PAKI TEA NI KORINTHO 3
3
1Au atulake naga auga moro dum̃agami pasap̃iakinoa gami? Kite au dapala waina auga masau, dapala te naata seara, epistole maga ni navasap̃iakinoaana paki mu kite m̃elu mu kite? 2Nimu ku pei epistole aginami; tea midiriana doko nap̃op̃ogami maga, tea ataeana go tea veveana pae naatam̃oli maga mamau puti; 3tea mariana ku doko lina naga ku pei epistole sikai ki Kristo, tea suasuakiana pae gami, tea midiriana ki tea waina e da pei noai loa mau, ma ki Naata ni Sup̃e mauri; e da doko tea welewelea maga ni vatu mau, ma e doko tea welewelea maga waina eu pei nap̃op̃o maga ni nap̃okasi. 4Go au peani navavatuana dapala nogoe pae Kristo paki Sup̃e: 5au da noa naga au dum̃agami pataka ni waina auga midoaki te navatuna dapala e pe m̃elu gami mau; ma navatakaana aginami e m̃elu Sup̃e; 6waina ma e mari gami au pataka ni waina auga vei tea suasua maga ni navasasokiana vau; au da pei tea suasua maga ni namidiriana mau, ma au pei tea suasua maga ni Naatana; nalakena namidiriana e mari punue, ma Naatana e pakamauri. 7Ma nasuasuaana ni namateana, waina e pei tea midiriana, go e pei tea taemidiriana doko vatu maga, e pe vilake nasamasamaana umai, dapala waina Israel natuna maga eu mari sa leosoki narae ni Moses nalakena natawarawaraana ni naraena; waina e do pei tea maripuolikiana; 8nasuasuaana ni Naatana ega wo da pilake nasamasamaana waina e p̃arua liu sa kite? 9Nalakena nasuasuaana ni natip̃akotoviana e pe vei nasamasamaana, nasuasuaana ni namarinaleoleanaana e pei tea ni nasamasamaana warua liu. 10Go nalakena tea waina e pei tea mariana e pei tea ni nasamasamaana e da pei tea ni nasamasamaana mau nalo ni tea waia, nalakena nasamasamaana waina e p̃arua liu sa. 11Nalakena tea waina e pei tea maripuolikiana e pe vae nasamasamaana, tea waina e pei tea toko e doko nasamasamaana warua liu.
12Nalakena tea wanogoe go waina au peani naleogoroana tapala nogoe, au do mari navasapiviariana warua, go au da dapala Moses mau, 13waina e doropusi tea taugoro‐rae sikai doko naraena, naga Israel natuna maga euga ta leosoki paki ragi edaku kaka ni tea waina e do pei tea maripuolikiana: 14ma namidodoana adeada maga eu pei tea mariana eu kasua: nalakena tea taugoro‐rae sikai maau wanogoe e doko pa pa paki naaleatia ni masoso ragi ni naveveana ni navasasokiana tuai, e da pei tea tapeluaana mau, nalakena e pei tea maripuolikiana doko Kristo. 15Ma ragi waina Moses e pei tea veveana, tea taugoro‐rae e one nap̃op̃oda pa pa paki masoso. 16Ma te ragi waina e pe maradoa paki Nawota, tea taugoro‐rae e pe wo pei tea tapeluaana. 17Ma Nawota e pei Naatana: go tokora waina Naata ni Nawota e doko asa, naveresiana e doko asa. 18Ma nigida maga mamau puti, waina naraegida e pei tea maripakasakiana, tu do ditiro ki nasamasamaana ki Nawota, po pei tea maridoaana tu panop̃ota paki nunu sikai maau pae nasamasamaana paki nasamasamaana, dapala tu m̃elu Nawota waina e pei Naatana.
Currently Selected:
PAKI TEA NI KORINTHO 3: NTB
Highlight
Copy
Compare
Share
Want to have your highlights saved across all your devices? Sign up or sign in
Bible Society of the South Pacific
