Ahẹ Ụgama 97
97
Ohomorihi o hu keekere nị
1Ẹnẹyịmavara ọ vị ohinọyị nị, agụvị avọọ avaba anẹhẹ ẹ̀ẹ jẹ ịrajẹ.
2Eguhi dụmẹ-dụmẹ vị ana kara Ẹnẹyịmavara,
ohinọyị anị vị ana aa sị ịzẹyịzaa mẹ, ọ mā mẹ apẹ.
3Ịra vị ana maanị yà ọvịdị anị, dị aa rị avaba ọnịvị anị ana kara a.
4Etohweyi anị ọ mẹ ka ẹhẹ ò hweyi nị,
anẹhẹ mè re e, angwa ô hi wa, ẹ yaa dá ẹgahị nị.
5Ẹnẹyịmavara ana nyị avaba ẹhẹ mẹ̀ jẹẹ,
ataba nịnị vị ana maanị nā anka ụsụ avọọ.
6Ihinẹba aa sịị zụ̀ ka Ẹnẹyịmavara vị anaā mẹ ịzẹyịza,
avaba aza ee re ụbanyị anị.
7Avaba ọza ana aa hẹkẹ ori di e yee sii wo oto vị ọnị ụhị va nyị.
Avaba ẹwụ nịnị ori òo kú ẹtẹẹ kụ́ Ẹnẹyịmavara.
8Ẹnẹyịmavara, Anịzayọnị ọnịrị Anijuda mẹ̀ wụ́ụ mẹ̀ mẹ aa mẹ̀ ọkarẹyị, ẹnịnị vi ana aa jẹ.
9Ẹnẹyịmavara ẹwa vị Ohomorihi ana nẹba hu keekere ịnị avaba ẹhẹ nị.
Ẹwa nyị ụbanyị huna avaba ori nịnị ẹtẹẹtẹrẹ nị.
10Aza ana àa ka ẹnị ê sì ịrẹyị Ẹnẹyịmavara ộ vọrọ ka ẹ̀ẹ nyị ịhyẹrẹ ịsa odivi.
Ẹnẹyịmavara vi ene eē sere aza anị ana nyị ịzẹyịza ka asị ịsa odivi mẹ wa.
11Aza ana mẹ ịzẹyịza dị ẹ nyị ayị ọnya vee re ẹtohweyi, dị ẹ yaa jẹ.
12Ẹwụ nịnị ana nyị ịzẹyịza, tamayị ịsị Ẹnẹyịmavara mẹ dị waa jẹ nịnị, dị wa rẹẹ kụ́ ọ avọ nịnị.
Currently Selected:
Ahẹ Ụgama 97: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
