Ahẹ Ụgama 77
77
Ẹnẹngụkata ene nowu na za Ohomorihi
(Ahẹ Asahwi ana yà ịnị ụvọ ọga ọjahẹ ọngwẹ anị vị ọngwẹ ahẹ ana aā hi Ijedutuni).
1Mee nowu hị́ Ohomorihi, mâ hị́ ọ baaba ka ọ̀ ba mi owu.
2Ẹ́ngụkata mé tù mị, Ẹnẹyịmavara mi nowu na za nị.
Avaba ịrahụ vị ọnị mị kụ̀rà ụvọ tụ́ ẹba, dị maa da ịpẹ,
mẹ yị kà ka ụvọ amị ộ kata,
me yi rị re ịsị a vọrọ ka ọ̀ mẹ ayị amị hunẹnẹ.
3Ohomorihi, mâ tamayị awụ, di mee ti kẹnẹ nị.
Ịjị mi ro ịrẹyị, o ku du mi eyi mẹ yị yẹ m mẹ̀ẹ zị ọ.
4Mẹ yị zụ sụ ara, mẹ yị rẹ zụ kà ịrẹyị.
5Mê ro ịrẹyị ịyẹẹyẹ hụrẹ ịrẹma vẹ,
6dị mị tamayị ahẹ ọnị mịị̄ jị ịrahụ nị.
Mê ro ịrẹyị, dị maa họ̀ ẹngụ amị use ịrẹyị nị.
7Mị ka Vị Ẹnẹyịmavara wê si yi yi tịtẹ pooro aanị nị?
Ọnị ọ vị ka ọ yị kụkụ daka vaa vayị ayịị?
8Ohomorihi vi ene ee vidii sì ịrẹyị ọza pooro dị ọ yị mā tụ́ ọ,
vị ọnọọ wáá ta aanị nị?
Ịsị ọ vịdị, ka ọnị vaa mẹẹ yị, vị ọ́ọ́ raà sị ayị hụụnị anị pooro aanị nị?
9Mị ka vi Ohomorihi wáá kụ́ ayị pooro dị ọ ka ọnị ọyị kụkụ vayị ayị nị?
10Di mi ve ro o, di mi ka maa tamayị ụmẹ
oni Ohomorihi vịdị aa sịị sị ụkata anịị mẹ̀ ịsa ẹbanyị-ẹbanyị.
11Mị ka maa tamayị ụkọrọ ẹbanyị-ẹbanyị ẹnị Ẹnẹyịmavara mẹ ịnị ịyẹẹyẹ.
12Ohomorihi, mị tangwa vee ro ịrẹyị ụkọrọ ẹnị ụ mẹ
Avaba ịta mā ta pa ọnị ụ mẹ mị vaa kà a.
13Ohomorihi, avaba ịsa ọnị ụ mẹ, a mā nyị ẹngụ anị,
ẹ yị nyị ori ana nyị ụbanyị anka Ohomorihi ayị.
14Ẹwụ Ohomorihi, ẹwaā mẹ̀ ụkọrọ ịvọpa nị, ẹwaā mẹ ka aza è re ụ mẹ̀ mẹ nyị ụkata nị.
15Ẹwa sị ụkata awụ dị wu sị dọ aza awụ tụ́ nị.
Mị ka ẹwa vavọọ dọ aza awụ ana vi ezi Ijekọvụ ọnịrị ezi Ijosẹẹhụ tụ́ nị.
16Ohomorihi, adagu nịnị mé re wụ, angwahi ọ sị ngụ wa ẹngụ,
mị ka iruvo oku vị ana aa dá ẹgahị.
17Eguhi aa zụ̀ orihi, dị apaana aa há ini ihinẹba, dị ịnyanya aa rị vee-vee nị.
18Áhị màa tụ́ kukuku, aza vị ana aa yị wụ́ apaana ihinẹba màa há.
Ịnyanya aa rị, dị avaba ẹhẹ ee zizi nị.
19Wâ zị oze ini òkū, ana aa dà vụụ-vụụ dị ụ vavọọ há a na para hu nị,
ama ọza o yi re ịpa ahụ awụ.
20Wâ tụ́ Imosiisi ọnịrị Eerọnị ka ẹ̀ẹ tẹsị aza awụ anka aza ene ee sere ịsụpa mẹ̀ẹ tẹsị ịsụpa ẹnịnị avọọ.
Currently Selected:
Ahẹ Ụgama 77: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
