1 PAKI TEA NI KORINTHO 2
2
1Go kinau ragi waina a paloti punusi mu, tai maga, a da paloti pae nawialuaana ni navasaana mau kite ni namanumatuaana mau, doko do dogorogo paki mu ki p̃aia ki Sup̃e. 2Nalakena a midoaki p̃otae naga aga ta atae te navatuna m̃aleoputo kakamu mau, ma Yesu Kristo sikina, go nae tea turiana nakau valadagoto. 3Go kinau a sikoti mu doko namanainaiana go namatakuana go naruruuruana warua. 4Go navasaana aginau go narogorogokiana aginau ero da doko navasapuadoaana ni namanumatuaana mau, ma ero doko navasapiseikisokisokiana ki Naatana go ni nakasuaana; 5naga nasaralomauana animu ega ta doko namanumatuaana ki naatam̃oli maga mau, ma naga ega toko nakasuaana ki Sup̃e.
6Ma au do pasa namanumatuaana m̃aleoputo ni tea matua maga; ma e pei namanumatuaana sikai waina e da pei tea ni maramana waia mau, go e da pei tea ki tea maraki maga ni maramana waia mau, waina eu do pei tea maripuolikiana: 7ma au do pasa namanumatuaana ki Sup̃e doko p̃aia sikai, namanumatuaana waina e pei tea tasurukiana, waina Sup̃e e pea dawona ki nia pea ki maramana maga paki nasamasamaana anigida: 8waina tea maraki maga ni maramana waia sikai kakada e da atae a mau: nalakena eu pe atae a eu pe ta duri Nawota ni nasamasamaana nakau valadagoto mau: 9ma dapala waina e pei tea midiriana,
Naleo maga waina namata e da punusi ra mau, go nadaliga e da dogo ra mau,
Go waina eu da sili paki nap̃op̃o ni naatam̃oli mau,
Naleo maga waina Sup̃e e magi tea maga waina eu dodomi a mari m̃ata ki da.
10Ma Sup̃e e mari pakasa ki da paki gami pae Naatana: nalakena Naatana e do leo usiusi naleo maga mamau puti, go tea vakipua maga ki Sup̃e. 11Nalakena sei ni naatam̃oli maga e atae naleo maga ki naatam̃oli sikai, ma naata ni naatam̃oli wanogoe, waina e doko asa, e sikina? Go dapala nogoe naleo maga ki Sup̃e te naata e da atae ra mau, ma Naata ni Sup̃e e sikina atae ra. 12Ma kinami au da dape naatana ni maramana mau, ma au dape naatana waina e pei tea ni Sup̃e; naga auga atae naleo maga waina eu pei tea vituakisaup̃iakiana paki gida pae Sup̃e. 13Go naleo maga wanogoe au do pasa ara, au da pasa ara ki navasaana maga waina eu pei tea vasapiseikiana ni namanumatuaana ki naatam̃oli mau, ma au pasa ara ki navasaana maga waina eu pei tea vasapiseikiana ki Naatana: au do magi tea maga ni Naatana saisaikinoap̃otawotae naleo maga ni Naatana. 14Ma naatam̃oli waina e pei tea ni namero e da dape naleo maga ki Naata ni Sup̃e mau: nalakena eu maneana pei namanumatavusaana; go e da mari atae ra mau, nalakena eu pei tea midoakip̃otaeana pae Naatana. 15Ma naata waina e pei tea ni Naatana e midoaki p̃otae naleo maga mamau puti, ma nae e da pei tea midoakip̃otaeana pae te naata mau. 16Nalakena sei e atae namidodoana ki Yehovah, waina ega vasa piseiki nia? Ma kinami au peani namidodoana ki Kristo.
Currently Selected:
1 PAKI TEA NI KORINTHO 2: NTB
Highlight
Copy
Compare
Share
Want to have your highlights saved across all your devices? Sign up or sign in
Bible Society of the South Pacific
