovah e mari nakoroatelagi go maramana, natasi, go tea mamau puti waina eu doko ara doko, po maromaro naaleatia kelarua: nalakena tea wanogoe Yehovah e pasa m̃ata ki naaleatia ni sabbath, po dapugoro e.
12P̃a dodomadagani tamam̃a go p̃ilam̃a: naga naaleatia anigo maga euga toko parau doko navanua waina Yehovah Sup̃e anigo e dua ko asa.
13P̃a ta mari punue mau.
14P̃a ta maripele mau.
15P̃a ta panako mau.
16P̃a ta pasasokisoki sorosoro dip̃a tea ni m̃aladigi ki‐go mau.
17P̃a ta matam̃agura ki nasum̃a ki tea ni m̃aladigi ki‐go mau, p̃a ta matam̃agura ki nagoroi ki tea ni m̃aladigi ki‐go mau, go tea suasua naanoai aneana, go tea suasua nagoroi aneana, go oks aneana, go ass aneana, go te navatuna sikai waina tea ni m̃aladigi ki‐go e peani a.
18Go narei mamau puti eu punusi tovae maga, go navila maga, go nadaleo ni paiga, go tava e do asua: go ragi waina narei eu punusi a eu m̃anaunau, po pa lawodu uvea. 19Go eu noa ki Moses, eu naga, Nigo p̃a vasa ki gami, go auga wo dogo: ma Sup̃e ega ta pasa ki gami mau, au pe mate. 20Go Moses e noa ki narei, e naga, Kuga ta mataku mau: nalakena Sup̃e e po umai naga ega maridogo mu, go naga namatau‐kinia‐ana ega toko narae mu, naga kuga ta mari naleo sa mau. 21Go narei eu lawodu uvea, go Moses e paki m̃aladigi paki namaligo ni napopouru waina Sup̃e e doko asa.
22Go Yehovah e noa ki Moses, e naga, P̃a noa ki Israel natuna maga ega tapala waia, p̃a naga, Nimu ku po punusi naga a po pasa ki mu pae nakoroatelagi. 23Kuga ta mari sup̃e p̃ota seara sikoti au mau; sup̃e maga ni silver, go sup̃e maga ni kold, kuga ta manimu mari ra mau. 24Wede sikai ni naviriana ni natano p̃a maginau mari a, go p̃a mari punue naviriana tap̃arakiana anigo maga, go naviriana ni natam̃ateana anigo maga asa, shiip anigo maga, go oks anigo maga; sara tokora waina aga mari nagisagu ega vei tea midoakiana asa, aga wo umai punusi ko asa, po pasa m̃ata ki‐go. 25Go ku pe maginau mari wede sikai ni naviriana ni vatu maga, p̃a ta davagi a ki vatu taeana maga mau: nalakena ku pe mari a ki p̃eseu anigo, ku pe mari a e pe vei tea m̃oli. 26Go p̃a ta sake paki wede ni naviriana aginau pae tea vavadu maga mau, naga nam̃alam̃alaana anigo ega ta pei tea vunusiana asa mau.
Currently Selected:
EKSODAS 20: NTB
Highlight
Copy
Compare
Share
Want to have your highlights saved across all your devices? Sign up or sign in
Bible Society of the South Pacific
