2 KI YOANE 1
1
1Tea matua e midiri dua nawota nagoroi matadoaana go natuna maga, waina a dodomi mu doko nalomauana; go kinau a da sikigu asa mau, ma tea maga mamau puti waina eu atae nalomauana eu dodomi mu; 2nalakena nalomauana waina e doko gida doko, go ega wo sikoti gida doko pa pa ega tu mau du. 3Nasaup̃iaana, nadodomiana, natam̃ateana m̃elu Sup̃e Tamana, go m̃elu Yesu Kristo, Natu ni Tamana, euga wo sikoti gida doko, doko nalomauana go nadodomiana.
4A laelaea p̃arua nalakena a pap̃ai natum̃a maga seara eu do surata nalomauana, dapala waina tu dape natip̃akiana m̃elu Tamana. 5Go ragi waia a pavarani ko, nawota nagoroi, e da dapala a midiri dua ko natip̃akiana vau mau, ma e pei tea waina ku dogo e pae ragi ni naatulakeana, naga tuga tum̃agida dodomi gida. 6Go nadodomiana e pei tea waia, naga tuga surata pae natip̃akiana aneana maga. Natip̃akiana e pei tea waia, dakiusi waina ku dogo e pae ragi ni naatulakeana, naga kuga surata asa. 7Nalakena tea viragisasap̃o laapa eu m̃elu paki maramana pano tea maga waina eu da noa sai naga Yesu Kristo e umai doko nap̃okasi mau. Tea wanogoe e pei tea viragi sasap̃o go tea kokona ki Kristo. 8Kuga tum̃amu leo paratiki mu naga kuga ta dape puoli ki naleo maga waina au p̃osiwosi ki sua ara, ma naga kuga tape namoriana mamau. 9Sara naata waina eu pea po da doko mau doko navasapiseikiana ki Kristo, eu da peani Sup̃e mau: tea waina e doko mau doko navasapiseikiana, nae e peani Tamana go Natuna. 10Te naata e pe umai punusi mu, go e pe ta dape navasapiseikiana wanogoe mau, kuga ta piragi a paki ekopu ni nasum̃a animu mau, go kuga ta noa ki nia naga ega laelaea mau: 11nalakena tea waina e noa ki nia naga ega laelaea e saisaipeani nawosiana sa aneana maga.
12Nalakena a peani naleo laapa waina aga midiri dua mu ara, a da masauna naga aga midiri ra pae tusi go noai loa mau: ma a leogoro naga aga valoti punusi mu, po pasa nawoka paki nawoka, naga nalaelaeaana animu ega vei tea vakavuroana. 13Taim̃a matadoaana natuna maga eu pasadodomi ko.
Currently Selected:
2 KI YOANE 1: NTB
Highlight
Copy
Compare
Share
Want to have your highlights saved across all your devices? Sign up or sign in
Bible Society of the South Pacific
