Popular Bible Verses from 2 TIMOTHEO 1

Share

Nalakena Sup̃e e da dua gida naatana ni nap̃ilakeana mau; ma e dua gida naatana ni nakasuaana go ni nadodomiana go ni namarimidodoap̃iaana.

waina e mautipauri gida, po soso gida ki nasosoana tautau sikai, e da pae nawosiana anigida maga mau, ma e pae namidoakisokiana aneana go nasaup̃iaana, waina e pei tea vituakiana paki‐gida doko Kristo Yesu pea ki ragi maga ni tuai mau

Tea wanogoe e pei nalakena a mari ko p̃a midoaki naga p̃a suipugoni navituam̃olikiana ki Sup̃e, waina e doko ako pae navusakeana ni nam̃elearugu maga.

Nalakena tea wanogoe p̃a ta maliere ki nanoasokisokiana ni Nawota anigida mau, go p̃a ta maliere ki nau tea soliana aneana mau: ma p̃a magi narogorogoana wia soki tea sa sikoti au ega vae nakasuaana ki Sup̃e

Go tea wanogoe e pei nalakena a sua tea sa maga waia: ma a da maliere mau; nalakena a atae tea waina a pavatu asa, go a saralomau kasua naga e mari atae pavaigoro tea waina a pitua ki nia paki asa raki naaleatia wanogoe.