Ahẹ Ụgama 90
90
Iwe 4
(Ahẹ 90—106)
Aduwa oni Imosiisi ana Ohomorihi mẹ
(Aduwa oni Imosiisi ọza Ohomorihi mẹ)
1Ananyị yị, ịda awụ ị tẹ hụrẹ ụmọrụmọ nọ.
2Dị ụ va yẹ ka ụụ mẹ ataba nịnị ne beri eteesu ọnịrị ẹhẹ
hụrẹ ụmọrụmọ ẹwụ vị vị Ohomorihi nị.
3Wâ mẹ ka aza ẹ̀ rẹ varẹma nọ ini eteesu
Wâ hị́ wa ka ọza rẹ varẹma nọ ini eteesu.
4 #
2 Ipi 3.8
Ịrayị akahị ini eyi awụ vị ana sị mẹẹ ẹkụhị ọnya avọọ,
mị ka vị ọ sị mẹẹ anka ẹẹrị nị.
5Wâ mẹ ka Iswọọza ọ̀ kụ́ aza na para hu.
Aza vị ana sị mẹẹ anka avị ọwọọwa ene nyị ẹnẹnẹ,
6Ịjị oruva mee tù, ọ sị wụ, o sị wọ̀rọ̀ va ha.
7Ayị màa kụ́ wụ, angwa ò hi yi, ye wusu.
8Wâ yẹ avaba ebira odivi ọnị yaa mẹ,
ẹ yị nyị ikonya ọnị ụ wẹ̀ yị yẹ.
9Ọyịkụ awụ ọ yị zẹẹ ka ye kú orubo, avaba ẹhẹ ayị vị ẹhẹ ụyọrị.
10Ịrayị ẹtarẹwụ kẹnẹ ị nyị ọ mị mẹ ịnị ẹhẹ ọnọnị nị,
ọza ana àa nyị ụkata dị aanị gụ ẹbẹẹna.
Avaba anị vị vị ẹngụkata ọnịrị ayodu.
Ịsọnị-ịsọnị ẹhẹ ayị ộ ta, ye si hu.
11Ẹ̀nị ẹ ka ọnị ọ zụ kà a ịzị ọyịkụ awụ dẹngụ na za?
Wàa kụ́ ayị, ivóvò vị ana aa ngụ avaba aza ẹngụ.
12Aarịhịnị navọ ya yaraa za ẹkụhị ẹhẹ ayị ịrịka, agụvị dị ya zụ yẹ ịrẹyị.
13Ẹnẹyịmavara, navọ de, wa nyị isuuru.
Aanị ụ wáá mẹ̀ vaa kụ́ ayị pooro nị?
Navọ wa vayị ezi ahụ awụ.
14Navọ ẹnẹnẹ-ẹnẹnẹ yee re ka wê sì ịrẹyị ayị ịnị ịzẹyịza,
dị ọnọọ ọ̀ há ọnọọ ọ̀ há yị ịnẹ.
Ọnọọ vaa mẹ ka ayị ayị òo hine, dị yaa jị ahẹ pooro ịnị ẹhẹ ayị.
15Anka ụ mẹ̀ sị ụya rị yị na za, dị ị nyị ẹngụkata,
navọ wa rẹ vavọọ mẹ ka ịnẹ ayị ò ve hine. 16Navọ wa mẹ̀ ụkọrọ ẹbanyị-ẹbanyị awụ dị eyi ezi ahụ awụ ò re e,
di ezi eyi ịrẹma-ịrẹma ẹ̀ zụ yẹ ụ mẹmẹ nyị ụbanyị. 17Ananyị yị ana vi Ohomorihi ayị, navọ kwogo wa vayị ayị,
dị wa navọ ịsa tụra ịsa ọnị yàaa mẹ, ò zee yị.
Mị ka aarịhịnị navọ ịsa ọnị yàaa mẹ, ò zee yị.
Currently Selected:
Ahẹ Ụgama 90: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
