Ahẹ Isoromọnị 1
1
1 #
1 Ohi 4.32
Ahẹ ene hu kere-kere ịnị ahẹ ọnị Isoromọnị jị yị.
Ahẹ Ịpaapa
Ozi ọnẹẹ ọnọọ kà
2Àa yẹ we kụ mị irenu kẹnẹ,
ka oyisì ọnị ụ si mi o hine huni eyi eche nị.
3Agụ eturare awụ ô zoza ẹtẹẹtẹrẹ.
Àa hị́ ịrẹha awụ kẹnẹ vị anaa mẹ ọzaa tamayị anị.
Ọnị ọ mẹ ka avaba anyẹnẹẹ ẹ̀ maanịị turaa ku wu nị.
4Navọ wa sị mị za, di ye zwe.
Vị ohinọyị amị, dị wa sị́ mị na ngụ aha ọyị sụ̀ awụ de.
I vee duduu jẹ,
dị yaa mẹrị ẹngụụ huni ọza ene hú eche.
Vị́ a vọrọ ka avaba anyẹnẹẹ è sì ịrẹyị awụ nị.
5Ẹwụ nịnị anyẹnẹẹ Anijerusarẹmị, ộ yẹ́ ka mee mine de, ama mee zoza.
Mee mine anka ajẹngụ ana a jị tụ ẹtẹ Ịkẹda ama mee zoza anka ịta ana a sị jị oze ịnị irehi ohinọyị Isoromọnị.
6Asị ụ sị eyi wụ̀ mị nịnị ka maa ta mine
agụvị ka ọyị ọ sị mị mẹ̀.
Ẹnẹbẹnị amị nịnị ệ kụ́ ayị hi mi,
dị ẹ dụ mị ka ma naa mẹ̀ ụkọrọ ịnị ụbazị ene e chire ọchị ịvayịnị hi nị.
Mẹ yị kụkụ va nyị ụmẹ ọ́yị tẹsị ẹngụ amị.
7Ẹwụ ọnị mị maanị sì ịrẹyị anị, kà a mị daare,
ịzị ụ vaa kụ ịsụpa awụ naa rị.
Ịzị ẹ vaa yaa tụ́ ụhwọ́ ụmẹ ọọdụ?
Sị ẹ vẹ dị mee vee si ụ zịịzị
ịzị oseratẹmẹ ana vọ aa kụ ịsụpa ẹnịnịị rị?
Ozi Ọnọrụ ọnọọ kà
8Ẹwụ ọnẹẹ ana maanị zoza aanị, wẹ̀ yị yẹ́,
vatụra oze ọnị ịsụpa nịnị aa zị dị wa kụ ezi ẹvụ awụ na rị
akaha ajẹngụ oseratẹmẹ nịnị kẹ.
9Ẹwụ ọnị mi maanị sị ịrẹyị anị, vị ụụ mẹ ka ayị anọrụ nịnị ee hine
anka umaata ọnẹẹ mẹẹ mẹ ka ayị umaata araka ohinọyị Anijipiti ee hine avọọ nị.
10Ịsụtọ ọnị ụ kụ hi ụtọ vị ana mẹ ka okura awụ ẹ̀ tịtẹ ọyịza-ọyịza,
dị ịsọbẹ awụ vavọọ mẹ ọrọkọ awụ ọyịza-ọyịza nị.
11Ama ị vaa sị igooru mẹ ịsọbẹ yị wụ,
dị ị sị isiriva mẹ̀ ẹ ọvị.
Ozi ọnẹẹ ọnọọ kà
12Óhinọyị amị mẹ̀ sụtụ ịnị ịvẹẹdị anị,
dị avaba ịzọọ aa dagụ eturare ọnị o che sẹ ẹngụ nị.
13Ọ́za ọnị mị sì ịrẹyị anị mẹ sụtẹtẹ tụra amị ịrẹva,
ẹngụ anị vị anaa dagụ eturare ana aā hị́ ịmaya.
14Ọza ọnị mị sị ịrẹyị anị vị ana sị mẹẹ anka ododo
ana yara hi ịnị ụbazị ịvayịnị ana ya ịzị aā hị́ Enggedi avọọ nị.
Ozi Ọnọrụ ọnọọ kà
15Ẹwụ oni mi si, waa da zoza kẹnẹ.
Mee ré e ịnị onyeyi awụ ka wee sì ịrẹyị amị.
Anẹẹ ọnọọ kà
16Ẹwụ mị sì ịrẹyị anị hu kere-kere nị,
waa da zoza kẹnẹ.
Vẹ yaa sị avị ohwoohu jị ode ọ̀yị sụ̀,
17dị ya sị ọchị ana aā hị́ isida mẹ ọtụ irehi ayị,
dị ya rẹ sị ọchị ana aā hi ịsayịpụrẹsị gụ ọ utu.
Currently Selected:
Ahẹ Isoromọnị 1: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
