LEVI DOHO NƖAA 12

Ŋɩɩ ba sɩ jaŋ pɩɩsɛ haala disiniŋ ta ʋ lʋlʋŋ harɩŋ

1La TƖƖNA bʋla pɩ Mosis, 2“Bʋla pɩ Iziral tɩŋŋaa, ‘Dɩ haal nɛ kɛŋ luoruŋ a lʋl hambolibie, tapʋlaa balɩpɛ pɛgɛ ʋ jaŋ kɛŋ disiniŋ arɩ ʋ sɩ yie hɛ tɩŋa a kɛŋ disiniŋ ŋɩɩ. 3Tapʋl-chori chɛɛŋ maga dɩ ba keri bile peniŋ. 4Ʋ ŋɩɩ harɩŋ lɛ a kaa mʋ tapʋlaa mara arɩ fii arɩ batori pɛgɛ, haal-la ha bɩ maga dɩ ʋ digi kʋŋ na-kala ba sɩ wasɛ wɩaa a joŋo hɛ Wɩa nɩsɩŋ lɛ koo ʋ mʋ Wɩa dɩ-zɔŋ-la, see tapʋlɩa-la sɩ maga dɩ ba pɩɩsɛ ʋ chal-la sɩ lɩɩ ʋ lɛ disiniŋ ta kiele. 5Ama dɩ ʋ nɛ lʋl hantolibie, yɔɔsʋŋ balɩa pɛgɛ ʋ jaŋ kɛŋ disiniŋ arɩ bʋa-la lɛ ʋ sɩ hɛ tɩŋa a kɛŋ disiniŋ ŋɩɩ. Ŋɩɩ harɩŋ ʋ jaŋ ŋaa tapʋlaa mahɩŋ batori arɩ balɩdʋ, ka dɩ chal-la sɩ lɩɩ ʋ lɛ disiŋ-la-na dɛrɛ.

6Dɩ ʋ nɛ lʋl hambolibie koo hantolibie, dɩ ba pɩɩsɛ ʋ disiniŋ ta dɛrɛ, haal-la maga dɩ ʋ kɛŋ piese sɩ yi jɩna arɩ kokomo a kaa kʋ pɩ Wɩɩsʋllɩ sɩpaalaara lɛbɩ-la lɛ La TƖƖNA sɩ yie kɔ Iziral tɩŋŋaa teeŋ boiŋ niiŋ. Ʋ jaŋ joŋ piesu-la ŋaa kʋnyɩgaa Wɩɩsʋlʋŋ aŋ joŋ kokomo-la ma sʋl wʋbɔŋŋɔɔ joŋo chɛnɩŋ Wɩɩsʋlʋŋ. 7Wɩɩsʋllɩ sɩpaalaara jaŋ laa kɩalɩŋ a kaa mʋ mɩ-na ma TƖƖNA sɩpaaŋ a pɩɩsɛ ʋ disiniŋ ta a tɩŋ chalɩŋ sɩ lɩɩ ʋ yaraa lɛ.

Wɩalɩŋ sɩ maga dɩ haal kala sɩ lʋl hambolibie koo hantolibie ŋaa nɛ ŋɩɩ. 8Dɩ haala nɛ bɩ piese lɛ wuo yi, ʋ jaŋ kɛŋ kokosuŋ balɩa kɔ, dɩ ba kpʋ dɔŋɔ a nyɩga pɩ Wɩa, ka dɔŋɔ ma ŋaa wʋbɔŋŋɔɔ joŋo chɛnɩŋ wɩɩ-sʋlʋŋ kʋa. Dɩ Wɩɩsʋllɩ sɩpaalaara nɛ ŋaa wɩaa deemba, ʋ pɩɩsɛ haal-la disiniŋ ta nɛ, ʋ bɩra bɩ disiniŋ kɛnɛ.’ ”

Currently Selected:

LEVI DOHO NƖAA 12: SIS

Highlight

Copy

Compare