NAMBABA 30
30
Wɩalɩŋ sɩ mʋʋ tɩgɛ niiŋ hɛnɩŋ lɛ
1Mosis bʋla pɩ Iziral tɩŋŋaa doho doho nɩhɩasɩŋ, “Ŋ-la nɛ La TƖƖNA dagɛ: 2Dɩ nʋʋ nɛ hɛ niiŋ arɩ ʋ jaŋ ŋaa wɩɩ a pɩ La TƖƖNA, koo dɩ ʋ ŋmɩɛsa nɛ arɩ ʋ bɩ jaŋ ŋaa wɩɩ, tɩɩna maga dɩ ʋ ŋaa wɩalɩŋ kala ʋ sɩ daga nɛ, ʋ bɩ maga dɩ ʋ vɩa.
3Dɩ hantolibie nɛ ha hɛ ʋ nyɩmma dɩa lɛ aŋ hɛ niiŋ dɩ ʋ ŋaa wɩɩ pɩ La TƖƖNA, koo dɩ ʋ ŋmɩɛsa nɛ arɩ ʋ bɩ jaŋ ŋaa wɩɩ, 4dɩ ʋ nyɩmma nɛ nɩɩ wɩalɩŋ aŋ bɩ wɩɩ bʋla, nii-la ʋ sɩ hɛ arɩ ŋmɩaŋ-la jaŋ chɩŋ. 5Ama dɩ ʋ nyɩmma nɛ nɩɩ wɩalɩŋ a bɩ sɛyɛ, nii-la arɩ ŋmɩaŋ-la kʋŋkala bɩ jaŋ chɩŋ. La TƖƖNA jaŋ joŋo chɛʋ, bɛɛ wɩaa ʋ nyɩmma bɩ sɛyɛ.
6Dɩ tolo nɛ ha bɩ bala jaa aŋ hɛ niiŋ arɩ ʋ jaŋ ŋaa wɩɩ a pɩ La TƖƖNA, koo dɩ ʋ ŋmɩɛsa nɛ arɩ ʋ bɩ jaŋ ŋaa wɩɩ, dɩ ʋ sɛnɛ nɛ koo dɩ ʋ chele nɛ a hɛ nii-la, dɩ ʋ nɛ kʋ jaa bala, 7dɩ ʋ bala nɛ nɩa aŋ bɩ wɩɩ bʋla, nii-la ʋ sɩ hɛ arɩ ŋmɩaŋ-la jaŋ chɩŋ. 8Ama dɩ ʋ bala nɛ nɩɩ wɩalɩŋ a bɩ sɛyɛ, nii-la arɩ ŋmɩaŋ-la bɩ jaŋ chɩŋ. La TƖƖNA jaŋ joŋo chɛʋ.
9Dɩ yo-haal koo haal sɩ jaa bala aŋ lɩɩ nɛ hɛ niiŋ arɩ ʋ jaŋ ŋaa wɩɩ koo dɩ ʋ ŋmɩɛsa nɛ arɩ ʋ bɩ jaŋ ŋaa wɩɩ, ʋ maga dɩ ʋ ŋaa wɩalɩŋ kala ʋ sɩ daga nɛ.
10Dɩ haala sɩ kɛŋ bala nɛ hɛ niiŋ dɩ ʋ ŋaa wɩɩ, koo dɩ ʋ ŋmɩɛsa nɛ arɩ ʋ bɩ jaŋ ŋaa wɩɩ, 11dɩ ʋ bala nɛ nɩɩ wɩalɩŋ aŋ bɩ wɩɩ bʋla, nii-la ʋ sɩ hɛ arɩ ŋmɩaŋ-la jaŋ chɩŋ. 12Ama dɩ ʋ bala nɛ nɩɩ wɩalɩŋ a bɩ sɛyɛ, nii-la ʋ sɩ hɛ arɩ ŋmɩaŋ-la bɩ jaŋ chɩŋ. La TƖƖNA jaŋ joŋo chɛʋ. 13Ʋ bala kɛŋ wombiiŋ dɩ ʋ leŋ dɩ nii-la arɩ ŋmɩaŋ-la chɩŋ koo ʋ leŋ ba sɩ́ chɩŋ. 14Ama dɩ ʋ bala nɛ nɩɩ wɩalɩŋ aŋ bɩ wɩɩkala bʋla a yi tapʋlɩɩ, nii-la ʋ sɩ ta arɩ ŋmɩaŋ-la jaŋ chɩŋ. Haal-la maga dɩ ʋ ŋaa wɩalɩŋ nɛ. 15Dɩ ʋ bala-la nɛ nɩɩ wɩalɩŋ a leŋ dɩ tapʋlɩɩ kieli ka dɩ ʋ bʋl wɩɩ, ʋ nɛ jaŋ mɩɩra laa cheeriŋ.”
16Wɩalɩŋ La TƖƖNA sɩ bʋla pɩ Mosis a mʋʋ tɩgɛ baala arɩ ʋ haala pɛgɛ, arɩ nyɩmma arɩ ʋ tolo ha sɩ bɩ bala jaa aŋ hɛ ʋ dɩa lɛ pɛgɛ nɛ ŋɩɩ.
Currently Selected:
NAMBABA 30: SIS
Highlight
Copy
Compare
Share
Want to have your highlights saved across all your devices? Sign up or sign in
©Ghana Institute of Linguistics Literacy and Bible Translation 1984, 2014
