1 TIMOTHEO 2
2
1Nalakena tea wanogoe a pasa paratiki, pea ki tea maga mamau puti, naga kuga magi naatam̃oli maga mamau puti mari natarotaroana maga, natapasavasaana maga, navavaraniana maga; 2navasadodom̃atakiana maga, kuga magi nawota maga go tea maga mamau puti waina eu pakilagi; naga tuga viragi duaduru namauriana matemate go tatam̃ate sikai doko waina tu matau ki Sup̃e go sara navunutaana wia. 3Tea wanogoe e p̃ia go e pei tea viragiana namata ni Sup̃e Tea Maumau pauri anigida; 4waina e masauna naga naatam̃oli maga mamau puti euga vei tea mautipauriana, po umai paki naataem̃atakiana ni nalomauana. 5Nalakena Sup̃e sikai maau e doko, go tea vae namawota sikai maau e doko namawota ni Sup̃e go ni naatam̃oli maga, nae me pei naatam̃oli sikai, Kristo Yesu, 6waina e dum̃ana pitua ki nia, e magi tea maga mamau puti pei naulu ni natauluaana; nanoasokisokiana kakana ega wo pei tea mariana ragi kakana maga; 7waina kinau a pei tea tawonakiana raki nia tea rogorogo sikai go Apostolo sikai (a noa nalomauana, a da sorosoro mau), tea vasa piseiki sikai ki tea ni nalauna p̃ota maga doko nasaralomauana go nalomauana.
8Nalakena tea wanogoe a masauna naga naanoai maga euga to dapasavasa sara tokoro, doko do darasike nam̃elearu tautau maga, masale ki namaetoana go navululuana. 9Dapala nogoe, naga nagoroi maga euga tum̃ada dekei ki da ki tea suniana mariusiana, pilake namaliereana go namidodoap̃iaana; ega ta doko viria maga ni naloluda, go kold kite napati ni vilavila maga kite sugoro maga waina navakokotoana kakada e p̃arua mau; 10ma (tea waina e pataka ni nagoroi maga waina eu lagasai po matau ki Sup̃e) ega vae nawosiana wia maga. 11Nagoroi ega ataedogo doko natatam̃ateana doko sara natoko‐etano‐ana. 12Ma a da suasua ki nagoroi sikai naga ega vasa piseiki mau, kite naga ega maramara dap̃au naanoai mau, ma naga ega toko natatam̃ateana. 13Nalakena Adam e pei tea maridawonakiana pea, Eva e edaku; 14go Adam e da pei tea vilasurueana mau, ma nagoroi e pei tea vilasurueana po dowo paki natapiriana: 15ma ega wo pei tea mautipauriana pae naviragi‐pipia‐ana, eu pe toko nasaralomauana doko go nadodomiana go namaridautaukiana pilake namidodoap̃iaana.
Currently Selected:
1 TIMOTHEO 2: NTB
Highlight
Copy
Compare
Share
Want to have your highlights saved across all your devices? Sign up or sign in
Bible Society of the South Pacific
