Ahẹ Ụgama 76
76
Ohomorihi o reè hú ọnịvị anị ẹtẹ
(Ahẹ Asahwi ana yà ịnị ụvọ ọga ọjahẹ. Ahẹ ene eē hú agidibò tụ́).
1Aza ana hi Ijuda ệ yẹ Ohomorihi,
ịrẹha Ohomorihi vị ana nyayịnẹ ngụ ịrẹyị ịnị ẹtẹ Anisirẹrị.
2Ohomorihi vị ana kụ́ udi tụ́ Ịsarẹmị,
mị ka ịnị ataba Ịzayọnị ọ ra nị.
3Ohomorihi mẹ̀ yà ịzọọ, dị ọ za avaba ẹnya ịrẹkụ di o du wa va ha nị.
Ọza ogonto ọnịrị ụwhọ̀ ọbanyị vi oni o du ha.
4Ohomorihi, ọza o yi zụ juwe ụbanyị awụ.
Wa sị ọnịvị awụ hú ẹtẹ ịrẹsụ ataba,
dị ẹwụrị ụbanyị awụ ee chii vẹ haara kẹnẹ nị.
5Isoja ọnịvị awụ ana vị isoja ọ̀kà-ọ̀kà vị ana maanị sú và hi ẹtẹ,
ẹnịnị ẹ yị kụkụ zụ sị ụvọ.
6Ẹwụ Ohomorihi oni Ijekọvụụ̄ hẹkẹ, ụ mẹ̀ kara eyi kẹnẹ,
onumaata ọnịrị umaata anị ẹ yị kụkụ zụ zizi.
7Ẹwụ ịnya kẹnẹ a vọrọ ka ọza òo hú angwa anị nị,
agụvị ka ịjị ayị aa kụ́ wụ, ẹ yị nyị ọza na zụ jẹẹ zi wu.
8Ụ mẹ̀ yà ẹbẹẹba dị ụ mẹ̀ ọkarẹyị, angwa vi ene hi anẹhẹ, dị ẹ kụkụ hi ẹtẹ sisisi.
9Mị ka anẹhẹ ẹ yị zụ há irenu, ụ mẹ̀ kwẹẹtẹ ka wa mẹ̀ ọkarẹyị
dị wa dọ avaba aza ana aza aa mẹ ehuna yịị tụ́.
10Aza aa kụ́ ayị ọnọọ vị ana vaa mẹ ka aza ẹ̀ẹ sị ụbanyịị wụ,
dị aza ana vọ ana aa kụ́ ayị za ụvọ chire enyi nị.
11Wàa kà ka ụ vaa mẹ̀ ịsaa yị Ẹnẹyịmavara ana vi Ohomorihi awụ, re ka wâ mẹ̀ ẹ.
Ohomorihi a avọrọ ka ee hí angwa anị nị
â vọrọ ka anẹkụra ana kara yị ẹ̀ẹ kụ́ oguu vaa yọ.
12Ohomorihi ộ za ohinọyị ene ee wo otoo zị, dị ọ và wa nẹtẹ nị.
Ohinọyị ene hi ẹhẹ vi ene ee hí angwa anị.
Currently Selected:
Ahẹ Ụgama 76: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
