1 TIMOTHEO 1
1
1Paulo, Apostolo sikai ki Kristo Yesu pae natip̃akiana ki Sup̃e Tea Maumau pauri anigida, go ki Kristo Yesu naleogoroana anigida. 2Paki Timotheo, natugu lomau doko nasaralomauana: Nasaup̃iaana, nadodomiana, natam̃ateana, m̃elu Sup̃e Tamagida go Kristo Yesu Nawota anigida.
3Dapala waina a pavarani ko naga p̃a toko Efeso doko, ragi waina a surata paki Masedonia pano, naga p̃a tip̃agoro te naata seara naga euga ta pasa piseiki panop̃ota mau, 4go naga euga ta dogo paratiki navasaana sorosoro maga mau go nanoaana ni navakilinaana maga waina nanopuana kakada e dika, waina eu pitua ki navusuusuana maga, ma eu da pitua ki naleoparatikiana sikai ki Sup̃e mau waina e doko nasaralomauana. 5Ma namarisuaana ni natip̃akiana e pei nadodomiana m̃elu p̃op̃o tautau go natum̃ada‐atae‐ana wia go nasaralomauana waina e da pei nakalep̃oana mau: 6waina te seara eu papele ara po dawasi paki navasap̃aloana: 7eu masauna naga euga vei tea vasapiseiki maga ni nawoteana, go eu da midoaki atae tea maga waina eu do noa ra mau, go tea maga waina eu do noa sokisoki nalo kakada mau. 8Ma tu atae naga nawotaeana e p̃ia, te naata e pe marimaari a pae nawotaeana, doko atae tea waia, 9naga nawotaeana e da magi naatam̃oli leana pei tea tawonakiana mau, ma e magi tea tapiri maga go tea vei p̃auluulu maga e magi tea maga waina eu da matauki Sup̃e mau go tea maga waina eu mari naleo sa, e magi tea maga waina eu da dautau mau go tea mari saudoa maga, e magi tea wokati tamada maga go tea wokati p̃ilada maga, e magi tea maripunue naatam̃oli maga, 10e magi tea maripele maga; e magi tea maga waina eu maripele paki tea marioli nagoroi, e magi tea vanako naatam̃oli maga, e magi tea sorosoro maga, e magi tea vivisa sorosoro maga, go te navatuna p̃ota e pe toko waina e mari panop̃ota ki navasapiseikiana ni namauriana; 11pae narogorogoana wia ni nasamasamaana ki Sup̃e maropa, waina kinau a pei tea vavatuana asa.
12A pasadodom̃ata ki tea waina e mari au a kasua, Kristo Yesu Nawota anigida, nalakena e midoa ki nau naga a pei lomau, doko dawona ki nau raki nasuasuaana aneana; 13waina sala vea a pei tea vasa sa ki, go tea kopalele, go tea mari sa ki: ma a pei tea dodomiana, nalakena a pei sap̃o ragi waina a mari a, a ko da saralomau mau; 14go nasaup̃iaana ki Nawota anigida e p̃arua liu pilake nasaralomauana go nadodomiana waina e doko Kristo Yesu. 15Navasaana waia e pei lomau, go e p̃ia ki sara natapesokiana, naga Kristo Yesu e umai paki maramana naga ega mautipauri tea mari naleo sa maga; waina kinau a pei tea warua liu kakada: 16ma a pei tea dodomiana nalakena tea waia, naga Yesu Kristo ega viseiki naveimaritasoki‐parau‐ana mamau aneana doko au vea, naga ega vei naatulakeana sikai agi tea maga waina euga edaku saralomau pavatu asa paki namauriana waina e du mau du. 17Ma agi Nawota du mau du, waina e mari sa mate, waina e da pei tea vunusiana mau, Sup̃e sikai maau, nadodomadaganiana go nasamasamaana eroga vei aneana pa pa ega tu du po du mau du. Amen.
18Natip̃akiana waia a pitua ki nia paki‐go, natugu Timotheo, pae naveanoasaiana maga waina eu pea pano nalo kakam̃a, naga p̃a mari navakalo ara namarinavakaloana wia; 19doko do peani nasaralomauana go natum̃am̃aatae‐ana wia; waina te seara eu dip̃adoa ra po mari rarua mawora nalo ni nasaralomauana: 20waina Humenaio go Alexander ero pei seara kakada; waina a pitua ki da paki Satan, naga eroga vei tea vasapiseikiana naga eroga ta pasa sa ki mau.
Currently Selected:
1 TIMOTHEO 1: NTB
Highlight
Copy
Compare
Share
Want to have your highlights saved across all your devices? Sign up or sign in
Bible Society of the South Pacific
