Ahẹ Ụgama 93
93
Ohomorihi ana vị ohinọyị
1Ẹnẹyịmavara ọ vị ohinọyị, dị ọ sị ụbanyị mẹ awuru chire nị.
Mị ka Ẹnẹyịmavara vị ana sị ụbanyị ọnịrị ụkata mẹ awuru chire.
Ẹhẹ vị ọnị ụ sị jẹẹ nganganga, o yi zụ henyi.
2Hụrẹ ụmọrụmọ ụ hụrẹ vị ohinọyị nị,
avọọ ụ mẹ yị yà pooro, pooro zịna-zịna nị.
3Ẹnẹyịmavara, òkū nịnị ee nowu, e yee nowu dị ẹ yaa da vụ̀ụ́vụụ nị.
4Ẹnẹyịmavara ọ vị ohinọyị ene hu keekere tụ́ ẹbẹẹba nị,
Ộ nyị ụkata huna avaba òkū ana aa dà vụụ-vụụ.
5Ọda ọnị ụ mẹ vị ana jẹ nganganga,
di irehi awụ vị ọnịnị nị.
Avọọ ọ mẹ̀ yà pooro zịna-zịna nị.
Currently Selected:
Ahẹ Ụgama 93: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
