2 TIMOTHEO 1
1
1Paulo, apostolo sikai ki Kristo Yesu pae namasauana ki Sup̃e, dapala nasaiana ni namauriana waina e doko Kristo Yesu, 2paki Timotheo, natugu dodomiana: Nasaup̃iaana, nadodomiana, natam̃ateana, m̃elu Sup̃e Tama go Kristo Yesu Nawota anigida.
3A pasadodom̃ata ki Sup̃e, waina a maneana suasua pae tea matua vea aginau maga pa pa doko natum̃aguataeana dautau, dapala waina a peani namidoakiana nalo kakam̃a pitip̃atip̃a doko navavaraniana aginau maga, 4p̃ogi go aleati a do masau p̃arua ki naga aga vunusi ko, a do midoaki naririmatam̃a maga, naga aga vei tea vakavuroana ki nalaelaeana; 5a dape namidoakiana ni nasaralomauana waina e da pei nakalep̃oana mau waina e doko ako, waina e pea doko atenam̃a Lois, go p̃ilam̃a Eunike; go a saralomau kasua naga e doko ako. 6Tea wanogoe e pei nalakena a mari ko p̃a midoaki naga p̃a suipugoni navituam̃olikiana ki Sup̃e, waina e doko ako pae navusakeana ni nam̃elearugu maga. 7Nalakena Sup̃e e da dua gida naatana ni nap̃ilakeana mau; ma e dua gida naatana ni nakasuaana go ni nadodomiana go ni namarimidodoap̃iaana. 8Nalakena tea wanogoe p̃a ta maliere ki nanoasokisokiana ni Nawota anigida mau, go p̃a ta maliere ki nau tea soliana aneana mau: ma p̃a magi narogorogoana wia soki tea sa sikoti au ega vae nakasuaana ki Sup̃e; 9waina e mautipauri gida, po soso gida ki nasosoana tautau sikai, e da pae nawosiana anigida maga mau, ma e pae namidoakisokiana aneana go nasaup̃iaana, waina e pei tea vituakiana paki‐gida doko Kristo Yesu pea ki ragi maga ni tuai mau, 10ma ragi waia e pei tea mariana e doko lina pae navakilinaana ki Tea Maumau pauri anigida Kristo Yesu, waina e mari puoli ki namateana, po maramalagati namauriana go namesosap̃oana pae narogorogoana wia. 11Waina kinau a pei tea tawonakiana raki nia tea rogorogo sikai, go apostolo sikai, go tea vasa piseiki sikai. 12Go tea wanogoe e pei nalakena a sua tea sa maga waia: ma a da maliere mau; nalakena a atae tea waina a pavatu asa, go a saralomau kasua naga e mari atae pavaigoro tea waina a pitua ki nia paki asa raki naaleatia wanogoe. 13P̃a tape soki naatulakeana ni navasaana maga ni namauriana waina ku dogo e kiagu, doko nasaralomauana go nadodomiana waina e doko Kristo Yesu. 14Tea wia wanogoe waina e pei tea vituakiana paki‐go p̃a vavaigoro e pae Naatana Tapu waina e doko gida doko.
15Ku atae tea waia, naga tea maga mamau puti waina eu doko Asia eu maradoa m̃elu dua ki nau pano; Fucelo go Hermocene ero pei edua kakada. 16Nawota ega vitua ki nadodomiana paki nasum̃a ni Onesiforo: nalakena e paka laapa paka maromaro ki nau, go e da maliere ki namori ni vatu aginau mau; 17ma ragi waina e doko Roma, e m̃arekareka laaga au, 18po pap̃ai au (Nawota ega tua e naga ega vap̃ai nadodomiana m̃elu Nawota naaleatia wanogoe); go naleo laapa waina e maginau suasua ara Efeso, nigo ku atae m̃ata ki nia.
Currently Selected:
2 TIMOTHEO 1: NTB
Highlight
Copy
Compare
Share
Want to have your highlights saved across all your devices? Sign up or sign in
Bible Society of the South Pacific
