1 PAKI TEA NI KORINTHO 4
4
1Naatam̃oli sikai ega midoaki gami ega tapala waia, ega tapala au pei tea suasua maga ki Kristo, go tasiga leo paratiki maga ni p̃aia maga ki Sup̃e. 2Tokora waia, tea p̃ota sikai, e pei tea laagaana nalo ni tasiga leo paratiki maga, naga naata sikai ega vei tea vap̃aiana e pei lomau. 3Ma e maginau pei tea kiki sa naga aga vei tea vasap̃otaeana pae mu, kite pae navasap̃otaeana ki naatam̃oli: ma a da dum̃agu pasa p̃otae au mau. 4Nalakena a da dum̃agu atae te navatuna dip̃a au mau; ma a da pei tea marileanakiana pae tea wanogoe mau: ma tea waina e pasa p̃otae au e pei Nawota. 5Nalakena tea wanogoe kuga ta pasa p̃otae te navatuna pea ki ragi kakana mau, pa pa Nawota ega wo umai, waina ega wo maramalagati tea tasurukiana maga ni namaligo, po mari namidoakip̃otaeana maga ni nap̃op̃o maga euga toko lina; go ragi wanogoe sara naatam̃oli euga wo sikasikai dape nasamasamaniana m̃elu Sup̃e.
6Ma tea maga wanogoe, tai maga, a pasa doa ra paki gami ma Apollo nalakena nimu, naga kuga ataedogo pae gami naga kuga ta liu tea maga waina eu pei tea midiriana mau; naga sikai ega ta magi tea sikai pei tea p̃op̃o vuka dip̃a tea p̃ota sikai mau. 7Nalakena sei e mari ko ku panop̃ota? Go ku peani nasava waina ku da dape a mau? Ma ku pe tape a, ekasana ku pakavakae, dapala ku pe ta dape a mau? 8Ragi waia ku puka sua, ragi waia ku pei sogolapa sua, ku maramara masale ki gami: go a masau lomau ki nia naga kuga maramara, naga kinami ma auga maramara sikoti mu. 9Nalakena, a midoaki nia, Sup̃e e mari gami apostolo maga au edaku pei tea viseikiana, dapala tea tip̃akotoviana maga naga euga mate: nalakena au pei tea mariana au magi maramana, go agelo maga, go naatam̃oli maga, pei tea leopunusiana. 10Kinami au pei tea manumatavusa nalakena Kristo, ma nimu ku pei tea manumatua doko Kristo; kinami au manainai, ma nimu ku kasua; nimu ku pei tea samasamaniana, ma kinami au pei tea dododaoana. 11Pa pa paki aura ni ragi waia au pitolo, po madou, po m̃alam̃ala, po pei tea tip̃aana, po dika ki tokora waina auga toko asa; go au do p̃osiwosi mawosa, 12au do p̃osiwosi ki nam̃elearugami maga: tea suoriana, au do pasam̃ataki; tea kopaleleana, au do soki a; 13tea vasasakiana, au do pavara: au pei tea mariana dapala nasogo ni maramana, go nasum̃a ni naleo maga mamau puti pa pa paki ragi waia.
14A da midiri tea maga wanogoe naga aga mari mu kuga maliere mau, ma naga aga tapavanau mu dapala natugu dodomiana aginau maga. 15Nalakena ku pe veani tea vasa piseiki tivilia sikai doko Kristo, ma ku da peani tamamu laapa mau: nalakena kinau a pesi mu pae narogorogoana wia doko Kristo Yesu. 16Nalakena tea wanogoe a pasa parati ki mu, kuga vei tea mari oli au. 17Nalakena tea wanogoe a dip̃aki lua Timotheo paloti punusi mu, waina e pei natugu dodomiana go waina e pei lomau doko Nawota, waina ega wo mari mu kuga moro midoaki napua aginau maga waina eu doko Kristo, dapala waina a do pasa piseiki sara tokora doko sara ekalesia. 18Ma seara eu pei tea p̃op̃o vuka dapala a naga aga ta paloti punusi mu mau. 19Ma Nawota e pe suasua, aga wo paloti punusi mu m̃araverave; go aga wo da atae navasaana ki tea maga waina eu pei tea p̃op̃o vuka mau, ma aga wo atae nakasuaana adeada. 20Nalakena namarakiana ki Sup̃e e da doko navasaana mau, ma e doko nakasuaana. 21Ku masau nasava? Aga vuati nakau varati sikai paloti punusi mu kite? Kite aga vilake nadodomiana go Naatana ni namatemateana?
Currently Selected:
1 PAKI TEA NI KORINTHO 4: NTB
Highlight
Copy
Compare
Share
Want to have your highlights saved across all your devices? Sign up or sign in
Bible Society of the South Pacific
