PAKI TEA NI KORINTHO 2
2
1Ma a maginau midoaki p̃otae tea waia, naga aga ta moro paloti punusi mu pilake nasusueana mau. 2Nalakena kinau a pe mari mu ku susue, go tea waina e mari au a laelaea e pe vei sei, ma tea sikai maau waina e pei tea mariana e susue pae au? 3Go a midiri tea wanogoe, naga, ragi waina aga valoti, aga ta peani nasusueana mau pae tea maga waina e one au one naga aga laelaea ara; nalakena a saralomau kasua nalo ni puti mu, naga nalaelaeaana aginau e pei nalaelaeaana animu mamau puti. 4Nalakena a midiri paki mu m̃elu nariesokiana warua go narogokitesaana ni nap̃op̃ogu, pae naririmata laapa; a da midiri naga kuga vei tea mariana kuga susue mau, ma naga kuga atae nadodomiana waina a peani a p̃arua liu paki mu.
5Ma te naata e pe mari nasusueana, e da mari au a sikigu susue mau, ma e moro mari puti mu (naga navasaana aginau ega ta kasua mau) ku susue. 6Tea tapala nogoe navaratiana wanogoe pae tea laapa e patakana; 7dapala waina panop̃ota ki nia e one mu one naga kuga maneana midoaki korokoro e, po pasa pakavakale a, naga tea tapala nogoe ega ta pei tea tinomiana ki nasusueana warua liu mau. 8Nalakena tea wanogoe a pavarani mu naga kuga lawosoki nadodomiana animu paki nia. 9Nalakena tea waia e moro pei nalakena a midiri, naga aga atae namaridogo‐mu‐ana, ku pe vei tea rogo paratiki nalo ni sara naleo kite. 10Ma naata waina ku maneana midoaki korokoro te navatuna, kinau ma a maneana midoaki korokoro e: nalakena tea waina kinau ma a midoaki korokoro e, a pe midoaki korokoro te navatuna, a pe midoaki korokoro e nalakena nimu, doko narae ni Kristo; 11naga tuga ta pei tea m̃aukaroluaana pae Satan mau: nalakena au da pei sap̃o tea midoakiana aneana maga mau.
12Ma ragi waina a umai paki Troas raki narogorogoana wia ki Kristo, go namata sikai e maginau pei tea wolagatiana doko Nawota, 13a da peani te namaromaroana agi naatagu mau, nalakena a da pap̃ai Tito taigu mau: ma a pasa dule ki da po paki Masedonia pano. 14Ma navasadodom̃atakiana ega vei agi Sup̃e waina e mari gami au marimatua doko Kristo sara ragi, po mari nap̃o ni naatae‐a‐ana e doko lina pae gami sara tokora. 15Nalakena au magi Sup̃e pei nap̃o wia sikai ni Kristo, m̃aleoputo ni tea maga waina eu do pei tea mautipauriana, go m̃aleoputo ni tea maga waina eu do mate puoli; 16au magi sikai pei nap̃o sikai m̃elu namateana paki namateana; au magi kerua pei nap̃o sikai m̃elu namauriana paki namauriana. Go sei e pataka ni tea maga wanogoe? 17Nalakena au da dapala tea laapa mau, waina eu do lip̃aki sarisari navasaana ki Sup̃e, ma dapala naatam̃oli maga ni nam̃aruana, ma dapala tea maga waina eu m̃elu Sup̃e, au do pasa narae ni Sup̃e doko Kristo.
Currently Selected:
PAKI TEA NI KORINTHO 2: NTB
Highlight
Copy
Compare
Share
Want to have your highlights saved across all your devices? Sign up or sign in
Bible Society of the South Pacific
