3 KI YOANE 1
1
1Tea matua e midiri dua Caio tea dodomiana, waina a dodomi ko doko nalomauana. 2Tea dodomiana, a dapasavasa naga nalo ni naleo maga mamau puti p̃a to disu p̃ia, go naga p̃a to p̃ia doko, dapala waina naatam̃a e do disu p̃ia. 3Nalakena a laelaea p̃arua ragi waina taigida seara eu rumai po noa sokisoki nalomauana anigo, dapala waina ku do surata nalomauana. 4Nalaelaeaana warua liu tea wanogoe a da peani a mau, naga aga rogo naga natugu maga eu do surata nalomauana. 5Tea dodomiana, ku do mari nawosiana lomau, tea waina ku mari a paki tea maga waina eu pei taigida go nam̃enaki maga; 6waina eu noa sokisoki nadodomiana anigo narae ni ekalesia: waina ku pe vusivusi ra naga euga vano ega tapala waina e pataka ni Sup̃e p̃a wo mari p̃ia: 7nalakena eu pano nalakena Nagisana, eu da dape te navatuna ki tea ni nalauna p̃ota maga mau. 8Nalakena tea wanogoe e one gida one naga tuga silae tea tapala nogoe maga, naga tuga magi nalomauana pei tea wosiwosi sikoti ra. 9A midiri te navatuna dua ekalesia: ma Diotrefe, waina e masauna naga ega vei tea vea kakada, e da piragi soki gami mau. 10Nalakena tea wanogoe, a pe valoti a pe wo mari nawosiana aneana maga waina e mari ra euga vei tea midoakiana, e do pasa pinoa ki gami ki navasaana sa maga: go e da maro tea wanogoe mau, go e da dum̃ana piragi soki taigida maga mau, go tea maga waina eu masauna naga euga viragi soki ra e dip̃agoro ra asa, go e nadi ki da paki etaku ni ekalesia. 11Tea dodomiana, p̃a ta mari oli tea waina e sa mau, ma p̃a mari oli tea waina e p̃ia: naata waina e do mari tea wia e m̃elu Sup̃e: naata waina e do mari tea sa e ko da punusi Sup̃e mau. 12E magi Demetrio pei tea noasokisokiana pae tea maga mamau puti, go pae nalomauana: go kinami ma au do maneana noa sokisoki; go ku atae naga nanoasokisokiana aginami e pei lomau. 13A peani naleo laapa waina aga midiri dua ko ara, ma a da masauna naga aga midiri dua ko pae noai loa go pen mau. 14Ma a leogoro naga aga vunusi ko, go toroga wo pasa nawoka paki nawoka. 15Natam̃ateana ega vei anigo. Tagida maga ri eu pasa dodomi ko. P̃a vasa dodomi tagida maga ri pae nagisada sikasikai.
Currently Selected:
3 KI YOANE 1: NTB
Highlight
Copy
Compare
Share
Want to have your highlights saved across all your devices? Sign up or sign in
Bible Society of the South Pacific